1 Kɔrintian 8:9 - Vengo (Babungo)

⁹ Nu kwalə lùu laa, kɨ viŋ yɨ nu faŋ ŋkə yɨsə laa wə mɔ́ꞌ gu nu me. A kɔlə kɨ̀ɨ fɨ taa yitɔfə yə laa kaꞌ a zɨ kəŋ fazɨ kɔ́, kaa yɨsə laa vɨɨ faŋ fwisə vəŋ kee ta lùu səweꞌ me, gu maa nu kɔ́ me.

1 Kɔrintian 8:9 ပူးပေါင်းရင်းမြစ်များ

Matiu 18:10

Viŋ kɨ ndɨɨnə laa kɨ viŋ shia fɨ maa vaŋ vəbwavə və̀ me. Mə naysə tɨ́ viŋ laa nshiisə-ŋiisə Nwi nsɨə faŋ nsə shiŋnə vaŋ vɔ́, lùu yizɔ, ye yikəꞌ Tii ŋwaa faŋ ŋwə lùu yizɔ nə.

Roma 15:1

Nɨniŋ, nu kaŋ-nsiŋ faŋ nsiŋ weꞌ maa nu Kristo nə, lùu laa, nsiŋ kɨ gaŋtə vɨɨ mbɨə faŋ vəŋ bwa maa nu Kristo, kee yɨsə vənu faŋ mbə bàw sheꞌ tɨ́ nsiŋ nə me.

1 Kɔrintian 10:24

Bàw wə kɨ faꞌ maa jɨɨ njyə faŋ nyə taa gaŋtə vɨɨ mɔ́ꞌ. Kɨ ŋwə kɨ yɨsə vənu faŋ mbə taa gaŋtə sheꞌ ŋwə me.

1 Kɔrintian 10:28

Kɨ luu viŋ luu yifi, wə mɔ́ꞌ jwi, gì tɨ́ viŋ laa, fazɨ ŋkɨə faŋ vɨ kɔ̀ tɨ́ viŋ laa viŋ zɨ, vɨ kɔ̀ tɨ́ vənwi maa ndey, kɨ viŋ baa zɨ fazɨ kɔ́ me. Nɨniŋ laa kɨ viŋ yɨsə nu faŋ wə mɔ́ꞌ taa bɨꞌtə laa lùu nu bwə me, buꞌ ŋkə taa kɔ ghaysə taa fwi wə ghɔ́.

1 Kɔrintian 10:29

Luu buꞌ mbɨꞌtə wə ghɔ́ faŋ viŋ mèꞌtə fazɨ kɔ́, kee luu buꞌ mbɨꞌtə yiŋ me. Faŋ ŋkə lùu nɨniŋ nə, kaꞌ wə mɔ́ꞌ gì laa, «Sii yɨ̀ kə laa mbɨꞌtə wə dɨday sɔꞌ mə?»

1 Kɔrintian 10:32

Kɨ kɨɨ buꞌ viŋ yɨ nu faŋ ŋkə taa yɨ laa fwi wə shə. Kɨ luu wə ghɔ́ lùu wuu Jus, tɨꞌnə me wuu tɔmə day, tɨꞌnə me wuu Nwi, kɨ viŋ yɨsə fwi yi shə me.

1 Kɔrintian 8:10

Kɨ luu wə faŋ ŋwə kee kìi kəŋ yitɔfə yɔ́ me, ye ghɔ, faŋ a kìi yitɔfə yɔ́ nə, faŋ a dùꞌ maa shəŋ məfeꞌ vənwi vədayday, kɨ zɨ fazɨ faŋ vɨ feꞌ tɨ́ vənwi vɔ́ nə, kaꞌ ŋkə yɨ̀sə laa ŋwə baa luu jwì, zɨ̀ fɨ maa fazɨ kɔ́.

1 Kɔrintian 8:12

Kɨ ghaŋ viŋ yɨ nɨniŋ, buu viŋ yɨ̀ nu bwə tɨ́ vaŋ-nshwi viŋ, faŋ viŋ yɨ̀sə laa vəŋ yɨ̀ nu faŋ ŋkə kee lùu kəloomə sɨ vəŋ me. Viŋ yɨ̀ nɨniŋ, buu viŋ yɨ̀ nu bwə tɨ́ Yeso Kristo nɨzi.

1 Kɔrintian 9:22

Yighee njyə faŋ mə lùu yia vɨ vɨɨ faŋ fwisə vəŋ kee ta wèꞌ maa nu Nwi me, mə lùu yaa vəŋ, tɨ́ kaꞌ mə yɨsə vəŋ beꞌsə Kristo. Wə kɔlə lùu kɨkə, mə lùu yaa ŋwə, tɨ́ kaꞌ mə tòꞌ fɨ maa jɨɨsə sənshə maa məjwi nə vɨɨ, tɨ́ kaꞌ vəŋ kìi məbwey vəlwaŋ fɨ ghɔ Nwi.

2 Kɔrintian 11:21

Nu kɔ́ lùu nu tɔ dɨɨ tɨ́ yia. Yinsəŋ, yia kee bee kùꞌnə maa məyɨ kəŋ nu ghɔ́ me. Luu nə, nu ŋkɨə faŋ wə mɔ́ꞌ buꞌ dɨŋ wi shɔ, kaꞌ mə bùꞌ dɨŋ ŋwaa shɔ nɨzi. Maa lùu yigisə vəmfaw faŋ mə gì nɨniŋ nə.

2 Kɔrintian 11:29

Sii bwà ndə, mə kee bwa me? Kɔ̀ ndə kɔ̀ nu məbuulə, fwi nyaa kee za me?

2 Kɔrintian 6:3

Yia kee yɨ tuu nu, faŋ kaꞌ ŋkə yɨ̀sə wə gù me, laa kɨ tɔ dɨɨ fùu maa faꞌ wia me.

Galatia 5:13

Vaŋ-nshwi vaŋ, gə fɨ maa viŋ, Nwi nə shòꞌ viŋ laa kɨ viŋ baa luu yaa vəbuꞌ tɨ́ ntɨsə vɨɨ Jus me. Luu nə, faŋ viŋ kee lùu vəbuꞌ tɨ́ ntɨsə sɔ́ nə me, kɨ viŋ bɨꞌtə laa kaꞌ viŋ taa kɨ yɨsə vənu vənshə faŋ mbasə ŋwaa wiŋ kàw me. Viŋ kii ŋkawnə tɨ́ wə nə wə, baa gaŋtə wə nə wə.

Kɔlɔsii 2:8

Viŋ ndɨɨnə laa kɨ wə jwi bweꞌsə viŋ, jia viŋ nə yitɔfə fɨ taa mbi nyə̀ me, tɨꞌnə me, nə yigisə dayday faŋ nyə ndɔ̀ fɨ ghɔ nuŋsə vɨɨ me, tɨꞌnə me, fɨ maa vəwutə və mbi me. Təgi tɔ́ kee ndɔ̀ fɨ ghɔ Kristo me.

1 Pita 2:16

Viŋ luu vɨɨ faŋ viŋ dùꞌ tɔ viŋ taa mbi. Nɨniŋ, kɨ viŋ gi laa məduꞌ faŋ viŋ dùꞌ tɔ viŋ nə, kɔ̀ jɨɨ, tɨ́ kaꞌ viŋ yɨsə nu bwə me. Viŋ bee kii kɨ yɨsə vənu faŋ mbə kùꞌnə tɨ́ vɨɨ Nwi.

2 Pita 2:19

Vəŋ kɔꞌnə vɨɨ vɔ́ laa vəŋ ndɔ duꞌ tɔ vəŋ, luu nə, nshɨ-tɔ vəŋ faŋ vəŋ gisə yigi yɔ́ nə, lùu vəbuꞌ tɨ́ nu bwə, nu bwə kɨ bii ka vəŋ. Viŋ kɔꞌ kɨɨ laa fa tɨ̀ me fa faŋ ŋkə sɔꞌ wə, wə ghɔ́ lùu buꞌ tɨ́ fa kɔ́.

Reveleyshən 2:14

Luu sheꞌ wee-nu faŋ ŋkə kee baw too mə me. Nu kɔ́ lùu laa, vɨɨ mɔ́ꞌ fɨ taa ŋwaa viŋ jìa nu Balaam, faŋ ŋwə nə dèesə tɨ́ Balak faŋ ŋkə bàw maa məkɔꞌsə vɨɨ Isirayl, yɨsə vəŋ yɨ nu bwə, zɨ fazɨ faŋ lùu fazɨ vəŋku vənwi, baa tii vəki.