1 Kɔrintian 8:4 - Vengo (Babungo)

⁴ Gə fɨ maa fazɨ ŋkɨə faŋ vɨ kɔ tɨ́ vənwi vədayday nə, viŋ kɨɨ laa vənwi vədayday kee lùu fa faŋ ŋkə lùu kəbwey me. Viŋ baa gisə laa Nwi luu sheꞌ muꞌ.

1 Kɔrintian 8:4 ပူးပေါင်းရင်းမြစ်များ

Mark 12:29

Yeso bəŋsə tɨ́ ŋwə laa, «Njyə vɨsɨ lùu laa, «Viŋ zɔ mɔɔ, vɨɨ Isirayl, tɨta Nwi lùu Nwi ŋwaa-nsiŋ. Luu sheꞌ ŋwə lùu Nwi.

Akts 14:15

«Viŋ sii yɨsə nee buꞌ kə? Yia luu sheꞌ vɨɨ yaa viŋ. Luu nə, yia jwi nə ntɔŋ yijəə tɨ́ viŋ, laa viŋ kiasə yiŋwaa yiŋ fɨ maa vənu vədayday və̀, bìŋ Nwi yinsəŋ faŋ ŋwə bɔ̀ŋ yizɔ nə nsi nə mamuu nə vətɔ vənshə faŋ mbə lùu shɔ nə.

Akts 15:20

Bàw nsiŋ nyɔꞌ ŋwaꞌlə tɨ́ vəŋ, nàysə tɨ́ vəŋ sheꞌ laa vəŋ shiinə yiŋwaa vəŋ, kee kɨ zɨ fa faŋ ŋkə kee lùu kəley tɨ́ Nwi me, buꞌ faŋ ŋkə ndɔ̀ fɨ yɨ vənwi vədayday me. Baa nə laa kɨ vəŋ kɨ beꞌsə nu vəki me, kee kwə̀ mbasə nyaa faŋ vɨ tɨtwiŋ me wi, buu zwi me, kee zɨ fazɨ faŋ mənshi lùu taa tey yi me.

Akts 19:26

Nɨniŋ, viŋ yɨye, baa zɔ faŋ Pɔɔl wì buulə vətɔ və vɨɨ vəyaŋ, laa vəŋ meꞌ vənwi, buꞌ laa ŋwə toꞌ gisə laa vənwi faŋ vɨ nàysə nə ghɔ, kee lùu vənwi me. Ŋwə kee yɨsə nɨniŋ sheꞌ shɨ Efesɔs me, ŋwə yɨsə fɨ nsi Asia yinshə.

1 Kɔrintian 8:1

Mə kəə baa gi kɔ̀ŋ fazɨ faŋ vɨ kɔ̀ tɨ́ vənwi vədayday. Viŋ gì laa nsiŋ vənshə kìi tɔ ley. Lùu yinsəŋ laa nsiŋ kìi tɔ ley. Luu nə, kəŋ tɔ ley kɔ́ yɨsə wə koꞌsə ŋwaa wi. Nu ŋkɨə faŋ ŋkə gaŋtə vɨɨ dɨdɨꞌ, lùu laa wə kɨ kaw weenshu wi.

1 Kɔrintian 8:10

Kɨ luu wə faŋ ŋwə kee kìi kəŋ yitɔfə yɔ́ me, ye ghɔ, faŋ a kìi yitɔfə yɔ́ nə, faŋ a dùꞌ maa shəŋ məfeꞌ vənwi vədayday, kɨ zɨ fazɨ faŋ vɨ feꞌ tɨ́ vənwi vɔ́ nə, kaꞌ ŋkə yɨ̀sə laa ŋwə baa luu jwì, zɨ̀ fɨ maa fazɨ kɔ́.

1 Kɔrintian 8:11

Wə ghɔ́ kɨ zɨ fazɨ kɔ́, faŋ ŋkə ghɨɨ tɨ́ ŋwə yaa lùu nu bwə, buu ŋwə gù buꞌ ghɔ. Yitɔfə yə yɔ́ yɨ̀sə laa ŋwə ndi jɨɨ. Sii yɨ̀ kə buu a yɨsə nu faŋ ŋkə yɨ laa weenshu wə ndi jɨɨ, faŋ Yeso Kristo nə kù tɔ ŋwə nɨzi nə.

Galatia 4:8

Yighee vɨsɨ faŋ viŋ nə kee ta kɨ̀ɨ nə Nwi me, viŋ nəə feꞌ vənwi faŋ kee lùu Nwi yinsəŋ me. Viŋ nə luu yaa vəbuꞌ tɨ́ vətɔ mbɨə faŋ kee lùu mbə Nwi me.

Efesɔs 4:6

Nwi, tɨta vɨɨ vənshə luu muꞌ. Sɔꞌ ŋwə sɔꞌ nsiŋ vənshə, faꞌ taa ŋwaa nsiŋ vənshə, shi taa fwisə nsiŋ vənshə.

1 Timoti 1:17

Nsiŋ kɨ bəŋsə Nwi, faŋ lùu fwàŋ məsɔꞌ mbi ghee nshə. Ŋwə kee ndɔ ndi me. Wə kee lùu shɔ faŋ ŋwə ye Nwi me. Ŋwə lùu Nwi nɨnɔŋ wi. Nsiŋ kɨ bəŋsə ŋwə, kɔ feenə tɨ́ ŋwə maa vəshi və mbi vənshə, ki kee lùu shɔ me. Ŋkə lùu nɨniŋ.

1 Timoti 2:5

Nwi luu sheꞌ muꞌ. Wə ntɨə faŋ ŋwə fàynə vɨɨ ghɔ vɨ Nwi luu sheꞌ muꞌ nɨzi, lùu Yeso Kristo, wuu məbweysə ŋwaa-nsiŋ.

Ŋwaꞌlə Jud 1:25

Nsiŋ kɨ bəŋsə Nwi, faŋ luu sheꞌ ŋwə lùu Nwi nɨnɔŋ. Gaŋtə ŋwə gaŋtə nsiŋ fɨ yiba tɨta ŋwaa-nsiŋ Yeso Kristo. Kii sheꞌ Nwi kìi feenə, nə yikwalə nə wutə məsɔꞌ mbi. Nə luu nɨniŋ fɨ maa vənzi, baa lùu ndwə, ndɔ goꞌsə nɨniŋ vəshi və mbi və̀ vənshə. Ŋkə lùu nɨniŋ.