1 Kɔrintian 8:13 - Vengo (Babungo)

¹³ Nɨniŋ, mə naysə tɨ́ viŋ laa, mə kɨ luu kɨ ye laa fazɨ ŋkɨə faŋ mə zɨ ŋkə, laa ŋkə lùu nu bwə tɨ́ weenshu ŋwaa, buu mə taa meꞌtə fazɨ kɔ́ yighee muꞌ, kee baa kɨ zɨ me, tɨ́ kaꞌ mə kee yɨ laa weenshu ŋwaa gu nu me.

1 Kɔrintian 8:13 ပူးပေါင်းရင်းမြစ်များ

Matiu 17:27

Luu nə, ŋkə kee baw laa nsoo yɨ nu faŋ ŋkə taa bɨ tɨ́ vəŋ me. Nɨniŋ, bàw a gə taa muu, mɔ̀ꞌ tasə koꞌsə fɨ taa muu. Mfɔŋ su faŋ nyə koꞌ, a ŋaꞌsə shuu wi. A taa ye ka shuu nyə. A ndi, gə̀ kɔ̀ tɨ́ vəŋ shee, baa nə maa nshɨ-tɔ wə.»

Akts 15:20

Bàw nsiŋ nyɔꞌ ŋwaꞌlə tɨ́ vəŋ, nàysə tɨ́ vəŋ sheꞌ laa vəŋ shiinə yiŋwaa vəŋ, kee kɨ zɨ fa faŋ ŋkə kee lùu kəley tɨ́ Nwi me, buꞌ faŋ ŋkə ndɔ̀ fɨ yɨ vənwi vədayday me. Baa nə laa kɨ vəŋ kɨ beꞌsə nu vəki me, kee kwə̀ mbasə nyaa faŋ vɨ tɨtwiŋ me wi, buu zwi me, kee zɨ fazɨ faŋ mənshi lùu taa tey yi me.

Roma 14:13

Nɨniŋ, kɨ nsiŋ baa kɨ sɔꞌ vaŋ-nshwi vaŋ-nsiŋ me. Viŋ bee kii tə sɨ laa kɨ viŋ kɨ yɨsə nu faŋ kaꞌ weenshu wə tùŋ ghuu ki shɔ gu, gaasə ghɔ Nwi me.

Roma 14:21

Ŋkə bàw maa məmeꞌtə maa məkwə mbasə, baa nə maa mənu məluꞌ, tɨꞌnə me yɨ̀ nu mɔ́ꞌ faŋ ŋkə taa bɨ tɨ́ weenshu wə, ŋwə gu shɔ.

1 Kɔrintian 10:32

Kɨ kɨɨ buꞌ viŋ yɨ nu faŋ ŋkə taa yɨ laa fwi wə shə. Kɨ luu wə ghɔ́ lùu wuu Jus, tɨꞌnə me wuu tɔmə day, tɨꞌnə me wuu Nwi, kɨ viŋ yɨsə fwi yi shə me.

1 Kɔrintian 10:33

Nshɨ-tɔ ŋwaa kəə laa mə kɨ bawsə fwisə vɨɨ vənshə maa vənu vənshə faŋ mə yɨsə. Mə kee bɨꞌtə sheꞌ nu faŋ ŋkə taa gaŋtə mə nɨnɔŋ me; mə bɨꞌtə nu faŋ ŋkə taa gaŋtə vɨɨ vəyaŋ, tɨ́ kaꞌ mə ndɨ vəŋ, jwì nə vəŋ tɨ́ Nwi, tɨ́ vɨ kɔ Nwi bwèysə vəŋ.

1 Kɔrintian 13:5

Wə faŋ ŋwə kaw vɨɨ, kee yaa kɨ yɨ nu maa jɨɨ faŋ nyə kee yikuꞌnə me, kee ndeynə sheꞌ ŋwaa wi me; fwi yi kee yaa kɨ shə me; ŋwə kee yaa kɨ lumə nu bwə faŋ wə yɨ maa ŋwə me.

1 Kɔrintian 6:12

Gə fɨ maa yigi njyə faŋ vɨ gì laa, «Kaꞌ mə kɨ yɨsə vənu vənshə.» Lùu nɨniŋ, luu nə, kee gaŋtə vənu vənshə gaŋtə mə laa mə kɨ gə vɨsɨ vɨsɨ me. Kaꞌ wə kɨ yɨsə vənu vənshə, luu nə, kee bàw laa nu yɨsə ŋwə gu buꞌ tɨ́ nu kɔ́ me.

1 Kɔrintian 9:12

Viŋ biŋ laa vɨɨ mɔ́ꞌ faŋ vəŋ deesə nu Nwi tɨ́ viŋ, fi vətɔ fɨ ghɔ viŋ. Faŋ ŋkə lùu nɨniŋ nə, buu yia luu ŋkee vɨɨ mbɨə faŋ kaꞌ viŋ kɔ̀ vətɔ vɔ́ nə. Luu nə, faŋ ŋkə kɔlə lùu nɨniŋ, yia kee ndwàŋ viŋ laa viŋ gaŋtə yia me. Yia duꞌtə yia biŋ ŋɨꞌ tɨ̀ me ŋɨꞌ, laa kɨ yia fəŋ jɨɨ fɨ ghɔ ntɔŋ yijəə Nwi kɔ̀ŋ Yeso Kristo me.

2 Kɔrintian 11:29

Sii bwà ndə, mə kee bwa me? Kɔ̀ ndə kɔ̀ nu məbuulə, fwi nyaa kee za me?

2 Kɔrintian 6:3

Yia kee yɨ tuu nu, faŋ kaꞌ ŋkə yɨ̀sə wə gù me, laa kɨ tɔ dɨɨ fùu maa faꞌ wia me.