1 Kɔrintian 8:10 - Vengo (Babungo)

¹⁰ Kɨ luu wə faŋ ŋwə kee kìi kəŋ yitɔfə yɔ́ me, ye ghɔ, faŋ a kìi yitɔfə yɔ́ nə, faŋ a dùꞌ maa shəŋ məfeꞌ vənwi vədayday, kɨ zɨ fazɨ faŋ vɨ feꞌ tɨ́ vənwi vɔ́ nə, kaꞌ ŋkə yɨ̀sə laa ŋwə baa luu jwì, zɨ̀ fɨ maa fazɨ kɔ́.

1 Kɔrintian 8:10 ပူးပေါင်းရင်းမြစ်များ

Akts 15:20

Bàw nsiŋ nyɔꞌ ŋwaꞌlə tɨ́ vəŋ, nàysə tɨ́ vəŋ sheꞌ laa vəŋ shiinə yiŋwaa vəŋ, kee kɨ zɨ fa faŋ ŋkə kee lùu kəley tɨ́ Nwi me, buꞌ faŋ ŋkə ndɔ̀ fɨ yɨ vənwi vədayday me. Baa nə laa kɨ vəŋ kɨ beꞌsə nu vəki me, kee kwə̀ mbasə nyaa faŋ vɨ tɨtwiŋ me wi, buu zwi me, kee zɨ fazɨ faŋ mənshi lùu taa tey yi me.

Roma 14:14

Mə kɔꞌ kɨɨ, baa nùŋ fwi nyaa shɔ maa yizii tɨta Yeso, laa tuu fa kee lùu fa bwə maa nshɨ-tɔ wi me. Fa lùu fa bwə sheꞌ tɨ́ wə ntɨə faŋ ŋwə bɨꞌtə laa luu fa bwə.

Roma 14:23

Kɨ luu wə zɨ fa, faŋ ŋwə kɔlə bɨꞌtə fɨ taa fwi ŋwə laa ŋkə kee kùꞌnə maa məyɨsə nɨniŋ me, buu ŋwə gù nsɔꞌ, buꞌ faŋ ŋwə yɨ̀ nu faŋ ŋwə kee biŋ laa lùu nu jəə me. Vənu vənshə faŋ wə yɨsə, faŋ ŋwə kee biŋ laa lùu nu jəə me, buu lùu nu bwə.

1 Kɔrintian 10:32

Kɨ kɨɨ buꞌ viŋ yɨ nu faŋ ŋkə taa yɨ laa fwi wə shə. Kɨ luu wə ghɔ́ lùu wuu Jus, tɨꞌnə me wuu tɔmə day, tɨꞌnə me wuu Nwi, kɨ viŋ yɨsə fwi yi shə me.

1 Kɔrintian 8:4

Gə fɨ maa fazɨ ŋkɨə faŋ vɨ kɔ tɨ́ vənwi vədayday nə, viŋ kɨɨ laa vənwi vədayday kee lùu fa faŋ ŋkə lùu kəbwey me. Viŋ baa gisə laa Nwi luu sheꞌ muꞌ.

1 Kɔrintian 8:7

Faŋ nsiŋ kɔlə kɨɨ laa vətɔ vɔ́ vənshə lùu nu dayday, vɨɨ Nwi vəmɔ́ꞌ kee yikɨɨ me. Vɨɨ mɔ́ꞌ lùu shɔ faŋ vəŋ nə fɔŋ bìŋ vənwi vədayday vɔ́. Nɨniŋ, yighee njyə faŋ vəŋ zɨ fa, tɨꞌnə me kwə kəŋ mbasə ghɔ́, ŋkə lùu tɨ́ vəŋ yaa mbasə faŋ vɨ feꞌ tɨ́ vənwi vɔ́. Ŋkə kɨ nii lùu tɨ́ vəŋ yuu vəŋ yɨ nu bwə.

1 Kɔrintian 8:9

Nu kwalə lùu laa, kɨ viŋ yɨ nu faŋ ŋkə yɨsə laa wə mɔ́ꞌ gu nu me. A kɔlə kɨ̀ɨ fɨ taa yitɔfə yə laa kaꞌ a zɨ kəŋ fazɨ kɔ́, kaa yɨsə laa vɨɨ faŋ fwisə vəŋ kee ta lùu səweꞌ me, gu maa nu kɔ́ me.