1 Kɔrintian 8:1 - Vengo (Babungo)

¹ Mə kəə baa gi kɔ̀ŋ fazɨ faŋ vɨ kɔ̀ tɨ́ vənwi vədayday. Viŋ gì laa nsiŋ vənshə kìi tɔ ley. Lùu yinsəŋ laa nsiŋ kìi tɔ ley. Luu nə, kəŋ tɔ ley kɔ́ yɨsə wə koꞌsə ŋwaa wi. Nu ŋkɨə faŋ ŋkə gaŋtə vɨɨ dɨdɨꞌ, lùu laa wə kɨ kaw weenshu wi.

1 Kɔrintian 8:1 ပူးပေါင်းရင်းမြစ်များ

Akts 15:10

Nɨniŋ, sii yɨ kə buu viŋ kəə kɨ mɔŋ Nwi, faŋ viŋ kəə koꞌsə biꞌ mbəꞌ vɨɨ məbiŋ Kristo, faŋ ŋkee vətɨɨ vaŋ-nsiŋ, tɨꞌnə me nsiŋ, nə kee kìi wutə maa məbiꞌ me?

Akts 15:29

Ŋkə lùu laa, kɨ viŋ zɨ fazɨ faŋ vɨ kɔ̀ tɨ́ vənwi vədayday, fèꞌ vənwi vədayday shɔ me. Kɨ viŋ zɨ fazɨ faŋ mənshi lùu taa tey yi me. Kɨ viŋ kwə mbasə nyaa faŋ vɨ tɨtwiŋ me nyaa, nyə ku me. Baa nə laa viŋ baꞌsə fwi siŋ fɨ maa nu vəki. Viŋ kwasə yiŋwaa yiŋ fɨ maa vənu vɔ́, buu viŋ taa dùꞌ jəə. Viŋ duꞌ jəə!»

Akts 21:25

Gə fɨ maa vɨɨ mbɨə faŋ vəŋ kee lùu vɨɨ Jus me, faŋ vəŋ biŋ nu Kristo nə, yia duꞌtə yia shia, baa nyɔ̀ꞌ taa ŋwaꞌlə, tɔ̀ŋ tɨ́ vəŋ, laa kɨ vəŋ baa zɨ fazɨ faŋ vɨ feꞌ mənyia shɔ me, tɨꞌnə me faŋ mənshi lùu taa tey yi me, baa nə laa kɨ vəŋ kwə mbasə nyaa faŋ vɨ tɨtwiŋ me wi nyə ku me, baa nə laa vəŋ meꞌtə nu mətii vəki.

Roma 11:25

Vaŋ-nshwi vaŋ, mə kəə yɨ̀sə viŋ kɨ̀ɨ nə nu mɔ́ꞌ nɨzi, faŋ ŋkə nə ndènə fɨ ghɔ vɨɨ. Mə kəə naysə tɨ́ viŋ laa kɨ viŋ taa kɨ bɨꞌtə ŋkiŋ nu fɨ maa yitɔfə yiŋ me. Viŋ zɔ! Nwi nə yɨ̀ fwisə way vɨɨ Isirayl luu səfɨsə, gə kɔ tɨ́ yighee njyə faŋ vɨɨ tətɔŋ fu ndɔ jwi kɨ kɨɨ nə Nwi, nwaa vəŋ lwaŋ,

Roma 12:16

Mbɨꞌtə yiŋ luu yimuꞌ. Kɨ viŋ kɨ bɨꞌtə nu məkoꞌsə ŋwaa me, bee kii suꞌsə yiŋwaa yiŋ nsi, kee tii yiŋwaa yiŋ nə vɨɨ yitɔfə me.

Roma 14:10

Jwi fɨ maa ghɔ, faŋ a kee kwə mbasə me, sii yɨ kə, buu a kɨ shia nsɔꞌ tɔ weenshu wə? Nə ghɔ faŋ a kwə vətɔ vənshə, sii yɨ kə buu a kɨ shiasə weenshu wə? Maa nsiŋ vənshə ndɔ tɨŋnə vɨsɨ Nwi, ŋwə sɔꞌ nsiŋ.

Roma 14:14

Mə kɔꞌ kɨɨ, baa nùŋ fwi nyaa shɔ maa yizii tɨta Yeso, laa tuu fa kee lùu fa bwə maa nshɨ-tɔ wi me. Fa lùu fa bwə sheꞌ tɨ́ wə ntɨə faŋ ŋwə bɨꞌtə laa luu fa bwə.

Roma 14:19

Nɨniŋ, nsiŋ kɨ beꞌsə fɨ yiba nu faŋ ŋkə yɨsə nsiŋ duꞌ nə mənɔŋ-bwaŋnə, gaŋtə yiŋwaa nyaa-nsiŋ maa məgə vɨsɨ maa nu Kristo.

Roma 14:22

Nu ŋkɨə faŋ a bìŋ taa fwi ghɔ, a nùŋsə maa nshɨ-tɔ wə vɨsɨ Nwi. Mənɔŋ-bwaŋnə tɨ́ wə ntɨə faŋ ŋwə biŋ nu, tɨ́ kaꞌ fwi yi kee baa sɔꞌ ŋwə buꞌ nu kɔ́ faŋ ŋwə biŋ nə me.

Roma 14:3

Kɨ wə ntɨə faŋ ŋwə zɨ taŋ fazɨ nshə, kee kɨ shiasə wə ntɨə faŋ ŋwə kee zɨzɨ nə me. Gə fɨ maa wə ntɨə faŋ ŋwə kee zɨzɨ me, kɨ ŋwə shia nsɔꞌ tɔ wə ntɨə faŋ ŋwə kwə mbasə nyaa me, buꞌ laa Nwi bìŋ ŋwə.

Roma 15:14

Vaŋ-nshwi vaŋ, mə kɔꞌ kɨɨ fɨ taa fwi mə laa, nu jəə lwàŋ taa fwisə viŋ nɨzi. Viŋ kɔꞌ kɨɨ nə vənu və Kristo vənshə ŋkee vəley, kɨɨ maa mətɨsə yiŋwaa yiŋ.

1 Kɔrintian 1:5

Nwi nə tu mənɔŋ-bwaŋnə tɔ viŋ maa jɨɨsə səyaŋ, yɨ̀sə viŋ weꞌ maa nu Kristo. Viŋ kɨɨ gì yigi yijəənə, baa kɨ̀ɨ nə nu Nwi ŋkee jəə.

1 Kɔrintian 10:15

Viŋ lùu vɨɨ yitɔfə, bàw viŋ ywiitə maa nshɨ-tɔ wiŋ laa nu ŋkɨə faŋ mə gisə feenə, lùu yinsəŋ mu.

1 Kɔrintian 10:28

Kɨ luu viŋ luu yifi, wə mɔ́ꞌ jwi, gì tɨ́ viŋ laa, fazɨ ŋkɨə faŋ vɨ kɔ̀ tɨ́ viŋ laa viŋ zɨ, vɨ kɔ̀ tɨ́ vənwi maa ndey, kɨ viŋ baa zɨ fazɨ kɔ́ me. Nɨniŋ laa kɨ viŋ yɨsə nu faŋ wə mɔ́ꞌ taa bɨꞌtə laa lùu nu bwə me, buꞌ ŋkə taa kɔ ghaysə taa fwi wə ghɔ́.

1 Kɔrintian 14:20

Vaŋ-nshwi vaŋ, kɨ viŋ kɨ bɨꞌtə vənu yuu vaŋmbwaa me. Nu ŋkɨə faŋ kaꞌ viŋ lùu yaa vaŋmbwaa, faŋ vəŋ kee ta weꞌ maa nu me, lùu maa məyɨsə vənu vəbwəvə. Bàw viŋ kee weꞌ maa kəŋ nu ghɔ́ me. Luu nə, bàw viŋ lùu yaa vɨɨ taa maa məbɨꞌtə vənu.

1 Kɔrintian 15:34

Kɨ viŋ baa kɨ yɨsə vənu vəmfaw me. Viŋ bee kii meꞌtə məyɨ vənu vəbwəvə, yuu ŋkə kuꞌnə tɨ́ nsiŋ. Mə ye laa vɨɨ mɔ́ꞌ fɨ taa ŋwaa viŋ kee kɨ̀ɨ nə Nwi tuu tɨtiꞌ me. Mə gì tɨ́ nee, lùu nu tɔ dɨɨ tɨ́ viŋ.

1 Kɔrintian 4:10

Yia lùu yaa vəmfaw buꞌ faŋ yia fɨꞌtə nu Kristo. Gə fɨ maa viŋ, viŋ lùu yaa vɨɨ tɔ-ley buꞌ Kristo. Yia kee kìi wutə me. Luu nə, viŋ kìi wutə. Viŋ lùu vɨɨ faŋ vɨ fee viŋ. Luu nə, yia lùu vɨɨ faŋ vɨ gisə mbi yibwə tɔ yia.

1 Kɔrintian 4:18

Vɨɨ mɔ́ꞌ fɨ taa ŋwaa viŋ koꞌsə yiŋwaa vəŋ, bɨꞌtə laa mə ndɔ kee baa bəŋ jwì yɨ viŋ me.

1 Kɔrintian 4:6

Vaŋ-nshwi vaŋ, nu ŋkɨə faŋ mə nii gìsə nə, mə gìsə kɔ̀ŋ nshɨ-tɔ ŋwaa nə Apɔlɔs maa məgaŋtə viŋ, tɨ́ kaꞌ viŋ kɨ̀ɨ nə ŋiꞌ yigi njyə faŋ nyə gì laa, «Bàw wə kɨ toꞌ sheꞌ maa nu ŋkɨə faŋ ŋkə lùu taa ŋwaꞌlə Nwi. Kɨ wə kɨ dee ki me.» Ŋkə kee kùꞌnə laa viŋ kɨ koꞌsə yiŋwaa buꞌ wə me, ndɔ baa suꞌsə wə mɔ́ꞌ nsi.

1 Kɔrintian 5:2

Sii kaꞌ viŋ koꞌsə yiŋwaa kɨkə, faŋ vɨɨ fɨ taa ŋwaa viŋ yɨsə kəŋ vənu vɔ́? Bàw viŋ gwia buꞌ vənu vəbwəvə viŋ. Bàw viŋ jɔŋ kəŋ wə ghɔ́, faŋ ŋwə yɨsə kəŋ nu ghɔ́, fɨ taa ŋwaa viŋ.

1 Kɔrintian 5:6

Ŋkə kee bàw laa viŋ kɨ koꞌsə yiŋwaa yiŋ, faŋ viŋ koꞌsə nə me. Maa viŋ kɨɨ laa vɨ yaa kɨ naysə bee, vɨ kwaŋ sheꞌ wee-dɨꞌ fənsɨŋ taa tey yi nee, fənsɨŋ fɔ́ yɨsə bee kɔ́ kənshə mwa sheꞌ fɨkɨꞌ nee.

1 Kɔrintian 8:2

Kɨ luu wə ndɨ ŋwaa wi yaa wə faŋ ŋwə kɨ̀ɨ nə nu, buu ŋkə də̀ laa ŋwə kee ta kìi tɔ ley maa məkɨɨ nə nu me.

1 Kɔrintian 8:4

Gə fɨ maa fazɨ ŋkɨə faŋ vɨ kɔ tɨ́ vənwi vədayday nə, viŋ kɨɨ laa vənwi vədayday kee lùu fa faŋ ŋkə lùu kəbwey me. Viŋ baa gisə laa Nwi luu sheꞌ muꞌ.

1 Kɔrintian 8:7

Faŋ nsiŋ kɔlə kɨɨ laa vətɔ vɔ́ vənshə lùu nu dayday, vɨɨ Nwi vəmɔ́ꞌ kee yikɨɨ me. Vɨɨ mɔ́ꞌ lùu shɔ faŋ vəŋ nə fɔŋ bìŋ vənwi vədayday vɔ́. Nɨniŋ, yighee njyə faŋ vəŋ zɨ fa, tɨꞌnə me kwə kəŋ mbasə ghɔ́, ŋkə lùu tɨ́ vəŋ yaa mbasə faŋ vɨ feꞌ tɨ́ vənwi vɔ́. Ŋkə kɨ nii lùu tɨ́ vəŋ yuu vəŋ yɨ nu bwə.

Efesɔs 4:16

Faŋ nsiŋ lùu ŋwaa Kristo, Kristo lùu tɔ taa ŋwaa nsiŋ nə, ŋwə yɨ̀ vədɨꞌ vənshə fɨ maa ŋwə ghaytə fàynə, buꞌ laa vəyəə vi vənshə faynə̀, faŋ mfɨꞌ wutə vəŋ kùꞌnə tɔ tɔ maa məfaꞌ faꞌ nə, ŋwaa ghɔ́ nshə ta, gə vɨsɨ, faŋ vəlaŋ vi kawnə vəŋ vəŋ nə.

Kɔlɔsii 2:18

Nɨniŋ, kɨ viŋ biŋ laa wə kɨ yɨꞌtə viŋ buꞌ kəŋ vənu vɔ́ me. Vɨɨ mbɨə faŋ vəŋ kəə yɨꞌtə viŋ nə, gisə laa vəŋ sùꞌsə yiŋwaa vəŋ nsi, tɨ́ vəŋ kòꞌsə yiŋwaa vəŋ maa yinsəŋ. Vəŋ bəŋsə nshiisə-ŋiisə Nwi, koꞌsə̀ yiŋwaa, gi laa vəŋ yè vənu fɨ ghɔ Nwi taa njyəəsə. Luu nə, məkoꞌsə ŋwaa vəŋ lùu nu dayday; mbɨꞌtə vəŋ ndɔ̀ sheꞌ fɨ shɨ nsi.

Reveleyshən 2:14

Luu sheꞌ wee-nu faŋ ŋkə kee baw too mə me. Nu kɔ́ lùu laa, vɨɨ mɔ́ꞌ fɨ taa ŋwaa viŋ jìa nu Balaam, faŋ ŋwə nə dèesə tɨ́ Balak faŋ ŋkə bàw maa məkɔꞌsə vɨɨ Isirayl, yɨsə vəŋ yɨ nu bwə, zɨ fazɨ faŋ lùu fazɨ vəŋku vənwi, baa tii vəki.

Reveleyshən 2:20

Luu nə, nu mɔ́ꞌ shɔ faŋ ŋkə kee bàw shee me. Nu kɔ́ lùu laa a bìŋ Jezebel, wəzwi wì faŋ ŋwə gì laa yi lùu nshiiŋii-sɔghɔ, faŋ ŋwə deesə nu ki tɨ́ vɨɨ, bweꞌsə vɨɨ vaŋ, vəŋ toꞌ tii vəki, zɨ vətɔ faŋ vɨ feꞌ vənwi vədayday shɔ nə.