1 Kɔrintian 7:35 - Vengo (Babungo)

³⁵ Mə naysə vənu və̀ maa məgaŋtə viŋ. Mə kee kəə fə̀ŋ jɨɨ yiŋ me. Mə kəə sheꞌ laa viŋ kɨ yɨsə vənu vəjəəvə faŋ mbə kùꞌnə, baa nə laa viŋ kii jɨɨ tɨ́ kaꞌ viŋ kɨ nuŋ fwi siŋ sheꞌ maa Yeso Kristo, wèꞌ shɔ.

1 Kɔrintian 7:35 ပူးပေါင်းရင်းမြစ်များ

Matiu 19:12

Nu kɔ́ lùu laa, vɨɨ mɔ́ꞌ shɔ faŋ yituu yivəŋ nə kukə̀ shù fɨ maa yighee məbi. Vəmɔ́ꞌ shɔ faŋ yɨ̀sə vɨɨ. Vəmɔ́ꞌ shɔ faŋ vəŋ gù nɨniŋ buꞌ nu yifwàŋ fɨ yizɔ. Wə faŋ kaꞌ ŋwə zɔ̀ nu kɔ́, bàw ŋwə zɔ!»

Matiu 22:15

Yeso nə gì nɨniŋ, vɨɨ Farisii gə kà yighaw faŋ vəŋ taa kɔꞌsə ŋwə nə yigi maa məkwaŋ ŋwə taa nsɔꞌ.

Lukas 21:34

(Yeso baa gì laa,) «Viŋ kəmə tɔ kiŋ laa, kɨ fwi siŋ bwa buꞌ faŋ viŋ zɨ vətɔ, nu məluꞌ məyaŋmə me, tɨꞌnə me jɔmə vətɔ və shɨ nsi, buꞌ shi kɔ́ ndɔ gwəkə jɨjwi, tɨ́ viŋ kee lootə yiŋwaa me.

Lukas 8:14

Gə fɨ maa say ŋgɨə faŋ ŋə fìŋkə taa nyawsə, lùu yaa nu vɨɨ mbɨə faŋ vəŋ zɔ̀ nu Nwi, luu nə, vəŋ taa kɨ bəŋ gə, kɨ kɔŋ ŋwaa vəŋ buꞌ nu vətɔ və shɨ nsi. Nɨniŋ, vənu və ka, nə nu məzɨ ŋwaa bweꞌsə vəŋ, say vəŋ ku nɨniŋ, ŋgwisə yi kee yifuu me.

1 Kɔrintian 7:2

Bàw laa wə kii zu wi, wəzwi kii ndəə wi maa məmeꞌtə vənu vəbwəvə. Ŋkə kee lùu nɨniŋ me, wəndɔŋ kee kìi zu wi me, buu kaꞌ ŋkə lùu ŋkee kəweꞌ tɨ́ ŋwə, ŋwə dùꞌ kɨ ŋii məmɔŋ nu bwə, tii vəki. Sheꞌ nɨniŋ, bàw wəzwi ndaa ndəə wi, tɨ́ kaꞌ vəŋ kee baa yɨ̀ nu bwə me.

1 Kɔrintian 7:28

Luu nə, kɨ luu laa wə gi laa yi taa ndaa wəzwi, buu ŋwə kee yɨ̀ nu bwə me. Kɨ luu wee-wəzwi ndaa wəndɔŋ, buu ŋwə kee yɨ̀ nu bwə me. Luu nə, viŋ kɨ lumə laa vɨɨ mbɨə faŋ vəŋ ndaa nə, taa ye ŋɨꞌ taa ŋwaa vəŋ. Lùu nu ŋkɨə faŋ mə gì laa bàw wə duꞌ, kee ndaa me, tɨ́ kaꞌ kəŋ ŋɨꞌ ghɔ́ kee ŋìi ŋwə me.

1 Kɔrintian 7:36

Gə fɨ maa wə faŋ ŋwə kìi wee-wəzwi, tɨꞌnə me wə faŋ ŋwə kəə ndaa wee-wəzwi, kɨ luu ŋwə bɨꞌtə laa, ŋkə kee yikuꞌnə laa yi meꞌtə wee-wəzwi ghɔ́, yighee məbi wee yi shɔɔ me, buu ŋkə bàw laa ŋwə yɨ nɨniŋ, sheꞌ faŋ ŋwə kàw. Kaꞌ vəŋ ndaa. Ŋkə kee lùu nu bwə me.

Efesɔs 5:3

Kɨ nu mətoꞌ sakə, nə nshinə yibwə, nə nu məzɨ shɨ luu taa ŋwaa viŋ me. Kɨ vɨ kee bee gisə kɔ̀ŋ kəŋ vənu vɔ́ me, tɨ́ kaꞌ viŋ kùꞌnə yaa vɨɨ ley Nwi.

Filipi 4:8

Vaŋ-nshwi vaŋ, vəndwə və yigi vaŋ lùu laa, viŋ nuŋsə mbɨꞌtə yiŋ sheꞌ maa nu ŋkɨə faŋ ŋkə lùu yinsəŋ, nə ŋkɨə faŋ ŋkə kùꞌnə tɨ́ vɨɨ Nwi, nə ŋkɨə faŋ ŋkə lùu kəloomə, baa lùu kəley, baa nə maa vənu mbɨə faŋ mbə kɔ məŋaytə tɨ́ vɨɨ, baa suŋtə vɨɨ. Vənu vəjəəvə vənshə, nə mbɨə faŋ mbə jwi nə məbəŋsə tɨ́ Nwi, lùu vənu mbɨə faŋ viŋ taa kɨ bɨꞌtə mbə.

1 Timoti 1:10

nə tɨ́ vɨɨ mətii vəki, nə vɨɨ faŋ vəŋ shi ghɔ vəliŋ vəvəŋ vəndɔŋ, nə vɨɨ məfiŋ vɨɨ, nə vɨɨ təba, nə vɨɨ faŋ vəŋ kee yizii Nwi maa nshulə shaŋ, nə vɨɨ faŋ vəŋ yɨsə kəŋ nu tɨ̀ me kəŋ nu faŋ ŋkə kee kùꞌnə ghɔ nu Nwi yinsəŋ me.

Taytəs 2:3

Gə fɨ maa vəki vətaavə, tɨ vəŋ sheꞌ nɨniŋ, laa vəŋ kɨ duꞌ nə nshinə vəŋ yiley vɨsɨ Nwi, kee kɨ bɨsə təzii tə vɨɨ me, kee lùu vəbuꞌ tɨ́ məluꞌ məyaŋmə me, deesə vənu vəjəəvə, faŋ mbə gaŋtə vɨɨ maa məkii fwi yijəə.