1 Kɔrintian 7:30 - Vengo (Babungo)

³⁰ Bàw vɨɨ mbɨə faŋ vəŋ gɨgwia, kɨ duꞌ yaa vɨɨ faŋ vəŋ kee gɨgwia me. Vɨɨ mbɨə faŋ vəŋ ŋaytə, kɨ duꞌ yaa vɨɨ faŋ vəŋ kee ŋɨŋaytə me. Bàw vɨɨ mbɨə faŋ vəŋ ywàŋ vətɔ, kɨ toꞌ yaa vɨɨ faŋ vəŋ kee kìi vətɔ me.

1 Kɔrintian 7:30 ပူးပေါင်းရင်းမြစ်များ

Lukas 16:25

Abraham gi tɨ́ ŋwə laa, «Ŋwiŋ ŋwaa, lumə faŋ a yaa zɨ vətɔ və vəjəəvə maa yighee njyə faŋ a nəə kɨ bii bwey shɨ nsi. Gə fɨ maa Lasarɔs, ŋwə nəə ye ŋɨꞌ. Lùu ndwə vɨ boolə ŋwə feenə, a ye luu ŋɨꞌ.

Lukas 6:21

Mənɔŋ-bwaŋnə lùu tɨ́ viŋ faŋ jɨŋ zà viŋ ndwə, fɔnə viŋ ndɔ zɨ zwəkə. Mənɔŋ-bwaŋnə lùu tɨ́ viŋ faŋ viŋ gɨgwia ndwə, fɔnə viŋ ndɔ shɨꞌ.

Lukas 6:25

Ndwaŋ tɔ viŋ faŋ viŋ zwəkə ndwə, buꞌ laa jɨŋ ndɔ za viŋ. Ndwaŋ tɔ viŋ faŋ viŋ shɨꞌ ndwə, buꞌ laa viŋ ndɔ gwia, kɨ shɨŋsə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 16:22

Sheꞌ nee, viŋ lùu ndwə lɨluŋ. Luu nə, fwi siŋ ndɔ kɨ ŋaytə faŋ mə ndɔ baa jwi ye viŋ. Nɨniŋ, tuu wə kee lùu shɔ, tɨ́ kaꞌ ŋwə baa fì məŋaytə wiŋ fɨ ghɔ viŋ me.

1 Kɔrintian 7:29

Vaŋ-nshwi vaŋ, viŋ zɔ nu ŋkɨə faŋ mə naysə tɨ́ viŋ! Yighee njyə faŋ Nwi kɔ̀ tɨ́ nsiŋ lùu yituŋsə. Lùu vəshi vəshə ndwə. Nɨniŋ, bàw vɨɨ mbɨə faŋ vəŋ ndàa vəki, kee shoꞌ fwi vəŋ, nùŋ maa vəki vɔ́ me, kɨ shi yaa vɨɨ faŋ vəŋ kee ndàa vəki me.

1 Kɔrintian 7:31

Bàw vɨɨ mbɨə faŋ vəŋ kìi nu maa məyɨ nə vətɔ və taa mbi və̀, kɨ yɨsə yuu vɨɨ faŋ vəŋ kee kìi nu shɔ me, buꞌ laa mbi nyə̀ kee baa tay buu mè me.

Reveleyshən 18:7

Viŋ kɔ ŋɨꞌ tɨ́ ŋwə yiyaŋ shɔ̀ɔ faŋ məzɨ ŋwaa nə vətɔ vəjəəvə faŋ ŋwə nə zɨ̀ ŋwaa wi shɔ nə, buꞌ laa ŋwə bɨꞌtə fɨ taa fwi ŋwə laa yi duꞌ feenə yaa fwàŋ, kee lùu zu ŋku me, kee ndɔ kii nu məluŋ me.

Reveleyshən 7:17

Lùu nɨniŋ buꞌ laa bi-njɨɨ yɔ́, faŋ ŋwə lùu nɨntəŋ kenə kɔ́ nə, taa kɨ shiinə vəŋ, ndì vəŋ, gə̀ nə vəŋ yɨ koꞌ-fɨ-nsi faŋ muu mə məbwey fùu fɨ fuŋ. Nwi baa tɔ̀ŋsə mənsɨ fɨ sɨ vəŋ laylay.»