1 Kɔrintian 7:21 - Vengo (Babungo)

²¹ Wə ntɨə faŋ ŋwə nə luu buꞌ maa yighee njyə faŋ Nwi nə tìi ŋwə, kɨ ŋwə shəŋ maa nu yiŋkii me. Kɨ luu ŋwə kii jɨɨ maa məfuu fɨ taa faꞌ vəbuꞌ ghɔ́, bàw ŋwə fuu.

1 Kɔrintian 7:21 ပူးပေါင်းရင်းမြစ်များ

Lukas 12:29

Nɨniŋ, kɨ viŋ kɨ tə sɨ maa fa ŋkɨə faŋ viŋ taa zɨ me, tɨꞌnə me maa fa ŋkɨə faŋ viŋ taa nu me. Kɨ viŋ bɨŋ maa vətɔ vɔ́ me.

Lukas 21:34

(Yeso baa gì laa,) «Viŋ kəmə tɔ kiŋ laa, kɨ fwi siŋ bwa buꞌ faŋ viŋ zɨ vətɔ, nu məluꞌ məyaŋmə me, tɨꞌnə me jɔmə vətɔ və shɨ nsi, buꞌ shi kɔ́ ndɔ gwəkə jɨjwi, tɨ́ viŋ kee lootə yiŋwaa me.

1 Kɔrintian 12:13

Faŋ nsiŋ kɔlə lùu nɨŋkwiŋ nɨŋkwiŋ nə, faŋ vɨɨ mɔ́ꞌ lùu vɨɨ Jus, vəmɔ́ꞌ lùu vɨɨ Griik, vɨɨ mɔ́ꞌ baa lùu vəbuꞌ, vɨɨ mɔ́ꞌ kee lùu vəbuꞌ me, nsiŋ vənshə nə fì Zwitə Nwi kɔ́ kəmuꞌ.

1 Kɔrintian 7:20

Bàw wə tɨ̀ me wə tɨŋnə maa shəŋ ŋkɨə faŋ ŋwə nə luu shɔ maa yighee njyə faŋ Nwi nə tìi ŋwə laa ŋwə jwi beꞌsə Kristo nə.

1 Kɔrintian 7:22

Mə gì nɨniŋ laa, kɨ ŋkə za viŋ faŋ viŋ kɔlə lùu vəbuꞌ nə me. Viŋ kɔꞌ kɨɨ laa buꞌ, faŋ Nwi shòꞌ laa ŋwə beꞌsə Yeso, kee baa lùu buꞌ vɨsɨ Nwi me, buꞌ laa ŋwə fàynə lùu fa kəmuꞌ ghɔ Yeso Kristo. Gə fɨ maa wə faŋ ŋwə nə kee lùu buꞌ me, Nwi shòꞌ ŋwə maa məbeꞌsə Yeso, buu wə ghɔ́ lùu buꞌ Kristo.

Galatia 3:28

Nɨniŋ nə, wə kɨ luu lùu wuu Jus, wə mɔ́ꞌ luu wuu Griik, ŋkwiinə kee lùu shɔ me. Vəŋ luu sheꞌ fa kəmuꞌ maa yizii Yeso Kristo. Faŋ a lùu buꞌ, tɨꞌnə me wuu shɨ, ŋkwiinə kee lùu shɔ me. Faŋ a lùu wəndɔŋ, tɨꞌnə me wəzwi, ŋkwiinə kee lùu shɔ me, buꞌ laa viŋ vənshə lùu fa kəmuꞌ viŋ vɨ Kristo. Nɨniŋ, viŋ kɨ nii lùu wə muꞌ.

Filipi 4:11

Kɨ kee lùu laa mə bə̀ə fa buu gì nee me. Mə duꞌtə mə zwetə maa məduꞌ nə məŋaytə maa vənu vənshə faŋ mbə gay maa mə.

Filipi 4:6

Kɨ viŋ baa kɨ ghaysə ŋwaa kɔ̀ŋ vətɔ faŋ kaꞌ mbə taa bəə fɨ ghɔ viŋ me. Viŋ kɨ kii bee shɔꞌtə Nwi ghee nshə, kɨ naysə vətɔ mbɨə faŋ viŋ kəə tɨ́ Nwi. Faŋ viŋ ndwaŋ Nwi, bàw viŋ baa bwàŋ ŋwə nɨzi.

Kɔlɔsii 3:11

Viŋ kɨ kii nshinə yifi yɔ́, buu ŋkwiinə kee baa lùu shɔ taa ŋwaa viŋ me. Vɨɨ Griik kee baa lùu nɨŋkwiŋ fɨ ghɔ vɨɨ Jus me. Vɨɨ faŋ vɨ sɨ̀ɨtə vəŋ, kee baa lùu nɨŋkwiŋ fɨ ghɔ vɨɨ faŋ vɨ kee sɨ̀ɨtə vəŋ me. Vəndɔ nə vɨɨ fɨ taa gay kee baa lùu nɨŋkwiŋ fɨ ghɔ vɨɨ binə binə me. Buꞌ kee baa lùu nɨŋkwiŋ fɨ ghɔ wə faŋ ŋwə tɨ̀ŋ tɔ ŋwə me. Vɨɨ vənshə luu sheꞌ nɨndɨŋ. Nu kwalə luu sheꞌ Kristo faŋ ŋwə lùu taa vənu vənshə.

Hibru 13:5

Viŋ baꞌsə fwi yiŋ fɨ maa məkaw ka, bee kii suꞌsə ŋwaa nsi, laa vətɔ mbɨə faŋ viŋ kii, kuꞌnə tɨ́ viŋ. Viŋ lumə laa nshɨ-tɔ Nwi nə gì laa, «Kaꞌ mə kee ndènə ghɔ me, tɨꞌnə me mèꞌtə ghɔ me.»

1 Pita 5:7

Viŋ meꞌtə vənu vənshə faŋ mbə ghaysə viŋ taa ghɔ Nwi, buꞌ laa shiinə ŋwə shiinə viŋ.