1 Kɔrintian 7:19 - Vengo (Babungo)

¹⁹ Faŋ vɨ sɨɨtə wə, tɨꞌnə me kee sɨ̀ɨtə me, nsɔꞌ kee lùu shɔ me. Nu ŋkɨə faŋ luu ŋkee nu, lùu laa wə kɨ nuŋsə ntɨsə Nwi.

1 Kɔrintian 7:19 ပူးပေါင်းရင်းမြစ်များ

Matiu 5:19

Nɨniŋ, wə kɨ luu ndisə sheꞌ wee-ntɨ yimuꞌ fɨ taa ntɨsə Nwi sətɨtiꞌ, dèesə vɨɨ shɔ, buu vɨ ndɔ kɨ tii ŋwə nə wuu tɨtiꞌ taa nu yifwàŋ yizɔ. Luu nə, wə kɨ luu nùŋsə ntɨsə sɔ́, baa deesə tɨ́ vɨɨ, buu vɨ ndɔ kɨ tii ŋwə nə wuu kwalə taa nu yifwàŋ yizɔ.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 15:14

Viŋ lùu vɨɨmba vaŋ faŋ viŋ yɨ nu ŋkɨə faŋ mə tɨ̀sə viŋ shɔ nə.

Roma 3:30

Lùu nɨniŋ buꞌ laa Nwi luu sheꞌ muꞌ, yɨsə vənu və vɨɨ Jus faŋ vɨ sɨ̀ɨtə vəŋ nə, kiasə lòomə, faŋ vəŋ nùŋ fwisə vəŋ maa Kristo. Ŋwə baa yɨsə vənu və vɨɨ tətɔŋ fu faŋ vɨ kee sɨ̀ɨtə vəŋ nə me, kiasə lòomə nɨzi, buꞌ faŋ vəŋ nùŋ fwisə vəŋ maa ŋwə.

1 Kɔrintian 8:8

Nsiŋ kɔꞌ kɨɨ laa, faŋ nsiŋ zɨ kəŋ fazɨ ghɔ́, tɨꞌnə me kee zɨ me, kaꞌ fazɨ kɔ́ kee gàŋtə nsiŋ me, kee yɨ̀sə laa nsiŋ luu vɨɨ jəənə vɨsɨ Nwi me. Nsiŋ kee kɔlə zɨ me, kee lùu nsɔꞌ me. Nsiŋ zɨ, ŋkə kee bee gàŋtə nsiŋ me.

Galatia 3:28

Nɨniŋ nə, wə kɨ luu lùu wuu Jus, wə mɔ́ꞌ luu wuu Griik, ŋkwiinə kee lùu shɔ me. Vəŋ luu sheꞌ fa kəmuꞌ maa yizii Yeso Kristo. Faŋ a lùu buꞌ, tɨꞌnə me wuu shɨ, ŋkwiinə kee lùu shɔ me. Faŋ a lùu wəndɔŋ, tɨꞌnə me wəzwi, ŋkwiinə kee lùu shɔ me, buꞌ laa viŋ vənshə lùu fa kəmuꞌ viŋ vɨ Kristo. Nɨniŋ, viŋ kɨ nii lùu wə muꞌ.

Galatia 5:6

Kɨ ghaŋ nsiŋ faynə nsiŋ vɨ Kristo, buu nu məsɨɨtə wə kee baa lùu nu me. Faŋ vɨ sɨ̀ɨtə wə, nə faŋ vɨ kee yisɨɨtə me, luu sheꞌ fa kəmuꞌ, ŋkwiinə kee lùu shɔ me. Nu ŋkɨə faŋ ŋkə lùu kəweꞌ, lùu laa nsiŋ biŋ Yeso Kristo, nùŋ fwi saŋ-nsiŋ maa ŋwə, baa kii ŋkawnə.

Galatia 6:15

Faŋ vɨ sɨ̀ɨtə wə, faŋ vɨ kee sɨ̀ɨtə wə me, ŋkwiinə kee lùu shɔ me. Nu kwalə luu sheꞌ laa Nwi yɨsə nsiŋ luu vɨɨ finə.

Kɔlɔsii 3:11

Viŋ kɨ kii nshinə yifi yɔ́, buu ŋkwiinə kee baa lùu shɔ taa ŋwaa viŋ me. Vɨɨ Griik kee baa lùu nɨŋkwiŋ fɨ ghɔ vɨɨ Jus me. Vɨɨ faŋ vɨ sɨ̀ɨtə vəŋ, kee baa lùu nɨŋkwiŋ fɨ ghɔ vɨɨ faŋ vɨ kee sɨ̀ɨtə vəŋ me. Vəndɔ nə vɨɨ fɨ taa gay kee baa lùu nɨŋkwiŋ fɨ ghɔ vɨɨ binə binə me. Buꞌ kee baa lùu nɨŋkwiŋ fɨ ghɔ wə faŋ ŋwə tɨ̀ŋ tɔ ŋwə me. Vɨɨ vənshə luu sheꞌ nɨndɨŋ. Nu kwalə luu sheꞌ Kristo faŋ ŋwə lùu taa vənu vənshə.

Reveleyshən 22:14

Mənɔŋ-bwaŋnə tɨ́ vɨɨ mbɨə faŋ vəŋ sɔ̀ njwisə vəŋ, nsə ley, tɨ́ kaꞌ vəŋ kìi wutə maa məkwə fɨ maa vətaŋ tɨ və məbwey, baa nə maa məshɔɔ fɨ shuu ŋkɔꞌ, ŋìi taa shɨ yɔ́.