1 Kɔrintian 6:9 - Vengo (Babungo)

⁹ Viŋ kɔꞌ kɨɨ laa vəyɨ-kəbwə kee ndɔ ŋii taa nu yifwàŋ Nwi me. Kɨ viŋ kɨ bweꞌsə yiŋwaa yiŋ me! Vɨɨ faŋ vəŋ yɨsə vənu vəbwəvə, tɨꞌnə me shi nə vəki, nə vɨɨ faŋ vəŋ feꞌ vənwi, nə vɨɨ faŋ vəŋ meꞌtə vəki vəvəŋ, tìi vəki vəmɔ́ꞌ, nə vəndɔŋ faŋ vəŋ shi nə vəliŋ vəvəŋ vəndɔŋ,

1 Kɔrintian 6:9 ပူးပေါင်းရင်းမြစ်များ

Matiu 19:29

Wə tɨ̀ me wə faŋ ŋwə mèꞌtə ŋii yi, tɨꞌnə me vaŋ-nshwi vi, tɨꞌnə me tii wi, tɨꞌnə me nshu wi, tɨꞌnə me vaŋ vi, tɨꞌnə me ndɨɨsə si buꞌ nu yizii kaŋ, taa baa kɨ ye vəmɔ́ꞌ ŋkee vəyaŋ, ndɔ baa zɨ̀ məbwey faŋ ŋwə gòꞌsə yighee muꞌ.

Matiu 25:34

Ŋwə kɨ nii gì tɨ́ vɨɨ mbɨə faŋ vəŋ lùu maa kwiŋ maꞌnə wi laa, «Viŋ jwi feenə! Viŋ lùu vɨɨ mənɔŋ-bwaŋnə Tii ŋwaa, zɨ nu yifwàŋ yizɔ, faŋ Nwi nə nùŋsə tɨ́ viŋ shù fɨ maa vənzi, faŋ Nwi nə bɔ̀ŋ mbi nə.

Lukas 21:8

Ŋwə gi tɨ́ vəŋ laa, «Viŋ kɨ kəmə tɔ kiŋ, buꞌ vɨ ndɔ bweꞌsə viŋ. Vɨɨ vəyaŋ ndɔ fuu taa mbi maa yizii nyaa, gisə laa vəŋ lùu mə, baa gisə laa yighee yɔ́ kɨkuꞌ. Kɨ viŋ ndɔ beꞌsə vɨɨ vɔ́ me.

Akts 20:32

Fɨ taa nɨniŋ ndwə, mə mèꞌtə viŋ taa ghɔ tɨta Nwi. Viŋ kɨɨ nə nu gəŋsə Nwi, faŋ ŋkə kìi wutə maa məyɨsə viŋ weꞌ maa nu Nwi, kɨ gə nə vɨsɨ. Wutə ki baa lùu shɔ maa məgaŋtə viŋ, laa viŋ ndɔ zɨ məbwey vəlwaŋ faŋ Nwi ndɔ kɔ tɨ́ vɨɨ ley vi.

Akts 24:25

Pɔɔl gi kɔ̀ŋ nu məyɨ nu loomə, nə nu məmeꞌtə vənu vəmɔ́ꞌ, baa kɔ̀ŋ shi nsɔꞌ Nwi faŋ ŋkə ndɔ jwi maa yighee yiba. Goməna ghɔ́ fee, gì laa bàw ŋwə gə ndwə, laa yi ndɔ baa kii yighee, buu baa tii ŋwə.

Roma 1:18

Fwi Nwi shə maa vɨɨ vənshə faŋ vəŋ twèy nu ki, yɨsə vənu vəbwəvə. Nsɔꞌ Nwi yiweꞌ fuu fɨ taa yizɔ, jìa vɨɨ vɔ́ faŋ vəŋ buulə̀ nu yinsəŋ, jìa luu vənu vəbwəvə.

1 Kɔrintian 15:33

Luu nə, kɨ viŋ kɨ bweꞌsə yiŋwaa yiŋ me! Wə kɨ luu kɨ toꞌ fɨ taa ŋwaa vɨɨ bwənə, buu ŋwə taa kɨ yɨsə vənu vəbwəvə yaa vəŋ nɨzi.

1 Kɔrintian 15:50

Vaŋ-nshwi vaŋ, mə naysə tɨ́ viŋ laa, kaꞌ ŋwaa wə fɨ shɨ nsi kee ndɔ zɨ yifwàŋ Nwi me. Fa faŋ kaꞌ ŋkə shuu, kee ndɔ goꞌ maa shuu me.

1 Kɔrintian 3:16

Viŋ kee yikɨɨ laa viŋ lùu ŋii Nwi faŋ Zwitə Nwi shì taa tey yi yimu?

1 Kɔrintian 5:1

Mə zɔ laa vɨɨ mɔ́ꞌ taa ŋwaa viŋ yɨsə ŋkee vənu vəbwəvə. Jɨɨ njyə faŋ vəŋ yɨsə vənu vəbwəvə shɔ nə, nyə bɨ shɔ̀ɔ ki. Ŋkee vɨɨ faŋ vəŋ kee kɨ̀ɨ nə Nwi me, kee yɨ kəŋ nu ghɔ́ me. Mə zɔ laa wə mɔ́ꞌ fɨ taa ŋwaa viŋ ndi zu tii wi.

1 Kɔrintian 5:10

Mə nəə kee gisə kɔ̀ŋ vɨɨ faŋ kee lùu vɨɨ Nwi me. Vɨɨ mbɨə faŋ vəŋ kee lùu vɨɨ Nwi me, faŋ vəŋ yɨsə vənu vəbwəvə nə, lùu taa mbi, nsiŋ vɨ vəŋ. Vəŋ tii vəki, səsə vətɔ, shaw vətɔ, baa fèꞌ vənwi vədayday. Nɨniŋ, faŋ vəŋ lùu taa mbi nyə̀ nə, jɨɨ kee lùu shɔ viŋ gaasə yiŋwaa fɨ ghɔ vəŋ me, maa tɨ̀ lɨꞌ laa viŋ fùusə yiŋwaa yiŋ fɨ taa ŋwaa wə mənsaw me.

1 Kɔrintian 5:11

Nu ŋkɨə faŋ mə kəə gì, lùu laa kɨ viŋ kɨ duꞌ shəŋ muꞌ viŋ vɨ wə faŋ ŋwə gì laa yi lùu wuu Nwi, luu nə, yɨsə vənu vəbwəvə me. Weenshu ŋwaa-nsiŋ mɔ́ꞌ lùu shɔ faŋ ŋwə tii vəki, tɨꞌnə me səsə vətɔ, tɨꞌnə me feꞌ vənwi vədayday, tɨꞌnə me ndasə vɨɨ, tɨꞌnə me nu məluꞌ ghenə, tɨꞌnə me shɨshaw, kɨ viŋ kɨ shi viŋ vɨ kəŋ vɨɨ vɔ́ shəŋ muꞌ me. Kɨ viŋ kɨ zɨnə viŋ vɨ kəŋ vɨɨ vɔ́ faŋ vəŋ yɨsə kəŋ vənu vɔ́ me.

1 Kɔrintian 6:10

nə vɨɨ faŋ vəŋ shɨshaw, nə vɨɨ vəŋwiŋ, nə vɨɨ faŋ vəŋ nu məluꞌ, mbə shɔɔ sɨ vəŋ, nə vɨɨ faŋ vəŋ toꞌ ndasə vɨɨ, nə vɨɨ faŋ vəŋ si vətɔ və vɨɨ, kəŋ vɨɨ vɔ́ vənshə, faŋ vəŋ yɨsə vənu vəbwəvə vɔ́ nə, kee ndɔ ŋii taa nu yifwàŋ Nwi me.

1 Kɔrintian 6:18

Nɨniŋ, viŋ meꞌtə vənu vəbwəvə vɔ́. Kɨ viŋ faynə nə vəki sakə me. Wə kɨ luu yɨ nu bwə mɔ́ꞌ, ŋkə kee kɔ̀ŋ ŋwaa wi me. Luu nə, wə shi ghɔ vəki, buu lùu nu bwə faŋ ŋkə kɔ̀ŋ ŋkee ŋwaa wi.

1 Kɔrintian 6:19

Maa viŋ kɨ̀ɨ laa Zwitə Nwi shi taa ŋwaa viŋ, faŋ lùu ŋii Nwi. Kwàŋ Nwi kwàŋ Zwitə kɔ́ taa fwisə viŋ. Nɨniŋ, kee kìi viŋ kìi yiŋwaa yiŋ me, kìi Nwi kìi yiŋwaa yiŋ.

1 Kɔrintian 9:24

Yighee njyə faŋ vɨɨ yaa kɨ sɨɨnə ghuu, vɨɨ vəyaŋ nyɨ̀ŋ, luu nə, taa kii sheꞌ wə muꞌ kìi vəkeynə. Nu mətoꞌ yaa wuu Nwi luu sheꞌ yuu məsɨɨnə ghuu ghɔ́. Nɨniŋ, viŋ nyɨŋ nəŋay, baa nyɨŋ jəə, laa viŋ ndɔ kii vəkeynə vɔ́.

2 Kɔrintian 12:21

Kɨ mə ndɔ kɨ jwi, Nwi yɨsə tɔ kaŋ dɨɨ taa ŋwaa viŋ, mə kɨ luŋ buꞌ vɨɨ vəyaŋ fɨ taa ŋwaa viŋ, faŋ vəŋ nəə yɨsə vənu vəbwəvə yighee vɨsɨ, kee ta kwìinə fwisə vəŋ buꞌ nu bwə vəŋ, faŋ vəŋ nəə tii vəki, tɨꞌnə me toꞌ ghɔ vəki vəsakə, tɨꞌnə me zɨ shɨ, faŋ vəŋ nəə yɨsə nə me.

Galatia 6:7

Kɨ viŋ bweꞌsə yiŋwaa yiŋ me, Nwi kee bìŋ laa wə taw yi me. Fa ŋkɨə faŋ wə sɔ, luu ŋkə faŋ ŋwə ndɔ shwi.

Kɔlɔsii 3:5

Nɨniŋ, viŋ meꞌ nshinə yimwanə yiŋ, faŋ nyə ndɔ̀ fɨ taa mbi yibwə. Viŋ ndi nshinə yɔ́ yaa nu faŋ ŋkə duꞌtə ŋkə ku. Kɨ viŋ baa kɨ tii vəki me, tɨꞌnə me yɨ kəŋ nu bwə mɔ́ꞌ me. Kɨ fwi yiŋ ndɔ maa nu me. Kɨ viŋ tə sɨ maa nu bwə me, tɨꞌnə me baytə vətɔ vəyaŋ me, buꞌ laa wə kɨ luu kɨ baytə vətɔ vəyaŋ, buu vətɔ vɔ́ kɨ nii luu tɨ́ ŋwə yaa vənwi faŋ ŋwə feꞌ. Vənu vəbwəvə vɔ́ vənshə ndɔ fɨ maa nshinə yimwanə yɔ́.

Hibru 12:14

Viŋ kəə jɨɨsə maa məduꞌ nyɔŋ viŋ vɨ vɨɨ vənshə. Viŋ kɨ faꞌ nə wutə, tɨ́ kaꞌ viŋ kɨ shi nshinə faŋ lùu nshinə yiley vɨsɨ Nwi. Viŋ kɔꞌ kɨɨ laa kaꞌ wə kee ndɔ gə yè Nwi, maa kɨ shi nshinə yɔ́ me.

Hibru 12:16

Viŋ kɨ ndɨɨnə laa kɨ wə yɨ nu bwə me, tɨꞌnə me, ndì nu Nwi nsi me, yaa Esaw nə yɨ yighee vɨsɨ buꞌ dɨꞌ fazɨ nə. Ŋwə nə fìŋ yita yi tɨ́ tuŋnə yiba jɨŋ ki.

Hibru 13:4

Bàw vɨɨ vənshə kɨɨ nə nuŋsə məndaa. Bàw wəndɔŋ nə wəzwi kɨ kii fwi yinsəŋ maa wə fɨ vəŋ. Viŋ kɔꞌ kɨɨ laa Nwi ndɔ kwaŋ nsɔꞌ tɔ vɨɨ mbɨə faŋ vəŋ yɨ nu bwə taa məndaa, (faŋ wəndɔŋ jɔŋ zu wi, tɨꞌnə me tii vəki, tɨꞌnə me faŋ wəzwi shi ghɔ wəndɔŋ faŋ kee lùu ŋgwinə me.)

Jeyms 1:16

Vaŋ-nshwi vaŋ, kɨ viŋ kɨ bweꞌsə yiŋwaa yiŋ me.

1 Jɔn 3:7

Vaŋ vaŋ, kɨ viŋ biŋ laa wə bweꞌsə viŋ me. Wə ntɨə faŋ ŋwə yɨ nu loomə, buu vənu vi lòomə yaa mbə Yeso.

Reveleyshən 21:8

Gə̀ fɨ maa vɨɨ mbɨə faŋ vəŋ nyɨŋkə, baa twey nu Kristo, nə vɨɨ məyɨ vənu vəbwəvə, nə vɨɨ məzwilə vɨɨ, nə vɨɨ mətii vəki, nə vɨɨ vəfɔ vəbwəvə, nə vɨɨ məbiŋ vənwi vədayday, nə vɨɨ təba vənshə, shəŋ vəŋ luu shəŋ ŋkɨə faŋ wisə bii fɨ fuŋ, lumə ki zwilə vɨɨ, faŋ lùu shəŋ yiku lwesə ghee bɔɔ.»

Reveleyshən 22:15

Vɨɨ mbɨə faŋ vəŋ lùu fu fɨ taa ŋkɔꞌ, lùu vɨɨ bwənə, nə vɨɨ ŋay, nə vɨɨ mətii vəki, nə vɨɨ məzwilə vɨɨ, nə vɨɨ faŋ vəŋ bəŋsə vənwi vədayday, nə vɨɨ təba, faŋ vəŋ kàw təba, baa yɨsə nu təba.»