1 Kɔrintian 6:3 - Vengo (Babungo)

³ Viŋ kee kɨɨ laa nsiŋ ndɔ sɔꞌ ŋkee nsɔꞌsə nshiisə-ŋiisə Nwi yimu? Faŋ ŋkə lùu laa nsiŋ ndɔ sɔꞌ nsɔꞌsə nshiisə-ŋiisə Nwi nə, sii yɨ̀ kə laa kaꞌ viŋ kee sɔ̀ꞌ vaŋ-nsɔꞌsə fɨ taa mbi nyə̀, shìa me?

1 Kɔrintian 6:3 ပူးပေါင်းရင်းမြစ်များ

Matiu 25:41

Ŋwə taa kɨ nii gì tɨ́ vɨɨ mbɨə faŋ vəŋ lùu kwiŋ ŋkwii laa, «Viŋ ndɔ fɨ yɨ mə, vɨɨ ndwaŋ, gə̀ ŋìi taa wi faŋ ŋwə gòꞌsə yighee muꞌ, faŋ vɨ lòotə tɨ́ tɨɨ vəzwitə vəbwəvə ghɔ vɨ nshiisə-ŋiisə si.

Lukas 21:34

(Yeso baa gì laa,) «Viŋ kəmə tɔ kiŋ laa, kɨ fwi siŋ bwa buꞌ faŋ viŋ zɨ vətɔ, nu məluꞌ məyaŋmə me, tɨꞌnə me jɔmə vətɔ və shɨ nsi, buꞌ shi kɔ́ ndɔ gwəkə jɨjwi, tɨ́ viŋ kee lootə yiŋwaa me.

Lukas 8:14

Gə fɨ maa say ŋgɨə faŋ ŋə fìŋkə taa nyawsə, lùu yaa nu vɨɨ mbɨə faŋ vəŋ zɔ̀ nu Nwi, luu nə, vəŋ taa kɨ bəŋ gə, kɨ kɔŋ ŋwaa vəŋ buꞌ nu vətɔ və shɨ nsi. Nɨniŋ, vənu və ka, nə nu məzɨ ŋwaa bweꞌsə vəŋ, say vəŋ ku nɨniŋ, ŋgwisə yi kee yifuu me.

Roma 6:16

Maa viŋ kɨɨ laa, viŋ kɨ luu fiŋ tɔ kiŋ tɨ́ wə mɔ́ꞌ, gù vəbuꞌ vi, kɨ zɔnə ŋwə, buu viŋ luu ŋkee vəbuꞌ və wə ghɔ́ faŋ viŋ zɔnə ŋwə nə. Nɨniŋ, viŋ luu vəbuꞌ və Nwi, kɨ zɔnə Nwi, tɨ́ kaꞌ nu kiŋ bɔ̀ŋsə. Kee lùu nɨniŋ me, buu viŋ lùu vəbuꞌ tɨ́ nu bwə, ndɔ ku.

1 Kɔrintian 6:15

Maa viŋ yikɨɨ laa yiŋwaa yiŋ lùu fɨ maa way ŋwaa Yeso Kristo. Kaꞌ wə kee ndɨ̀ way ŋwaa Kristo ghɔ́, gə̀ fàynə ghɔ wəzwi sakə, ŋwaa wi kɨ nii gù way ŋwaa wəzwi sakə me. Kaꞌ wə kee yɨ̀ kəŋ nu ghɔ́ me.

1 Kɔrintian 6:16

Kɨ luu wə faynə ghɔ wəzwi sakə, buu ŋkə də̀ laa, ghɔ sakə ghɔ́ lùu fa kəmuꞌ, ŋkə luu sheꞌ faŋ vɨ nyɔ̀ꞌ taa ŋwaꞌlə Nwi laa, «Wəndɔŋ nə wəzwi kìasə gù fa kəmuꞌ.»

1 Kɔrintian 6:19

Maa viŋ kɨ̀ɨ laa Zwitə Nwi shi taa ŋwaa viŋ, faŋ lùu ŋii Nwi. Kwàŋ Nwi kwàŋ Zwitə kɔ́ taa fwisə viŋ. Nɨniŋ, kee kìi viŋ kìi yiŋwaa yiŋ me, kìi Nwi kìi yiŋwaa yiŋ.

1 Kɔrintian 6:4

Nɨniŋ, yighee njyə faŋ nu gày taa ŋwaa viŋ, kɨ viŋ ndɨ, gə̀ nə ŋkə taa ŋii nsɔꞌsə me, tɨ́ kaꞌ vɨɨ faŋ kee lùu vɨɨ Nwi me, sɔꞌ nsɔꞌsə sɔ́, shìa me.

2 Timoti 2:4

Sogeꞌ faŋ ŋwə lùu shuu yighaw, kee yaa kɨ kii mba yiwiŋ me. Ŋwə nəə toꞌ gə kɨ kəə fazɨ, buu kaꞌ ŋwə kee bàw tɨ́ wə ntɨə faŋ ŋwə sɔꞌ vəsogeꞌ me.

2 Timoti 4:10

buꞌ laa Dimas nyɨ̀ŋ fɨ yɨ mə, kaw maa məshi taa mbi nyə̀, ndɔ gə shɨ Tesalonika. Kresens gə̀ shɨ Galatia, Titɔs gə̀ shɨ Dalmatia.

2 Pita 2:4

Viŋ kɔꞌ kɨɨ laa, yighee njyə faŋ ŋkee nshiisə-ŋiisə Nwi nə yɨ̀ nu bwə, Nwi nə kee mèꞌtə vəŋ me. Nwi nə kwaŋ vəŋ taa shəŋ wi faŋ ŋwə kee yaa kɨ ndɨɨnə me. Vɨ ka vəŋ nə vəsumə, vəŋ duꞌ taa shəŋ mfiŋsə, vəŋ taa goꞌ yifi gə ziꞌ tɨ́ shi nsɔꞌ Nwi.

Ŋwaꞌlə Jud 1:6

Nu mɔ́ꞌ lùu nu nshiisə-ŋiisə Nwi, faŋ vəŋ nə kee dùꞌ maa shəŋ ŋkɨə faŋ Nwi nə nùŋ vəŋ shɔ me. Vəŋ nyɨŋkə fɨ maa shəŋ kɔ́, Nwi kɨ nii mèꞌ vəŋ, kwaŋ vəŋ ŋkee taa mfiŋsə, ka vəŋ nə vəsumə və bwey, mbə goꞌsə yighee muꞌ, ndɔ gə zìꞌ maa shi kwalə ŋkɨə faŋ Nwi ndɔ sɔꞌ mbi.