1 Kɔrintian 6:13 - Vengo (Babungo)

¹³ Wə mɔ́ꞌ taa gi laa, «Nwi nə nàysə fazɨ tɨ́ kaꞌ ŋkə ŋìi taa njyoꞌ, baa nàysə njyoꞌ wə laa fazɨ kɨ ŋii shɔ.» Ŋkə lùu nɨniŋ. Luu nə, shi mɔ́ꞌ Nwi ndɔ ndisə njyoꞌ wə ghɔ fazɨ. Gə fɨ maa nu məshi nə vəki, Nwi nə kee bɔ̀ŋ ŋwaa wə laa ŋwə ndɨ ŋwaa wi ghɔ́, kɨ yɨsə vənu vəbwəvə shɔ me. Nwi nə bɔ̀ŋ ŋwaa wə laa ŋwə ndɨ ŋwaa wi ghɔ́, kɨ toꞌ nə ŋwə, faꞌ vənu və Nwi nə ŋwaa wi ghɔ́. Kɔ̀ Nwi kɔ̀ fa ŋkɨə faŋ ŋwaa wi ghɔ́ kəə.

1 Kɔrintian 6:13 ပူးပေါင်းရင်းမြစ်များ

Matiu 15:17

Maa vətɔ vənshə faŋ mbə ŋii shuu wə, shɔɔ gə sheꞌ taa njyoꞌ ŋwə, shɔɔ fuu, ŋii taa ŋkwi.

Matiu 15:20

yɨsə laa ŋwə luu wuu bwə. - Gə fɨ maa nu məzɨ fazɨ, kee sɔ̀ ghɔ me, ŋkə kee yɨ̀sə wə lùu wuu bwə me.»

Mark 7:19

Maa vətɔ vɔ́ kee ŋii taa fwi wə me, mbə ŋii luu taa njyoꞌ ŋwə, fuu gə taa ŋkwi. - Nɨniŋ, fazɨ kənshə lùu kəley.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 6:27

Kɨ viŋ baa kɨ faꞌ maa fazɨ ŋkɨə faŋ ŋkə taa ndi me. Bàw viŋ faꞌ maa məfi fazɨ ŋkɨə faŋ kaꞌ ŋkə goꞌsə yighee muꞌ, yɨ̀ viŋ kìi məbwey vəlwaŋ. Lùu ŋkɨə faŋ Wuu yinsəŋ Nwi ndɔ kɔ tɨ́ viŋ. Kaꞌ ŋwə kɔ tɨ́ viŋ buꞌ laa tɨta Nwi nə kɔ̀ wutə ki tɨ́ ŋwə yaa shwenə tɨ́ viŋ.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 6:49

Gə̀ fɨ maa fazɨ mana kì, faŋ vətɨɨ viŋ nə zɨ̀ taa tɔɔ waꞌsə fɨshi nə, vəŋ nə zɨ, ndɔ baa kukə maa yighee vəŋ.

Roma 12:1

Nɨniŋ, vaŋ-nshwi vaŋ, faŋ mə nəə tɨsə viŋ buꞌ gəŋsə Nwi, faŋ Nwi kee gəŋ saŋ-nsiŋ nə, bàw laa viŋ fiŋ ŋwaa tɨ́ Nwi, lùu vəkɔ vi vəbweyvə faŋ mbə bàw shɨlə, baa ndɨ̀ŋ tɨ́ Nwi nɨzi. Lùu faŋ ŋkə bàw maa məfaꞌ tɨ́ Nwi.

Roma 14:17

Ŋiꞌ nu yifwàŋ Nwi kee lùu nu məzɨ fa, baa nə nu mənu fa me. Nu yifwàŋ Nwi lùu nu faŋ Zwitə Ley Nwi ŋìi taa fwi wə, kìasə nu ki, ŋkə loomə, fwi yi zutə, lwàŋ nə məŋaytə.

Roma 6:12

Nɨniŋ, kɨ viŋ biŋ laa nu bwə sɔꞌ yiŋwaa yiŋ, faŋ nyə ndɔ ku nə me. Kɨ viŋ baa kɨ biŋ fwi yiŋ ndɔ maa nu bwə, viŋ yɨsə nu kɔ́ me.

Roma 7:4

Nɨniŋ, vaŋ-nshwi vaŋ, gə̀ fɨ maa jɨɨ yiŋ, vɨ nə zwì ŋwaa Kristo, zwì luu viŋ fɨ kwiŋ ntɨsə Nwi. Ntɨsə Nwi kee baa kii viŋ me, viŋ lùu way ŋwaa wə dɨday. Kìi wə ntɨə faŋ ŋwə nə ywèy fɨ shɨ yiku nə, kìi viŋ ndwə, laa nsiŋ kɨ kwaanə vətaŋ tɨ́ Nwi, yɨsə vənu vəjəəvə.

1 Kɔrintian 3:16

Viŋ kee yikɨɨ laa viŋ lùu ŋii Nwi faŋ Zwitə Nwi shì taa tey yi yimu?

1 Kɔrintian 6:15

Maa viŋ yikɨɨ laa yiŋwaa yiŋ lùu fɨ maa way ŋwaa Yeso Kristo. Kaꞌ wə kee ndɨ̀ way ŋwaa Kristo ghɔ́, gə̀ fàynə ghɔ wəzwi sakə, ŋwaa wi kɨ nii gù way ŋwaa wəzwi sakə me. Kaꞌ wə kee yɨ̀ kəŋ nu ghɔ́ me.

1 Kɔrintian 6:19

Maa viŋ kɨ̀ɨ laa Zwitə Nwi shi taa ŋwaa viŋ, faŋ lùu ŋii Nwi. Kwàŋ Nwi kwàŋ Zwitə kɔ́ taa fwisə viŋ. Nɨniŋ, kee kìi viŋ kìi yiŋwaa yiŋ me, kìi Nwi kìi yiŋwaa yiŋ.

2 Kɔrintian 11:2

Mə weꞌ maa nu kiŋ, buꞌ laa yɨsə Nwi laa mə weꞌ maa nu kiŋ. Viŋ lùu yaa wee-wəzwi faŋ ŋwə kee ta kɨ̀ɨ nə wəndɔŋ me, faŋ mə ŋìi məndaa wi maa məkɔ tɨ́ wə mɔ́ꞌ, wə ghɔ́ lùu Kristo.

2 Kɔrintian 5:15

Kristo nə kù tɔ vɨɨ vənshə laa vɨɨ mbɨə faŋ vəŋ lùu vəbwey, kee kɨ duꞌ fɔ vəŋ me, dùꞌ kɨ kɔ yiŋwaa vəŋ tɨ́ wə ntɨə faŋ ŋwə nə kù tɔ vəŋ, baa ywey fɨ shɨ yiku nə.

Galatia 5:24

Vɨɨ mbɨə faŋ lùu vɨɨ Yeso Kristo, mèꞌ vənu vəbwəvə vəvəŋ vənshə, nə mbɨꞌtə yibwə yinshə laylay. Ŋkə lùu yaa vəŋ ndi vənu vɔ́, bèy fuu fəŋkɔꞌ fə ŋkɨꞌsə fə Yeso Kristo.

Efesɔs 5:23

Wəndɔŋ lùu tɔ tɨ́ wəzwi, sheꞌ faŋ Kristo lùu tɔ tɨ́ nwaa vɨɨ Nwi. Nwaa vɨɨ Nwi lùu yaa ŋwaa Kristo. Ŋwə baa lùu wuu məbweysə vəŋ.