1 Kɔrintian 6:10 - Vengo (Babungo)

¹⁰ nə vɨɨ faŋ vəŋ shɨshaw, nə vɨɨ vəŋwiŋ, nə vɨɨ faŋ vəŋ nu məluꞌ, mbə shɔɔ sɨ vəŋ, nə vɨɨ faŋ vəŋ toꞌ ndasə vɨɨ, nə vɨɨ faŋ vəŋ si vətɔ və vɨɨ, kəŋ vɨɨ vɔ́ vənshə, faŋ vəŋ yɨsə vənu vəbwəvə vɔ́ nə, kee ndɔ ŋii taa nu yifwàŋ Nwi me.

1 Kɔrintian 6:10 ပူးပေါင်းရင်းမြစ်များ

Matiu 21:19

Ŋwə ye tɨ taŋ kəmɔ́ꞌ jɨɨ, gə̀ ŋìi ŋiꞌ tɨ kɔ́, kee yè fa shɔ me, ye sheꞌ vəvi vi, gì tɨ́ tɨ kɔ́ laa, «Taŋ kee ndɔ baa koonə fuu ghɔ tuu yighee yimuꞌ me.» Tɨ kɔ́ yɔŋ yighee muꞌ.

Matiu 23:13

Yeso nə baa gì laa lee, «Ndwaŋ tɔ viŋ, vɨɨ mədeesə ŋwaꞌlə Nwi nə vɨɨ Farisii; viŋ lùu vɨɨ məboꞌ ŋwaa. Viŋ fəŋ shuu yifwàŋ fɨ yizɔ fɨ ghɔ vɨɨ. Nshɨ-tɔ wiŋ kee ŋìi shɔ me. Gə fɨ maa vɨɨ mbɨə faŋ vəŋ kəə ŋii shɔ, viŋ fəŋ vəŋ.

Matiu 23:33

Aŋ viŋ, zɔsə nə vaŋ-zɔsə vəshay, viŋ sii taa nyɨŋ nsɔꞌ Nwi kɨkə, laa kɨ vɨ kee mɔꞌ viŋ taa shəŋ vəŋku və nsisə vəbwəvə taa wi me?»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 12:6

Faŋ ŋwə nə gì nɨniŋ nə, kee gi buꞌ mbəəsə faŋ ŋwə kee gəŋsə vəŋ me. Ŋwə nə gì nɨniŋ, buꞌ laa ŋwə nə luu ndɔꞌ. Ŋwaꞌ ka vəŋ nəə toꞌ fɨ ghɔ ŋwə nɨzi, ŋwə yaa kɨ fuusə fɨ fuŋ, faŋ wə kee yikɨɨ me.

Akts 20:32

Fɨ taa nɨniŋ ndwə, mə mèꞌtə viŋ taa ghɔ tɨta Nwi. Viŋ kɨɨ nə nu gəŋsə Nwi, faŋ ŋkə kìi wutə maa məyɨsə viŋ weꞌ maa nu Nwi, kɨ gə nə vɨsɨ. Wutə ki baa lùu shɔ maa məgaŋtə viŋ, laa viŋ ndɔ zɨ məbwey vəlwaŋ faŋ Nwi ndɔ kɔ tɨ́ vɨɨ ley vi.

1 Kɔrintian 15:50

Vaŋ-nshwi vaŋ, mə naysə tɨ́ viŋ laa, kaꞌ ŋwaa wə fɨ shɨ nsi kee ndɔ zɨ yifwàŋ Nwi me. Fa faŋ kaꞌ ŋkə shuu, kee ndɔ goꞌ maa shuu me.

1 Kɔrintian 5:11

Nu ŋkɨə faŋ mə kəə gì, lùu laa kɨ viŋ kɨ duꞌ shəŋ muꞌ viŋ vɨ wə faŋ ŋwə gì laa yi lùu wuu Nwi, luu nə, yɨsə vənu vəbwəvə me. Weenshu ŋwaa-nsiŋ mɔ́ꞌ lùu shɔ faŋ ŋwə tii vəki, tɨꞌnə me səsə vətɔ, tɨꞌnə me feꞌ vənwi vədayday, tɨꞌnə me ndasə vɨɨ, tɨꞌnə me nu məluꞌ ghenə, tɨꞌnə me shɨshaw, kɨ viŋ kɨ shi viŋ vɨ kəŋ vɨɨ vɔ́ shəŋ muꞌ me. Kɨ viŋ kɨ zɨnə viŋ vɨ kəŋ vɨɨ vɔ́ faŋ vəŋ yɨsə kəŋ vənu vɔ́ me.

Galatia 5:21

nə məsəsə vətɔ və vɨɨ, nə məzwi wə, nə mənu məluꞌ məyaŋmə, nə maa mətia yiŋwaa, nə kəŋ vənu vɔ́ vəyaŋ. Mə gì tɨ́ viŋ faŋ mə nə duꞌtə mə gi tɨ́ viŋ laa, vɨɨ faŋ vəŋ yɨsə kəŋ vənu vɔ́, kee ndɔ ŋii məbwey vəlwaŋ taa yifwàŋ Nwi me.

Efesɔs 4:28

Kɨ ndɔꞌ baa kɨ shaw fa me! Bàw ŋwə faꞌ nə ghɔ, baa nə wutə, tɨ́ kaꞌ ŋwə yɨ̀ nu jəə, baa gàŋtə vɨɨ ŋɨꞌ.

Efesɔs 5:5

Viŋ kɔꞌ kɨɨ ŋkee jəə laa kɨ tuu wuu mətii vəki nə mətoꞌ sakə, tɨꞌnə me, yɨ-kəbwə, tɨꞌnə me wuu məzɨ shɨ, ndɔ kɨ shi taa ŋwaa vɨɨ nu yifwàŋ Kristo nə Nwi me. Kəŋ vɨɨ vɔ́ lùu yaa vɨɨ məfeꞌ vənwi vədayday.

1 Tesalonika 4:6

Baa nə laa kɨ wə yɨ nu bwə maa weenshu wi me, kee kɨ fuŋsə ŋwə maa nu me, buꞌ laa tɨta Nwi bəŋsə vənu vəbwəvə vɔ́ vənshə tɨ́ vɨɨ, kwaŋ nsɔꞌ tɔ vəŋ, sheꞌ faŋ yia nə duꞌtə yia naysə tɨ́ viŋ, baa tɨsə viŋ shɔ nə.

1 Pita 4:15

Ŋkə kee bàw laa wə fɨ viŋ ye ŋɨꞌ buꞌ laa ŋwə zwì wə me, tɨꞌnə me shàw fa me, tɨꞌnə me yɨ̀sə nu bwə mɔ́ꞌ, tɨꞌnə me kwàŋ kwiŋ wi taa nu wə.