1 Kɔrintian 5:6 - Vengo (Babungo)

⁶ Ŋkə kee bàw laa viŋ kɨ koꞌsə yiŋwaa yiŋ, faŋ viŋ koꞌsə nə me. Maa viŋ kɨɨ laa vɨ yaa kɨ naysə bee, vɨ kwaŋ sheꞌ wee-dɨꞌ fənsɨŋ taa tey yi nee, fənsɨŋ fɔ́ yɨsə bee kɔ́ kənshə mwa sheꞌ fɨkɨꞌ nee.

1 Kɔrintian 5:6 ပူးပေါင်းရင်းမြစ်များ

Matiu 13:33

Ŋwə baa kɨ fɨꞌtə yigisə tii yimɔ́ꞌ tɨ́ vəŋ laa, «Nu yifwàŋ yizɔ lùu yaa fənsɨŋ, faŋ wəzwi mɔ́ꞌ nə ndì, wàsə taa vətɔ və bee-nə-mbwii vətia, mbə mwakə lwaŋkə.»

Lukas 13:21

Viŋ zɔ! Ŋkə fɨ̀nə fənsɨŋ faŋ wəzwi mɔ́ꞌ nə ndì, wàsə taa ntɨɨ bee kwalə, bee kɔ́ kənshə kwiinə, mwà koꞌ.»

Roma 6:16

Maa viŋ kɨɨ laa, viŋ kɨ luu fiŋ tɔ kiŋ tɨ́ wə mɔ́ꞌ, gù vəbuꞌ vi, kɨ zɔnə ŋwə, buu viŋ luu ŋkee vəbuꞌ və wə ghɔ́ faŋ viŋ zɔnə ŋwə nə. Nɨniŋ, viŋ luu vəbuꞌ və Nwi, kɨ zɔnə Nwi, tɨ́ kaꞌ nu kiŋ bɔ̀ŋsə. Kee lùu nɨniŋ me, buu viŋ lùu vəbuꞌ tɨ́ nu bwə, ndɔ ku.

1 Kɔrintian 15:33

Luu nə, kɨ viŋ kɨ bweꞌsə yiŋwaa yiŋ me! Wə kɨ luu kɨ toꞌ fɨ taa ŋwaa vɨɨ bwənə, buu ŋwə taa kɨ yɨsə vənu vəbwəvə yaa vəŋ nɨzi.

1 Kɔrintian 3:21

Lùu ŋiꞌ nu ŋkɨə faŋ mə naysə tɨ́ viŋ laa kɨ wə kɨ koꞌsə ŋwaa wi buꞌ nu wə mənsaw me, yuu kɨ gisə laa yi beꞌsə kɨkee, tɨꞌnə me kɨkee. Viŋ kɔꞌ kɨɨ laa vənu vənshə lùu tɨ́ viŋ.

1 Kɔrintian 5:2

Sii kaꞌ viŋ koꞌsə yiŋwaa kɨkə, faŋ vɨɨ fɨ taa ŋwaa viŋ yɨsə kəŋ vənu vɔ́? Bàw viŋ gwia buꞌ vənu vəbwəvə viŋ. Bàw viŋ jɔŋ kəŋ wə ghɔ́, faŋ ŋwə yɨsə kəŋ nu ghɔ́, fɨ taa ŋwaa viŋ.

Galatia 5:9

Maa vɨɨ gisə laa wee-fədɨꞌ fənsɨŋ nee, yaa kɨ mwasə bee, ŋkə kwalə.

2 Timoti 2:17

Yigisə vəŋ kwə vɨɨ yaa dɨꞌ yaa kɨ kwə fəŋ wə nə. Vɨɨ mɔ́ꞌ fɨ taa ŋwaa vɨɨ mədeesə vəbwəvə vɔ́ luu Hayminiɔs nə Filetɔs.

Jeyms 4:16

Luu nə, viŋ kɨ bii koꞌsə yiŋwaa yiŋ baa mwà. Məkoꞌsə ŋwaa ghɔ́ nə məmwa ghɔ́ lùu nu bwə.