1 Kɔrintian 5:11 - Vengo (Babungo)

¹¹ Nu ŋkɨə faŋ mə kəə gì, lùu laa kɨ viŋ kɨ duꞌ shəŋ muꞌ viŋ vɨ wə faŋ ŋwə gì laa yi lùu wuu Nwi, luu nə, yɨsə vənu vəbwəvə me. Weenshu ŋwaa-nsiŋ mɔ́ꞌ lùu shɔ faŋ ŋwə tii vəki, tɨꞌnə me səsə vətɔ, tɨꞌnə me feꞌ vənwi vədayday, tɨꞌnə me ndasə vɨɨ, tɨꞌnə me nu məluꞌ ghenə, tɨꞌnə me shɨshaw, kɨ viŋ kɨ shi viŋ vɨ kəŋ vɨɨ vɔ́ shəŋ muꞌ me. Kɨ viŋ kɨ zɨnə viŋ vɨ kəŋ vɨɨ vɔ́ faŋ vəŋ yɨsə kəŋ vənu vɔ́ me.

1 Kɔrintian 5:11 ပူးပေါင်းရင်းမြစ်များ

Matiu 18:17

Kɨ luu ŋwə twey maa məzɔ yigisə vəŋ, a nàysə tɨ́ məshəŋtə vɨɨ Nwi. Ŋwə taa kɨ luu twey yigisə vəŋ nɨzi, buu a ndi ŋwə yaa wuu məmanə Nwi, tɨꞌnə me wuu məsa vətɔ.

Matiu 23:25

Ndwaŋ tɔ viŋ, vɨɨ mədeesə ŋwaꞌlə Nwi nə vɨɨ Farisii, viŋ lùu vɨɨ məboꞌ ŋwaa. Viŋ sɔ̀ ndawsə nə vəkay fɨ fu, luu nə, taa tey wi lwaŋ nə vətɔ vəbwəvə.

Lukas 18:11

Wuu Farisii ghɔ́ gə koꞌ yàanə yizɔ, shɔꞌtə Nwi maa nshɨ-tɔ wi laa, «Nwi ŋwaa, mə bwaŋ ghɔ, buꞌ laa mə kee lùu yaa vɨɨ mɔ́ꞌ me. Mə kee lùu yaa vəndɔꞌ, nə vɨɨ məyɨ vənu və mbuulə, nə vɨɨ mətii vəki me, tɨꞌnə me yaa wuu məsa vətɔ ŋwə̀ me.

Lukas 21:34

(Yeso baa gì laa,) «Viŋ kəmə tɔ kiŋ laa, kɨ fwi siŋ bwa buꞌ faŋ viŋ zɨ vətɔ, nu məluꞌ məyaŋmə me, tɨꞌnə me jɔmə vətɔ və shɨ nsi, buꞌ shi kɔ́ ndɔ gwəkə jɨjwi, tɨ́ viŋ kee lootə yiŋwaa me.

Akts 1:15

Maa vəshi vɔ́ Pita ndɔ fɨ nsi fɨ taa ŋwaa vɨɨ Yeso, tɨ́ vɨɨ baytə yifi yaa wə waaghɨꞌ nə wə muu-mbɔɔ.

Akts 9:17

Ananias ndɔ gə̀ taa ŋii yɔ́, mɔ̀ꞌ ghɔ ghi maa Sɔɔl, gì tɨ́ ŋwə laa, «Weenshu ŋwaa Sɔɔl, tɨta Yeso, faŋ viŋ ŋwə yaa faynə jɨɨ njyə faŋ a nəə jwi fɨ fuŋ nə, tɔ̀ŋ mə laa a baa kɨ yenə vədɨꞌ, baa nə laa Zwitə Ley Nwi lwaŋ taa fwi ghɔ.»

Roma 13:13

Nsiŋ kɨ toꞌ ghuu yitoꞌ kaŋ-nsiŋ kəley, yuu ŋkə kuꞌ maa mətoꞌ nə shɨshwi, kee kɨ toꞌ zɨ vətɔ me, tɨꞌnə me nu məluꞌ ghenə me, tɨꞌnə me beꞌsə nu vəki me, vəki kee beꞌsə vəndɔŋ me, kee kɨ zɨ shɨ me, kee tay ntaysə me, kee kɨ səsə vətɔ və vɨɨ me.

Roma 16:17

Vaŋ-nshwi vaŋ, mə tɨsə viŋ laa, viŋ kɨ tɔfə maa vɨɨ mbɨə faŋ vəŋ jwi nə ŋgaasə, yɨsə vɨɨ gu maa nu Kristo, faŋ viŋ nə zwètə nə. Viŋ nyɨŋ fɨ yɨ vəŋ,

1 Kɔrintian 10:14

Vɨɨmba vaŋ faŋ mə kàw, lùu nu ŋkɨə faŋ mə naysə tɨ́ viŋ, laa kɨ viŋ kii nu maa məyɨ nə vənwi vədayday me.

1 Kɔrintian 11:21

Mə gì nɨniŋ buꞌ laa, faŋ viŋ zɨ nə, wə mɔ́ꞌ gə vɨsɨ, zɨ̀ ŋkii fazɨ. Buꞌ nɨniŋ jɨŋ kɨ zasə wə muꞌ, tɨ́ wə mɔ́ꞌ nu, mbə shɔɔ sɨ ŋwə.

1 Kɔrintian 5:13

Kaꞌ sɔꞌ sheꞌ Nwi sɔ̀ꞌ vɨɨ mbɨə faŋ vəŋ kee lùu vɨɨ Nwi me. Luu nə, gə fɨ maa nu bwə kɔ́ taa ŋwaa viŋ nə, viŋ kɨ yɨsə sheꞌ faŋ vɨ nyɔ̀ꞌ taa ŋwaꞌlə Nwi laa, «Viŋ jɔŋ wuu bwə ghɔ́ fɨ taa ŋwaa viŋ!»

1 Kɔrintian 6:10

nə vɨɨ faŋ vəŋ shɨshaw, nə vɨɨ vəŋwiŋ, nə vɨɨ faŋ vəŋ nu məluꞌ, mbə shɔɔ sɨ vəŋ, nə vɨɨ faŋ vəŋ toꞌ ndasə vɨɨ, nə vɨɨ faŋ vəŋ si vətɔ və vɨɨ, kəŋ vɨɨ vɔ́ vənshə, faŋ vəŋ yɨsə vənu vəbwəvə vɔ́ nə, kee ndɔ ŋii taa nu yifwàŋ Nwi me.

1 Kɔrintian 6:6

Ŋkə kee kùꞌnə laa wuu Nwi ndɨ weenshu wi wuu Nwi, ghɔ ŋwə gə nə nsɔꞌ vəŋ taa ŋii nsɔꞌsə, faŋ sɔꞌ vɨɨ faŋ kee lùu vɨɨ Nwi me, nə vɨɨ faŋ vəŋ kee bìŋ nu Nwi me.

1 Kɔrintian 6:9

Viŋ kɔꞌ kɨɨ laa vəyɨ-kəbwə kee ndɔ ŋii taa nu yifwàŋ Nwi me. Kɨ viŋ kɨ bweꞌsə yiŋwaa yiŋ me! Vɨɨ faŋ vəŋ yɨsə vənu vəbwəvə, tɨꞌnə me shi nə vəki, nə vɨɨ faŋ vəŋ feꞌ vənwi, nə vɨɨ faŋ vəŋ meꞌtə vəki vəvəŋ, tìi vəki vəmɔ́ꞌ, nə vəndɔŋ faŋ vəŋ shi nə vəliŋ vəvəŋ vəndɔŋ,

1 Kɔrintian 7:12

Gə fɨ maa wəndɔŋ faŋ ŋwə beꞌsə Kristo, kìi wəzwi faŋ kee lùu wuu Nwi me, kɨ luu wəzwi ghɔ́ biŋ laa ghɔ ŋwə taa kɨ duꞌ mɔ́ꞌ, kɨ wəndɔŋ ghɔ́ tɨꞌ ŋwə me. Lùu ntɨ faŋ kɔ̀ mə tɨ́ viŋ. Kee lùu ntɨ faŋ nə kɔ̀ tɨta Yeso tɨ́ nsiŋ me.

1 Kɔrintian 7:15

Kɨ luu wə ntɨə faŋ kee lùu wuu Nwi taa ŋwaa vəŋ me, gi laa yi taa gaasə məndaa wi, kaꞌ vəŋ gàasə. Faŋ ŋkə lùu nɨniŋ, kɨ vɨ dɔɔ laa wə ntɨə faŋ lùu wuu Nwi, duꞌ ghɔ ndəə wi, tɨꞌnə me ghɔ zu wi me, buꞌ vəŋ taa duꞌ sheꞌ nə ntaysə. Maa Nwi shòꞌ nsiŋ yaa vɨɨ vi laa nsiŋ kɨ duꞌ bwaŋnə.

1 Kɔrintian 8:11

Wə ghɔ́ kɨ zɨ fazɨ kɔ́, faŋ ŋkə ghɨɨ tɨ́ ŋwə yaa lùu nu bwə, buu ŋwə gù buꞌ ghɔ. Yitɔfə yə yɔ́ yɨ̀sə laa ŋwə ndi jɨɨ. Sii yɨ̀ kə buu a yɨsə nu faŋ ŋkə yɨ laa weenshu wə ndi jɨɨ, faŋ Yeso Kristo nə kù tɔ ŋwə nɨzi nə.

Galatia 2:12

Nə luu maa yighee yɔ́, Pita nəə zɨ ghɔ vɨ vɨɨ Kristo mbɨə faŋ vəŋ kee lùu vɨɨ Jus me. Nɨniŋ, vɨɨ mɔ́ꞌ faŋ Jeyms nə tɔŋ vəŋ, jwi yifi, Pita kɨ nii sùꞌtə fɨ yɨ vɨɨ vɔ́, kee baa kɨ zɨ ghɔ vɨ vəŋ me, buꞌ laa ŋwə nəə fee vɨɨ Jus vɔ́, faŋ vəŋ nə ndɔ̀ fɨ yɨ Jeyms nə.

Efesɔs 5:18

Kɨ viŋ kɨ nu məluꞌ mbə kɨ shɔɔ sɨ viŋ me, buꞌ laa nshinə yibwə fuu fɨ fuŋ. Viŋ kɨ yɨ laa lwaŋ sheꞌ Zwitə Nwi taa fwisə viŋ.

Efesɔs 5:5

Viŋ kɔꞌ kɨɨ ŋkee jəə laa kɨ tuu wuu mətii vəki nə mətoꞌ sakə, tɨꞌnə me, yɨ-kəbwə, tɨꞌnə me wuu məzɨ shɨ, ndɔ kɨ shi taa ŋwaa vɨɨ nu yifwàŋ Kristo nə Nwi me. Kəŋ vɨɨ vɔ́ lùu yaa vɨɨ məfeꞌ vənwi vədayday.

Kɔlɔsii 3:5

Nɨniŋ, viŋ meꞌ nshinə yimwanə yiŋ, faŋ nyə ndɔ̀ fɨ taa mbi yibwə. Viŋ ndi nshinə yɔ́ yaa nu faŋ ŋkə duꞌtə ŋkə ku. Kɨ viŋ baa kɨ tii vəki me, tɨꞌnə me yɨ kəŋ nu bwə mɔ́ꞌ me. Kɨ fwi yiŋ ndɔ maa nu me. Kɨ viŋ tə sɨ maa nu bwə me, tɨꞌnə me baytə vətɔ vəyaŋ me, buꞌ laa wə kɨ luu kɨ baytə vətɔ vəyaŋ, buu vətɔ vɔ́ kɨ nii luu tɨ́ ŋwə yaa vənwi faŋ ŋwə feꞌ. Vənu vəbwəvə vɔ́ vənshə ndɔ fɨ maa nshinə yimwanə yɔ́.

2 Tesalonika 3:14

Kɨ luu wə mɔ́ꞌ kee zɔ̀ ntɨ yia faŋ nyə lùu taa ŋwaꞌlə ŋwə̀ nə me, viŋ shwenə ŋwə, kee kɨ zɨnə viŋ vɨ vəŋ me, yuu tɔ ki dɨɨ, ŋwə kwiinə fwi yi.

2 Tesalonika 3:6

Vaŋ-nshwi via, yia naysə tɨ́ viŋ maa yizii tɨta Yeso Kristo laa, viŋ buꞌsə fɨ ghɔ wə tɨ̀ me wə taa ŋwaa viŋ faŋ ŋwə kee kàw faꞌ me, kee kɨ toꞌ fɨ taa ntɨ njyə faŋ yia nə kɔ̀ tɨ́ viŋ nə me.

1 Timoti 3:3

Kɨ ŋwə kɨ nu məluꞌ, mbə shɔɔ sɨ ŋwə me, tɨꞌnə me, luu wuu məkəə yighaw me. Bàw ŋwə luu wuu bwaŋnə, kee kɨ kəə nsɔꞌsə me, fwi yi kee kɨ ndɔ maa ka me.

1 Timoti 6:5

Vɨɨ kɨ nii gàasə yiŋwaa, tay ntaysə ghee nshə, buꞌ faŋ tɔ ley vəŋ bùulə, nu bi ndi fɨ ghɔ vəŋ, vəŋ bɨꞌtə laa nu məbəŋsə Nwi lùu nu tɨ́ kaꞌ vɨ kɨ fuꞌ ka fɨ fuŋ.

2 Jɔn 1:10

Kɨ luu wə jwi yɨ viŋ, kee jwì nə nu kɔ́ me, kɨ viŋ biŋ ŋwə ŋii taa ŋii viŋ me, kee shɔ̀ꞌtə ŋwə me,

Reveleyshən 2:14

Luu sheꞌ wee-nu faŋ ŋkə kee baw too mə me. Nu kɔ́ lùu laa, vɨɨ mɔ́ꞌ fɨ taa ŋwaa viŋ jìa nu Balaam, faŋ ŋwə nə dèesə tɨ́ Balak faŋ ŋkə bàw maa məkɔꞌsə vɨɨ Isirayl, yɨsə vəŋ yɨ nu bwə, zɨ fazɨ faŋ lùu fazɨ vəŋku vənwi, baa tii vəki.

Reveleyshən 2:20

Luu nə, nu mɔ́ꞌ shɔ faŋ ŋkə kee bàw shee me. Nu kɔ́ lùu laa a bìŋ Jezebel, wəzwi wì faŋ ŋwə gì laa yi lùu nshiiŋii-sɔghɔ, faŋ ŋwə deesə nu ki tɨ́ vɨɨ, bweꞌsə vɨɨ vaŋ, vəŋ toꞌ tii vəki, zɨ vətɔ faŋ vɨ feꞌ vənwi vədayday shɔ nə.

Reveleyshən 21:8

Gə̀ fɨ maa vɨɨ mbɨə faŋ vəŋ nyɨŋkə, baa twey nu Kristo, nə vɨɨ məyɨ vənu vəbwəvə, nə vɨɨ məzwilə vɨɨ, nə vɨɨ mətii vəki, nə vɨɨ vəfɔ vəbwəvə, nə vɨɨ məbiŋ vənwi vədayday, nə vɨɨ təba vənshə, shəŋ vəŋ luu shəŋ ŋkɨə faŋ wisə bii fɨ fuŋ, lumə ki zwilə vɨɨ, faŋ lùu shəŋ yiku lwesə ghee bɔɔ.»

Reveleyshən 22:15

Vɨɨ mbɨə faŋ vəŋ lùu fu fɨ taa ŋkɔꞌ, lùu vɨɨ bwənə, nə vɨɨ ŋay, nə vɨɨ mətii vəki, nə vɨɨ məzwilə vɨɨ, nə vɨɨ faŋ vəŋ bəŋsə vənwi vədayday, nə vɨɨ təba, faŋ vəŋ kàw təba, baa yɨsə nu təba.»