1 Kɔrintian 4:9 - Vengo (Babungo)

⁹ Luu nə, mə bɨꞌtə laa Nwi nùŋsə yia, vɨɨ ntɔŋ vi, ŋkee nsi. Yia lùu yaa vɨɨ faŋ vɨ sɔꞌ nsɔꞌ vəŋ, shia laa vɨ zwilə vəŋ. Yia luu sheꞌ yaa vɨɨ taa vəghày faŋ mbi yinshə ŋkwəŋ nə nshiisə-ŋiisə Nwi nə wə mənsaw ye yia nə.

1 Kɔrintian 4:9 ပူးပေါင်းရင်းမြစ်များ

Akts 19:29

Shɨ kɔ́ kənshə kɨ nii luu ŋkee kəbuulə kəbuulə, vɨɨ vənshə nyɨŋ gə̀ maa shəŋ vəghay, fùu jìa Gayɔs nə Aristarkɔs, vɨɨ Makedonia, faŋ nə luu vɨɨ ghuu yitoꞌ Pɔɔl.

Akts 19:31

Vɨɨ kwalə mɔ́ꞌ fɨ taa shɨ faŋ nə luu vɨɨmba Pɔɔl, nə tɔŋ ntɔŋ, bùꞌ ghɔ tɨ́ ŋwə laa, kɨ ŋwə jwi də ŋwaa wi taa shəŋ vəghay kɔ́ me.

Roma 8:36

Ŋkə luu sheꞌ yuu ŋkə lùu taa ŋwaꞌlə Nwi laa, «Vɨ zwìlə yia maa shi ŋkwəŋ buꞌ ghɔ, ndèynə yia yaa bisə-njɨɨ faŋ vɨ zwìlə.»

1 Kɔrintian 15:19

Nii toꞌ lùu laa vɨ tə sɨ maa Yeso Kristo sheꞌ buꞌ məbwey taa mbi nyə̀ ndwə, buu ŋkə taa bɨ tɨ́ nsiŋ shɔ̀ɔ vɨɨ vənshə.

2 Kɔrintian 11:23

Vəŋ lùu vɨɨ faꞌ Kristo mu? Mə lùu wuu faꞌ Kristo nɨzi. Mə gisə yuu wuu ŋgienə, mə lùu wuu faꞌ Kristo shɔ̀ɔ vəŋ. Mə nə sàŋ ŋwaa ŋwaa maa faꞌ shɔ̀ɔ vəŋ. Mə nə ŋìi mfiŋ shɔ̀ɔ vəŋ. Vɨ nə sàŋ mə nə vəmfa shɔ̀ɔ ki. Mə nə shɔ̀ɔ fɨ shuu yiku ghee yaŋ.

2 Kɔrintian 6:9

Faŋ vɨ kɔlə kee kɨ̀ɨ nə yia nə me, vɨɨ kɔꞌ kɨɨ nə yia. Faŋ yia kɔlə kɨkukə, yia lùu vəbwey. Faŋ vɨ kɔlə kwàŋ nsɔꞌ tɔ yia, vɨ kee zwìlə yia me.

1 Tesalonika 3:3

laa kɨ tuu wə fɨ wiŋ bəŋ yiba buꞌ ŋɨꞌ njyə faŋ nyə ŋìi maa viŋ ndwə nə me, faŋ vɨ jiatə viŋ, yɨ nə viŋ nə. Viŋ baa luu kɨɨ laa lùu nu kaŋ-nsiŋ maa məye ŋɨꞌ nɨniŋ.

Hibru 1:14

Nshiisə-ŋiisə Nwi sənshə luu sheꞌ vəzwitə faŋ vəŋ faꞌ tɨ́ Nwi, faŋ ŋwə tɔ̀ŋ vəŋ laa vəŋ gə gàŋtə vɨɨ mbɨə faŋ Nwi taa bweysə vəŋ nə.

Hibru 10:33

Vɨɨ mɔ́ꞌ fɨ taa ŋwaa viŋ nə yè ŋɨꞌ dɨdɨꞌ, buꞌ faŋ vɨ nə ndasə vəŋ jɨɨsə jɨɨsə, yɨsə vənu vəbwəvə maa vəŋ ntee. Vɨɨ mɔ́ꞌ shɔ faŋ vəŋ nə kee ŋii ŋkee taa ŋɨꞌ yɔ́ me, luu nə, gàŋtə vɨɨ mbɨə faŋ vəŋ nə yè ŋɨꞌ nə.

Hibru 11:36

Vɨɨ mɔ́ꞌ nə ye ŋɨꞌ faŋ vɨɨ nə shɨꞌ vəŋ buꞌ nu Nwi, saŋ vəŋ nə vəmfa. Vɨ nə ka vəŋ nə vəsumə, mɔ̀ꞌ taa ŋii mfiŋ.