1 Kɔrintian 4:8 - Vengo (Babungo)

⁸ Viŋ duꞌtə viŋ zɨ zwə mu? Viŋ duꞌtə viŋ luu vɨɨ faŋ vəŋ kìi vətɔ vəyaŋ mu? Viŋ duꞌtə viŋ gu vɨɨ məsɔꞌ mbi taa yifwàŋ Nwi, tɨ́ nshɨ-tɔ wia kee ta ziꞌ shɔ yimu? Ŋkə nə bàw laa viŋ luu vɨɨ məsɔꞌ mbi, yuu nsiŋ lùu mɔ́ꞌ.

1 Kɔrintian 4:8 ပူးပေါင်းရင်းမြစ်များ

Matiu 5:1

Faŋ Yeso nə ye vɨɨ vəyaŋ vɔ́, koꞌ gə fuu baŋ, dùꞌ nsi. Vɨɨ məzwetə nu ki shəŋtə jwi yɨ ŋwə.

Lukas 6:25

Ndwaŋ tɔ viŋ faŋ viŋ zwəkə ndwə, buꞌ laa jɨŋ ndɔ za viŋ. Ndwaŋ tɔ viŋ faŋ viŋ shɨꞌ ndwə, buꞌ laa viŋ ndɔ gwia, kɨ shɨŋsə.

Akts 26:29

Pɔɔl gi laa, «Mə taa shɔꞌtə Nwi laa, kɨ ŋkə taa luu kədə, tɨꞌnə me kətuŋsə, laa ghɔ, viŋ vɨ vɨɨ vənshə faŋ viŋ zɔ yigisə nyaa ndee, taa kiasə lùu yaa mə, goꞌ sheꞌ vəsumə və̀.»

Roma 12:3

Nɨniŋ, mə buꞌ ghɔ tɨ́ viŋ tɔ tɔ laa, kɨ wə kɨ bɨꞌtə laa mfɨꞌ nu yi bàw shɔ̀ɔ faŋ mfɨꞌ fwi yi lùu me. Mə gì tɨ́ viŋ nɨniŋ buꞌ mənɔŋ-bwaŋnə Nwi faŋ Nwi nə kèy mə shɔ nə. Bàw wə kɨ fɨꞌ nu ki nə yitɔfə fɨ maa mfɨꞌ məbiŋ wi faŋ Nwi kɔ̀ tɨ́ ŋwə, ŋwə nùŋ fwi yi maa Kristo nə.

1 Kɔrintian 1:5

Nwi nə tu mənɔŋ-bwaŋnə tɔ viŋ maa jɨɨsə səyaŋ, yɨ̀sə viŋ weꞌ maa nu Kristo. Viŋ kɨɨ gì yigi yijəənə, baa kɨ̀ɨ nə nu Nwi ŋkee jəə.

1 Kɔrintian 4:18

Vɨɨ mɔ́ꞌ fɨ taa ŋwaa viŋ koꞌsə yiŋwaa vəŋ, bɨꞌtə laa mə ndɔ kee baa bəŋ jwì yɨ viŋ me.

1 Kɔrintian 5:6

Ŋkə kee bàw laa viŋ kɨ koꞌsə yiŋwaa yiŋ, faŋ viŋ koꞌsə nə me. Maa viŋ kɨɨ laa vɨ yaa kɨ naysə bee, vɨ kwaŋ sheꞌ wee-dɨꞌ fənsɨŋ taa tey yi nee, fənsɨŋ fɔ́ yɨsə bee kɔ́ kənshə mwa sheꞌ fɨkɨꞌ nee.

2 Kɔrintian 11:1

Ŋkə bàw laa viŋ taa meꞌtə mə, faŋ mə kɔlə gi nu vəmfaw, viŋ meꞌtə mə.

2 Kɔrintian 13:9

Yia ŋaytə faŋ yia bəə ŋay, viŋ weꞌ nə. Lùu nu ŋkɨə faŋ yia shɔꞌtə Nwi shɔ, laa Nwi bɔŋsə viŋ.

Galatia 6:3

Wə kɨ luu kɨ bɨꞌtə laa yi lùu nu, faŋ ŋwə lùu wuu dayday, buu ŋwə bweꞌsə ŋwaa wi.

Filipi 1:27

Nu ŋkɨə faŋ ŋkə lùu kəkwalə, lùu laa məshəŋtə wiŋ kɨ toꞌ nə nshinə njyə faŋ nyə kùꞌnə tɨ́ vɨɨ məbiŋ nu Kristo. Nɨniŋ laa mə ndɔ jwi ye viŋ, tɨꞌnə me, mə kee kɔlə jwi me, buu mə taa zɔ laa viŋ tɨ̀ŋnə weꞌ, kìi zwitə kəmuꞌ, baa kìi mbɨꞌtə yiŋ yimuꞌ, faŋ viŋ ŋɨɨlə maa məyɨ laa ntɔŋ yijəə Nwi gə nə vɨsɨ.

Filipi 2:12

Vaŋ-nshwi vaŋ faŋ mə kàw, viŋ yaa zɔnə yigisə Nwi ghee nshə, faŋ nsiŋ nə luu mɔ́ꞌ nə. Bàw viŋ baa zɔnə shɨshɔɔ, faŋ nsiŋ kee baa lùu mɔ́ꞌ nə me. Viŋ kɨ toꞌ maa nu Nwi nə wutə, fee Nwi, kɨ lɔꞌ, tɨ́ kaꞌ Nwi ndɔ bweysə viŋ.

Reveleyshən 3:17

A gisə laa a lùu tɨɨ ka, baa gù mfuꞌ, kee bəə fa me. A kee bee kɨɨ laa a lùu mbəə faŋ ŋwə bə̀ə gəŋsə nə mənɔŋ-bwaŋnə Nwi me. A luu wuu sɨ fɨsə, baa lùu nə ntɨŋ.

Reveleyshən 5:10

A baytə vəŋ maa yifwàŋ Nwi, vəŋ gu vɨɨ məfeꞌ Nwi nɨzi, ndɔ kɨ sɔꞌ shɨ nsi.»