1 Kɔrintian 4:6 - Vengo (Babungo)

⁶ Vaŋ-nshwi vaŋ, nu ŋkɨə faŋ mə nii gìsə nə, mə gìsə kɔ̀ŋ nshɨ-tɔ ŋwaa nə Apɔlɔs maa məgaŋtə viŋ, tɨ́ kaꞌ viŋ kɨ̀ɨ nə ŋiꞌ yigi njyə faŋ nyə gì laa, «Bàw wə kɨ toꞌ sheꞌ maa nu ŋkɨə faŋ ŋkə lùu taa ŋwaꞌlə Nwi. Kɨ wə kɨ dee ki me.» Ŋkə kee kùꞌnə laa viŋ kɨ koꞌsə yiŋwaa buꞌ wə me, ndɔ baa suꞌsə wə mɔ́ꞌ nsi.

1 Kɔrintian 4:6 ပူးပေါင်းရင်းမြစ်များ

Akts 18:24

Maa yighee yɔ́ wuu Jus mɔ́ꞌ nə luu shɔ faŋ yizii yi luu Apɔlɔs, faŋ vɨ nə bi ŋwə ntɨꞌ Alesandria (fɨ shɨ Ijip). Wə ghɔ́ jwi shɨ Efesɔs, faŋ ŋwə nə luu wuu yigisə yijəənə baa lùu yineꞌtə, baa wèꞌ maa ŋwaꞌlə Nwi.

Akts 19:1

Nə luu maa yighee yɔ́ faŋ Apɔlɔs nə luu ntɨꞌ Kɔrint fɨ shɨ Akaya, Pɔɔl shɔɔ fɨ taa təkweꞌ fɨ nsi Asia, siꞌ jwi shɨ Efesɔs. Faŋ ŋwə nə ziꞌ shɨ Efesɔs, yè vɨɨ məbiŋ nu Kristo vəmɔ́ꞌ,

Roma 12:3

Nɨniŋ, mə buꞌ ghɔ tɨ́ viŋ tɔ tɔ laa, kɨ wə kɨ bɨꞌtə laa mfɨꞌ nu yi bàw shɔ̀ɔ faŋ mfɨꞌ fwi yi lùu me. Mə gì tɨ́ viŋ nɨniŋ buꞌ mənɔŋ-bwaŋnə Nwi faŋ Nwi nə kèy mə shɔ nə. Bàw wə kɨ fɨꞌ nu ki nə yitɔfə fɨ maa mfɨꞌ məbiŋ wi faŋ Nwi kɔ̀ tɨ́ ŋwə, ŋwə nùŋ fwi yi maa Kristo nə.

1 Kɔrintian 1:12

Viŋ gàasə yiŋwaa yiŋ, vɨɨ mɔ́ꞌ gi laa vəŋ beꞌsə Pɔɔl, vɨɨ mɔ́ꞌ laa vəŋ lùu vɨɨ Apɔlɔs, vəmɔ́ꞌ laa vəŋ beꞌsə Pita, vəmɔ́ꞌ laa vəŋ beꞌsə sheꞌ Kristo.

1 Kɔrintian 1:19

Luu sheꞌ faŋ vɨ nyɔ̀ꞌ taa ŋwaꞌlə Nwi laa Nwi gì laa, «Mə taa bɨsə yitɔfə vɨɨ mbɨə faŋ vəŋ kìi yitɔfə, baa twèy yitɔfə vɨɨ mbɨə faŋ vəŋ kɨɨ nə ŋwaꞌlə.»

1 Kɔrintian 1:31

Lùu nu ŋkɨə faŋ vɨ nyɔ̀ꞌ taa ŋwaꞌlə Nwi laa, «Wə kɨ luu kɨ kəə buꞌ dɨŋ wi, ŋwə bùꞌ dɨŋ wi buꞌ nu tɨta Nwi.»

1 Kɔrintian 13:4

Ŋkawnə yaa kɨ yɨsə wə kɨ jia fwi yi, baa kii njyoꞌ yijəə; ŋwə kee ghɨꞌ vɨɨ me, kee gisə yigi shuu yaŋnə me, kee koꞌsə ŋwaa me.

1 Kɔrintian 3:19

Mə gì nɨniŋ buꞌ laa vənu faŋ mbi ndɨ̀ yaa vənu və tɔ-ley, lùu vənu və vəmfaw vɨsɨ Nwi. Lùu nu yinsəŋ faŋ vɨ nyɔ̀ꞌ taa ŋwaꞌlə Nwi laa, «Nwi kɔꞌsə vɨɨ tɔ-ley maa nu tɔ-ley vəŋ.»

1 Kɔrintian 3:21

Lùu ŋiꞌ nu ŋkɨə faŋ mə naysə tɨ́ viŋ laa kɨ wə kɨ koꞌsə ŋwaa wi buꞌ nu wə mənsaw me, yuu kɨ gisə laa yi beꞌsə kɨkee, tɨꞌnə me kɨkee. Viŋ kɔꞌ kɨɨ laa vənu vənshə lùu tɨ́ viŋ.

1 Kɔrintian 5:2

Sii kaꞌ viŋ koꞌsə yiŋwaa kɨkə, faŋ vɨɨ fɨ taa ŋwaa viŋ yɨsə kəŋ vənu vɔ́? Bàw viŋ gwia buꞌ vənu vəbwəvə viŋ. Bàw viŋ jɔŋ kəŋ wə ghɔ́, faŋ ŋwə yɨsə kəŋ nu ghɔ́, fɨ taa ŋwaa viŋ.

1 Kɔrintian 5:6

Ŋkə kee bàw laa viŋ kɨ koꞌsə yiŋwaa yiŋ, faŋ viŋ koꞌsə nə me. Maa viŋ kɨɨ laa vɨ yaa kɨ naysə bee, vɨ kwaŋ sheꞌ wee-dɨꞌ fənsɨŋ taa tey yi nee, fənsɨŋ fɔ́ yɨsə bee kɔ́ kənshə mwa sheꞌ fɨkɨꞌ nee.

1 Kɔrintian 8:1

Mə kəə baa gi kɔ̀ŋ fazɨ faŋ vɨ kɔ̀ tɨ́ vənwi vədayday. Viŋ gì laa nsiŋ vənshə kìi tɔ ley. Lùu yinsəŋ laa nsiŋ kìi tɔ ley. Luu nə, kəŋ tɔ ley kɔ́ yɨsə wə koꞌsə ŋwaa wi. Nu ŋkɨə faŋ ŋkə gaŋtə vɨɨ dɨdɨꞌ, lùu laa wə kɨ kaw weenshu wi.

1 Kɔrintian 9:23

Mə yɨsə vənu vənshə buꞌ nu Nwi, tɨ́ kaꞌ mə ndɔ kii fɨ maa jəə ŋgwə faŋ ŋwə jwi fiiba nu Nwi.

2 Kɔrintian 10:12

Fwi sia kee biŋ laa vɨ kɨ mɔŋ yia laa yia kùꞌnə maa vɨɨ mɔ́ꞌ faŋ vəŋ suŋtə jəə vəŋ nə me, tɨꞌnə me maa məfɨꞌnə nu kia, yia vɨ vəŋ me. Kaꞌ vɨɨ vɔ́ fɨꞌnə nu vəŋ ŋgɨɨ-vəŋ, baa wàsə nu vəŋ maa ŋkə-vəŋ nu, buꞌ laa vəŋ kee kɨ̀ɨ nə nu yinsəŋ me.

2 Kɔrintian 10:15

Yia kee bəŋsə ŋwaa wia maa faꞌ faŋ vɨɨ day nə sàŋ yiŋwaa vəŋ shɔ, shɔ̀ɔ ki wia me. Yia nuŋsə fwi sia laa viŋ kɨ luu kɨ gə vɨsɨ vɨsɨ nə nu Kristo, buu yia ndɔ yɨ nu kwalə mɔ́ꞌ tɨ́ viŋ, shɔ̀ɔ yighee vɨsɨ maa shəŋ faꞌ kia,

2 Kɔrintian 10:7

Viŋ ndeynə nu faŋ kaꞌ ŋkə luu kəley sɨ viŋ. Wə mɔ́ꞌ lùu shɔ faŋ ŋwə lumə ŋwaa wi laa yi lùu wuu Kristo, bàw ŋwə baa ywiitə fɨ taa fwi ŋwə laa yia lùu vɨɨ Kristo sheꞌ yaa ŋwə.

2 Kɔrintian 11:4

Wə mɔ́ꞌ jwi, dèesə nu kɔ̀ŋ Yeso day, kee dèesə nu Yeso ŋgwə faŋ yia nəə deesə nu ki nə me, buu viŋ biŋ ŋwə nə məŋaytə. Vɨ kɔ̀ zwitə kəday tɨ́ viŋ, faŋ kee luu zwitə ŋkɨə faŋ viŋ nə fì yighee vɨsɨ nə me, tɨꞌnə me, fɨꞌtə ntɔŋ yijəə yiday, faŋ viŋ nə kee yizɔ yighee vɨsɨ me, buu viŋ bìŋ nə məŋaytə. Ŋkə kee baw me.

2 Kɔrintian 12:19

Shù fɨ ntaŋ kaꞌ viŋ kɨ bɨꞌtə laa mbii vənu faŋ yia gisə nə, yia kəə fi tɔ kia fɨ ghɔ viŋ. Bey, yia gisə sheꞌ faŋ Kristo kəə laa yia gi vɨsɨ Nwi. Vaŋ-nshwi vaŋ faŋ mə kàw, viŋ kɔꞌ kɨɨ laa vənu vənshə faŋ yia gisə, yia gisə sheꞌ maa məgaŋtə viŋ, laa viŋ kɨ ta maa nu Nwi.

2 Kɔrintian 12:20

Mə fee laa yighee njyə faŋ mə taa ziꞌ yɨ viŋ, yè viŋ faŋ viŋ kee yɨsə vənu maa jɨɨ njyə faŋ mə kəə laa viŋ kɨ yɨsə nə me. Nɨniŋ, viŋ nɨzi taa kɨ ye mə faŋ mə yɨsə vənu faŋ viŋ kee kàw me. Lùu nɨniŋ buꞌ laa mə fɨfee laa mə taa jwi, ye viŋ taa ntaysə nə məsəsə vɨɨ, tɨꞌnə me nə fwi yishəsə nə vəŋwiŋ, tɨꞌnə me laa viŋ sɨɨ təba tɔ viŋ, viŋ viŋ, ndɔ buꞌ məlɔꞌ, tɨꞌnə me koꞌsə ŋwaa, nə nshəŋtə yiŋ yibuulə.

2 Kɔrintian 12:6

Mə toꞌ kɨ kəə kɨ koꞌsə ŋwaa, buu mə kee taa luu mfaw me, buꞌ laa mə taa kɨ gisə yinsəŋ. Luu nə, mə mèꞌtə, laa kɨ wə kii mbɨꞌtə yiweꞌ yimɔ́ꞌ buꞌ mə me, shɔ̀ɔ faŋ ŋwə yè faŋ mə yɨsə, zɔ̀ faŋ mə gisə.

2 Kɔrintian 4:15

Vənu vɔ́ vənshə luu buꞌ viŋ, tɨ́ kaꞌ gəŋsə Nwi, faŋ Nwi kee gəŋsə vɨɨ nə, gə̀ nə vɨsɨ, kɨ yɨsə nwaa vɨɨ mbɨə faŋ vəŋ bwaŋ Nwi yaŋ, yizii Nwi kwalə shɔ.

Kɔlɔsii 2:18

Nɨniŋ, kɨ viŋ biŋ laa wə kɨ yɨꞌtə viŋ buꞌ kəŋ vənu vɔ́ me. Vɨɨ mbɨə faŋ vəŋ kəə yɨꞌtə viŋ nə, gisə laa vəŋ sùꞌsə yiŋwaa vəŋ nsi, tɨ́ vəŋ kòꞌsə yiŋwaa vəŋ maa yinsəŋ. Vəŋ bəŋsə nshiisə-ŋiisə Nwi, koꞌsə̀ yiŋwaa, gi laa vəŋ yè vənu fɨ ghɔ Nwi taa njyəəsə. Luu nə, məkoꞌsə ŋwaa vəŋ lùu nu dayday; mbɨꞌtə vəŋ ndɔ̀ sheꞌ fɨ shɨ nsi.

1 Tesalonika 1:5

fɔnə ntɔŋ yijəə Nwi faŋ yia nə fɨ̀ꞌtə tɨ́ viŋ nə, kee jwì taa ŋwaa viŋ sheꞌ fɨ maa yigisə shuu me. Ŋkə nə jwì ŋkee nə wutə Nwi, baa nə Zwitə Ley Nwi. Yia nə də̀ tɨ́ viŋ faŋ ntɔŋ yijəə yɔ́ luu ŋkee nu yinsəŋ. Viŋ kɔꞌ kɨɨ faŋ yia nə tòꞌ taa ŋwaa viŋ maa mədə jɨɨ tɨ́ viŋ.

2 Timoti 2:10

Nɨniŋ, mə jìa fwi nyaa maa ŋɨꞌ yinshə buꞌ vɨɨ mbɨə faŋ Nwi nə shoꞌ vəŋ, laa lùu vɨɨ vi, tɨ́ kaꞌ vəŋ nɨzi ndɔ zɨ məbwey vəlwaŋ fɨ yiba Yeso Kristo. Məbwey ghɔ́ ndɔ baw shɔ̀ɔ, gòꞌsə yighee muꞌ.