1 Kɔrintian 4:5 - Vengo (Babungo)

⁵ Nɨniŋ, ŋkə kee kùꞌnə laa viŋ kɨ shia nsɔꞌsə tɔ vɨɨ me, faŋ yighee məshia nsɔꞌsə kee ta yikuꞌnə me. Maa shi ŋkɨə faŋ tɨta Yeso ndɔ jwi, ŋwə ndɔ də vənu ntee faŋ mbə nə lùu taa mfiŋsə, nə mbɨꞌtə wə faŋ wə kìi taa fwi ŋwə. Lùu shi kɔ́ faŋ Nwi ndɔ bəŋsə wə faŋ məbəŋsə wə ghɔ́ kùꞌnə.

1 Kɔrintian 4:5 ပူးပေါင်းရင်းမြစ်များ

Matiu 10:26

«Luu nə, kɨ viŋ kɨ fee vəŋ me. Kaꞌ fa kee dùꞌ taa shəŋ mfiŋsə, maa laa ŋkə ndɔ fuu ntee me. Kaꞌ fa kee ndènə maa vɨ ndɔ kɨɨ me.

Matiu 24:30

Shwenə Wuu yinsəŋ Nwi kɨ nii fùu taa yizɔ. Vɨɨ məshɨ mənshə fɨ taa mbi gwia, kɨ ye Wuu yinsəŋ Nwi ghɔ́, faŋ ŋwə bəŋ jwì fɨ fuu mbɔꞌ fɨ taa yizɔ, nə wutə nə feenə yaŋ.

Matiu 24:46

Mənɔŋ-bwaŋnə tɔ wuu faꞌ ŋgwə faŋ tɨɨ faꞌ wi kɨ jwi, ŋwə nə yɨ̀ nɨniŋ.

Matiu 25:21

Tɨɨ faꞌ wi gi laa, «A yɨ̀ jəə, a lùu wuu faꞌ jəə, baa lùu wuu yinsəŋ. A nə luu wuu yinsəŋ maa wee-fɨ-fa, mə taa kɔ vəyaŋ tɨ́ ghɔ. Gə nə, ŋìi taa shəŋ məŋaytə tɨɨ faꞌ wə.»

Matiu 25:23

Tɨɨ faꞌ wi gi tɨ́ ŋwə laa, «A yɨ̀ jəə, a lùu wuu faꞌ jəə, baa lùu wuu yinsəŋ. A nə luu wuu yinsəŋ maa wee-fɨ-fa, mə taa kɔ vətɔ vəyaŋ tɨ́ ghɔ. Gə nə, ŋìi taa shəŋ məŋaytə tɨɨ faꞌ wə.»

Lukas 6:37

«Kɨ viŋ gi nu bwə tɔ vɨɨ me, tɨ́ kaꞌ Nwi kee ndɔ kwaŋ viŋ taa nsɔꞌ me. Kɨ viŋ shia nsɔꞌ tɔ wə me, nɨniŋ laa Nwi kee ndɔ baa kɨ shia nsɔꞌ tɔ viŋ me. Viŋ bee kii ndenə vənu vəbwəvə və vɨɨ, tɨ́ kaꞌ Nwi ndɔ ndenə vənu vəbwəvə viŋ nɨzi.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 21:22

Yeso gi tɨ́ ŋwə laa, «Kɨ ghaŋ laa fwi nyaa bàw laa ŋwə ndɔ goꞌ mbi zìꞌ maa yighee njyə faŋ mə ndɔ baa bəŋ jwì, nsɔꞌ yə shɔ lùu laa kə? - Gə̀ fɨ maa ghɔ, beꞌsə mə.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 21:23

Nɨniŋ, yigi yimɔ́ꞌ saynə taa ŋwaa vɨɨ Yeso, laa wuu məzwetə nu Yeso ghɔ́ kee ndɔ ku me. Luu nə, Yeso nə kee gì laa ŋwə ndɔ kee ku me. Ŋwə nə gì laa, taa kɨ ghaŋ laa fwi yi bàw laa ŋwə goꞌ mbi zìꞌ maa yighee njyə faŋ yi ndɔ baa bə̀ŋ jwì mbi, nsɔꞌ Pita shɔ lùu laa kə?

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 5:44

Sii kaꞌ viŋ bìŋ nu Nwi kɨkə, faŋ viŋ kəə sheꞌ laa vaŋ-nshwi viŋ kɨ kɔ məbəŋsə tɨ́ viŋ. Viŋ kee kəə məbəŋsə fɨ ghɔ Nwi me, faŋ Nwi lùu shɔ sheꞌ ŋwə muꞌ. Lùu ŋiꞌ nu ŋkɨə faŋ kaꞌ viŋ kee bìŋ mə me.

Roma 14:4

A sii lùu ndə, tɨ́ kaꞌ a kɨ sɔꞌ wuu faꞌ wə dɨday? Luu sheꞌ tɨɨ faꞌ wi faŋ kaꞌ ŋwə gì laa ŋwə faꞌ jəə, tɨꞌnə me bwə. Luu nə, mə kɨɨ laa nu ki taa kuꞌnə, ŋwə kee gù me, buꞌ laa tɨta wi kìi wutə maa məbɨŋsə ŋwə.

Roma 2:1

Aŋ ghɔ, wə mənsaw, a sii taa fi tɔ kə kɨkə, faŋ a kàw maa məsɔꞌ nsɔꞌsə tɔ vɨɨ nə? A kɔꞌ kɨɨ laa a sɔꞌ nsɔꞌ wə, baa yɨ̀ sheꞌ vənu mbɨə faŋ wə ghɔ́ yɨ̀, buu a bɨ̀sə tɔ kə nɨzi.

Roma 2:16

Nu kɔ́ ndɔ fuu ntee maa shi ŋkɨə faŋ Nwi ndɔ shoꞌtə vənu və vɨɨ faŋ vəŋ nə ndɨə. Mfɨꞌ yi ndɔ luu ntɔŋ yijəə Nwi buꞌ Yeso Kristo, faŋ mə fɨꞌtə tɨ́ vɨɨ nə.

Roma 2:29

Wuu Jus yinsəŋ lùu wə faŋ fwi yi ley, sheꞌ yaa vɨ sɨ̀ɨtə ŋwə fɨ maa fwi yi, faŋ lùu nu faꞌ Zwitə Nwi. Ŋiꞌ wuu Jus kee lùu nu faŋ vɨ ye nə yisɨ maa mbasə ŋwaa wi me, luu nə, lùu nu fwi yi. Kəŋ wə ghɔ́ fi bəŋsə wi fɨ ghɔ Nwi, kee fi fɨ ghɔ vɨɨ me.

Roma 2:7

Ŋwə ndɔ kɔ məbwey vəlwaŋ tɨ́ vɨɨ mbɨə faŋ vəŋ twèꞌ maa məyɨ nu jəə, tə̀ sɨ maa nu ŋkɨə faŋ ŋkə kee ndɔ mè me, baa kəə jɨɨ laa vəŋ baw mètə, tɨ́ kaꞌ Nwi bəŋsə vəŋ.

1 Kɔrintian 1:7

Nɨniŋ, viŋ kee bəə tuu nu fɨ maa vənu vənshə faŋ Zwitə Ley Nwi yaa kɨ kɔ tɨ́ vɨɨ nə me. Viŋ baa luu kɨꞌ Tɨta ŋwaa-nsiŋ Yeso Kristo faŋ ŋwə ndɔ baa fuu, də̀ ŋwaa wi tɨ́ nsiŋ nə.

1 Kɔrintian 11:16

Wə lùu shɔ faŋ ŋwə kee bìŋ vənu və̀ me, bàw ŋwə kɨɨ laa, nshinə yia nə nshinə vɨɨ Nwi fɨ vəshəŋ vəshəŋ lùu laa wəzwi kɨ shitə tɔ ki.

1 Kɔrintian 11:26

Yighee tɨ̀ me yighee faŋ viŋ zɨ bee kɔ́, baa nu məluꞌ mbɔ́, buu viŋ fɨꞌtə tɨ́ vɨɨ laa tɨta Yeso nə kù tɔ nsiŋ. Viŋ yɨ nɨniŋ, kɔ̀ tɨ́ yighee njyə faŋ tɨta Yeso ndɔ bəŋ jwi.

1 Kɔrintian 15:23

Vənu vənshə kɨ gay maa yighee yi. Nə bɨ fɔŋ ywèy Kristo fɨ shɨ yiku. Ndɔ lùu maa yighee njyə faŋ ŋwə ndɔ baa bəŋ jwì shɨ nsi, vɨɨ vi vənshə ndɔ ywey nɨzi, bèꞌsə ŋwə.

1 Kɔrintian 3:13

Shi mɔ́ꞌ vɨ ndɔ ye faꞌ wə tɨ̀ me wə ntee, laa ŋwə lùu kɨkə. Ndɔ lùu maa shi kɔ́, Nwi ndɔ ndi luu wisə maa məmɔŋ vəfaꞌ və vɨɨ shɔ, tɨ́ kaꞌ wə yè faꞌ ghɔ́ ley ley, faŋ wə tɨ̀ me wə fàꞌ nə, laa ŋwə lùu jəə mu, mu ŋwə kee lùu jəə me.

1 Kɔrintian 3:14

Kɨ luu ŋii njyə faŋ wə nə fìanə fuu shɨ ŋii kɔ́ nə, weꞌ fuu shɨ ŋii kɔ́, tɨ́ kaꞌ wi kee bɨsə nyə me, wə ghɔ́ faŋ ŋwə fìanə ŋii yɔ́ nə, taa kii vəkeynə vi.

1 Kɔrintian 3:8

Wə ntɨə faŋ ŋwə bɨbia, nə wə ntɨə faŋ ŋwə tutə muu shɔ nə, luu sheꞌ nɨndɨŋ. Wə kee shɔ̀ɔ liŋ wi me. Nwi taa kɔ vəkeynə tɨ́ wə tɨ̀ me wə faŋ wə ghɔ́ nə faꞌ nə.

2 Kɔrintian 10:18

Wə kee kuꞌnə, buꞌ laa suŋtə nshɨ-tɔ wi suŋtə ŋwaa wi me. Wə yaa kɨ kuꞌnə sheꞌ faŋ sùŋ Mɔꞌmbi sùŋtə ŋwə.

2 Kɔrintian 10:9

Mə kee kəə ŋkə fuu laa mə kəə fesə viŋ nə vəŋwaꞌlə vaŋ me,

2 Kɔrintian 4:2

Yia kee toꞌ nə mənay faŋ lùu nu tɔ dɨɨ me, tɨꞌnə me bweꞌsə vɨɨ me, tɨꞌnə me wasə nu Nwi me. Yia fɨꞌtə luu nu yinsəŋ Nwi ntee, tɨ́ kaꞌ ŋkə kɨ jia fwisə vɨɨ vənshə, vɨɨ vənshə biŋ yia vɨsɨ Nwi.

2 Kɔrintian 5:10

Viŋ kɔꞌ kɨɨ laa nsiŋ vənshə ndɔ koꞌ fuu vəŋkaw və nsɔꞌ və Kristo, tɨ́ kaꞌ wə nə wə fì fɨ ghɔ ŋwə maa nu ŋkɨə faŋ ŋwə nə yɨ̀sə shɨ nsi nyə̀, faŋ ŋkə nə luu kəjəə, tɨꞌnə me kəbwə.

1 Tesalonika 5:2

Nshɨ-tɔ wiŋ kɔꞌ kɨɨ ŋkee jəə laa, shi məjwi tɨta Kristo ndɔ luu yaa ndɔꞌ, faŋ ŋwə yaa kɨ jwi nɨntəŋ vətuꞌ, faŋ wə kee yikɨɨ me.

Hibru 4:13

Fa kee lùu shɔ taa ŋwaa vətɔ faŋ Nwi nə bɔ̀ŋ, faŋ kaꞌ Nwi kee ye me. Vənu vənshə faŋ wə yɨsə, lùu ntee yikəꞌ Nwi, Nwi ye. Nsiŋ ndɔ tɨŋnə vɨsɨ ŋwə shi mɔ́ꞌ, fì tɔ kaŋ-nsiŋ buꞌ vənu vənshə faŋ nsiŋ nə yɨsə nə.

Jeyms 4:11

Vaŋ-nshwi vaŋ, kɨ viŋ baa kɨ gisə vənu vəbwəvə tɔ yiŋwaa yiŋ me. Wə kɨ luu gi nu bwə tɔ weenshu wi, yighee mɔ́ꞌ kɨ kəə shia nsɔꞌ tɔ ŋwə, buu ŋkə lùu laa, ŋwə gisə bwə kɔ̀ŋ ntɨsə Nwi, ndi nshɨ-tɔ wi yaa wuu məshia nsɔꞌ kɔ̀ŋ ntɨsə Nwi. Wə kɨ luu ndì ŋwaa wi laa yi lùu wuu məshia nsɔꞌ kɔ̀ŋ ntɨsə Nwi, buu ŋwə kee baa lùu wə faŋ ŋwə nùŋsə ntɨsə sɔ́ me.

Jeyms 5:7

Vaŋ-nshwi vaŋ, viŋ jia fwi siŋ, kɔ̀ tɨ́ shi ŋkɨə faŋ tɨta Yeso ndɔ bəŋ jwi. Bàw viŋ zwetə nu fɨ ghɔ vɨɨ məndɨɨ. Viŋ ye faŋ vəŋ yaa kɨ ndɨɨ taa biisə, jia fwisə vəŋ, kɨꞌ vətɔ vəjəəvə fɨ fuŋ, shù fɨ nshəŋ yighuu faŋ vɨ sɔ̀ vətɔ, gə kɔ tɨ́ yighee məshwi say.

Jeyms 5:9

Vaŋ-nshwi vaŋ, kɨ viŋ baa kɨ lulə viŋ viŋ fɨ yiba me, laa kɨ viŋ ndɔ kee gu nsɔꞌ Nwi me, fɔnə wuu məshia nsɔꞌ lùu shuufɔ.

1 Pita 1:7

Ŋiꞌ nu ŋkɨə faŋ ŋkə yɨsə laa viŋ kɨ ye ŋɨꞌ nə məmɔŋ lùu laa, vɨ yè məbiŋ wiŋ laa viŋ kà fwi, bìŋ Nwi yinsəŋ. Ŋkə luu sheꞌ yaa nu bwey bay faŋ vɨ tii nə goolə, faŋ vɨ yaa kɨ mɔŋ ŋkə nə wisə maa məye laa ŋkə yibaw mu. Məbiŋ wiŋ shɔ̀ɔ bwey bay kɔ́ faŋ ŋkə kee ndɔ goꞌsə me. Viŋ kìi məmɔŋ ndwə, tɨ́ kaꞌ vɨ kɨ bəŋsə Nwi dɨdɨꞌ buꞌ məbiŋ wiŋ yighee njyə faŋ Yeso Kristo ndɔ jwi fuu ntee.

1 Pita 5:4

Nɨniŋ laa Yeso, tɨɨ nshiisə bisə sɔ́, ndɔ kɔ viŋ nə vəkeynə faŋ mbə gòꞌsə yighee muꞌ, maa yighee njyə faŋ ŋwə ndɔ fuu ntee sɨ vɨɨ.

2 Pita 3:12

Viŋ tə sɨ ghiŋ maa shi ŋkɨə faŋ Nwi ndɔ jwi sɔꞌ mbi, kɨ yɨ laa kaꞌ shi kɔ́ yasə jwì. Lùu shi ŋkɨə faŋ yizɔ ndɔ kɨɨ shɔ ndì. Vətɔ vənshə fɨ yizɔ nə fɨ nsi ndɔ yey taa wi. Tuu kee fa kee ndɔ goꞌ me.

2 Pita 3:4

gì laa, «Yeso Kristo nə bee kɔ̀ꞌnə laa yi ndɔ baa bəŋ jwì lee? Ŋwə sii bə?» baa nə laa, «Vənu vənshə luu sheꞌ faŋ mbə nə dùꞌ shù fɨ faŋ mbi nə tèy, shù fɨ faŋ vətɨɨ vaŋ-nsiŋ yaa kùkə nə. Tuu nu kee yikwiinə me.»

Ŋwaꞌlə Jud 1:14

Ŋkee fɨshi, Enok, faŋ lùu vəshiŋ və vɨɨ lwesə kwatia fɨ ghɔ Adam, nə gì nu ŋkɨə faŋ Nwi nə kwàŋ taa fwi ŋwə kɔ̀ŋ vɨɨ vì. Ŋwə nə gì laa, «Viŋ zɔ! Tɨta Nwi ndɔ jwi nə vɨɨ ley vi, vəmalia vəmalia,

Reveleyshən 1:7

Viŋ zɔ! Kristo ndɔ bəŋ jwi fɨ taa mbɔꞌ, vɨɨ vənshə ye ŋwə nə sɨ vəŋ. Ŋkee vɨɨ mbɨə faŋ vəŋ nə zwì ŋwə nə, ndɔ ye ŋwə nɨzi. Ŋiꞌ ŋii tɨ̀ me ŋiꞌ ŋii fɨ taa mbi ndɔ gwia buꞌ ŋwə. Ɔŋ, lùu faŋ ŋkə ndɔ luu. Ŋkə gòꞌsə nee.

Reveleyshən 20:12

Mə kɨ nii yè vəŋku vənsisə vəkwalə nə vətiitə, vəŋ tɨŋ vɨsɨ kenə kɔ́. Vɨ ŋaꞌsə vəŋwaꞌlə, baa ŋaꞌsə ŋwaꞌlə mɔ́ꞌ faŋ lùu ŋwaꞌlə məbwey vəlwaŋ. Vɨ sɔꞌ vəŋku vənsisə maa nu ŋkɨə faŋ vəŋ nə yɨ̀sə, faŋ vɨ nə nyɔ̀ꞌ taa vəŋwaꞌlə vɔ́.