1 Kɔrintian 4:17 - Vengo (Babungo)

¹⁷ Lùu ŋiꞌ nu ŋkɨə faŋ mə tɔ̀ŋ Timoti yɨ viŋ, ŋwə taa baa lumə tɨ́ viŋ, faŋ nshinə nyaa dùꞌ taa jɨɨ Yeso Kristo, nə vənu mbɨə faŋ mə deesə tɨ́ vɨɨ Nwi maa vəshəŋ vənshə. Timoti lùu ŋwiŋ ŋwaa taa nu Nwi, faŋ mə kàw ŋwə. Yia ŋwə lùu fa kəmuꞌ yia vɨ Yeso Kristo. Ŋwə faꞌ faꞌ Yeso Kristo nə fwi yimuꞌ.

1 Kɔrintian 4:17 ပူးပေါင်းရင်းမြစ်များ

Matiu 24:45

Yeso baa kɨ tii yigisə tii yimɔ́ꞌ tɨ́ vəŋ, gì laa lee, «Bàw viŋ lùu yaa wuu faꞌ yinsəŋ, baa lùu yaa wuu yitɔfə, faŋ tɨɨ faꞌ wi nùŋsə ŋwə tɔ vɨɨ faꞌ vi, laa ŋwə kɨ kɔ fazɨ tɨ́ vəŋ maa yighee yijəənə.

Matiu 25:21

Tɨɨ faꞌ wi gi laa, «A yɨ̀ jəə, a lùu wuu faꞌ jəə, baa lùu wuu yinsəŋ. A nə luu wuu yinsəŋ maa wee-fɨ-fa, mə taa kɔ vəyaŋ tɨ́ ghɔ. Gə nə, ŋìi taa shəŋ məŋaytə tɨɨ faꞌ wə.»

Matiu 25:23

Tɨɨ faꞌ wi gi tɨ́ ŋwə laa, «A yɨ̀ jəə, a lùu wuu faꞌ jəə, baa lùu wuu yinsəŋ. A nə luu wuu yinsəŋ maa wee-fɨ-fa, mə taa kɔ vətɔ vəyaŋ tɨ́ ghɔ. Gə nə, ŋìi taa shəŋ məŋaytə tɨɨ faꞌ wə.»

Akts 16:1

Nɨniŋ, Pɔɔl ghɔ Silas gə ziꞌ Derbi nə Listra. Wuu məzwetə nu Kristo mɔ́ꞌ nə luu shɔ, yizii yi lùu Timoti. Nshu wi nə luu wuu Jus faŋ ŋwə nə nùŋ fwi yi maa Yeso. Tii wi nə luu wuu Griik.

1 Kɔrintian 11:16

Wə lùu shɔ faŋ ŋwə kee bìŋ vənu və̀ me, bàw ŋwə kɨɨ laa, nshinə yia nə nshinə vɨɨ Nwi fɨ vəshəŋ vəshəŋ lùu laa wəzwi kɨ shitə tɔ ki.

1 Kɔrintian 11:2

Mə bəŋsə viŋ dɨdɨꞌ, buꞌ laa viŋ lumə yigisə nyaa yinshə, baa bèꞌsə vənu mbɨə faŋ mə nə dèesə viŋ shɔ nə.

1 Kɔrintian 11:34

Jɨŋ kɨ luu kɨ zasə wə mɔ́ꞌ, bàw ŋwə bɨ zɨ̀ fazɨ taa ŋii ŋwə ŋkəə, buu jwì, tɨ́ kaꞌ məshəŋtə wiŋ kee lùu maa jɨɨ njyə faŋ kaꞌ Nwi kwàŋ viŋ taa nsɔꞌ me. Gə fɨ maa vənu vəmɔ́ꞌ, mə taa tɨ viŋ shɔ faŋ mə taa jwi yɨ viŋ.

1 Kɔrintian 14:33

Lùu nɨniŋ buꞌ laa nu məbuulə vənu kee bàw tɨ́ Nwi me. Ŋkə bàw tɨ́ Nwi faŋ nsiŋ toꞌ nə məduꞌ-nyɔŋ fɨ taa nshəŋtə vɨɨ Nwi yinshə.

1 Kɔrintian 16:1

Gə fɨ maa ka ŋgwə faŋ vɨ baytə maa məgaŋtə vɨɨ Nwi shɔ fɨ shɨ Jerusalem, bàw viŋ kɨ yɨ sheꞌ maa jɨɨ njyə faŋ mə nə tɨ̀ vəməshəŋtə və vɨɨ Nwi fɨ shɨ Galatia shɔ nə.

1 Kɔrintian 16:10

Timoti taa kɨ jwi yɨ viŋ, kɨ viŋ shiasə ŋwə me. Viŋ jia ŋwə jəə, tɨ́ kaꞌ fwi yi bàw, ŋwə kee fee maa məfaꞌ faꞌ Nwi me, buꞌ laa ŋwə nɨzi faꞌ tɨ́ tɨta Yeso Kristo sheꞌ faŋ mə faꞌ nə.

1 Kɔrintian 4:14

Mə kee nyɔ̀ꞌ vənu və̀ tɨ́ viŋ laa tɔ kiŋ dɨɨ me. Mə kəə tɨ viŋ, buꞌ laa viŋ lùu vaŋ vaŋ faŋ mə kàw.

1 Kɔrintian 4:15

Vɨɨ kɔlə luu ŋkee vəyaŋ faŋ vəŋ shiinə viŋ kɔ̀ŋ nu Kristo, vətɨɨ viŋ kee lùu vəyaŋ me. Wə lùu shɔ sheꞌ muꞌ faŋ ŋwə nə bì viŋ, viŋ gu vɨɨ Kristo nə. Lùu mə faŋ mə nə fɔŋ jwì nàysə nu Yeso Kristo tɨ́ viŋ, tɨ́ kaꞌ viŋ vɨ Yeso Kristo fàynə gù fa kəmuꞌ nə.

1 Kɔrintian 4:2

Nɨniŋ, nu ŋkɨə faŋ Nwi kəə laa vɨɨ məndeynə vətɔ vi kɨ yɨsə, lùu laa vəŋ kɨ yɨsə nə fwi yijəə.

1 Kɔrintian 7:17

Nu mɔ́ꞌ lùu laa, bàw wə tɨ̀ me wə toꞌ sheꞌ maa jɨɨ njyə faŋ Nwi kɔ̀ tɨ́ ŋwə laa ŋwə toꞌ fuŋ nə. Bàw ŋwə goꞌsə maa məduꞌ ŋgwə faŋ ŋwə nə luu shɔ maa yighee njyə faŋ Nwi nə tìi ŋwə laa ŋwə jwi lùu wuu wi nə. Lùu nu ŋkɨə faŋ mə deesə vɨɨ Nwi maa vəshəŋ vənshə.

1 Kɔrintian 7:25

Gə fɨ maa nu vɨɨ mbɨə faŋ vəŋ kee ta yindaa me, Nwi kee ta kɔ̀ yigi shee kɔ̀ŋ nu kɔ́ me. Luu nə, mə kəə naysə mbɨꞌtə nyaa tɨ́ viŋ. Bàw viŋ zɔ yigisə nyaa, buꞌ laa tɨta Yeso Kristo nə kèe gəŋ saŋ tɨ́ kaꞌ mə lùu wuu yinsəŋ.

2 Kɔrintian 8:18

Yia tɔ̀ŋ Titɔs, baa kɨ tɔŋ weenshu ŋwaa-nsiŋ mɔ́ꞌ ghɔ ŋwə, faŋ yizii yi gə dɨdɨꞌ taa ndɔꞌ Nwi maa məfɨꞌtə ntɔŋ yijəə Nwi.

Efesɔs 6:21

Mə kəə laa viŋ kɨɨ nə nu kaŋ faŋ mə lùu nə, nə ŋkɨə faŋ mə yɨsə. Nɨniŋ, mə tɔ̀ŋ Tikikɔs, weenshu ŋwaa-nsiŋ faŋ mə kàw ŋwə nə, tɨ́ viŋ. Ŋwə lùu wuu faꞌ Nwi bi. Ŋwə ndɔ jwi yɨ viŋ, yɨsə viŋ kɨɨ nə vənu vɔ́ vənshə.

Filipi 2:19

Tɨta Yeso taa biŋ, buu fɨkɨꞌ nee, mə tɔŋ Timoti, ŋwə jwi yɨ viŋ, baa bə̀ŋ jwì nàysə faŋ viŋ dùꞌ tɨ́ mə, tɨ́ kaꞌ fwi nyaa zutə.

Filipi 2:22

Gə fɨ maa Timoti, viŋ kɔꞌ kɨɨ nə nshinə yi, laa nyə lùu yijəə, baa nə laa ŋwə nəə beꞌsə mə maa faꞌ Nwi, sheꞌ faŋ wee yaa kɨ bèꞌsə tii wi. Yia ŋwə fàꞌ faꞌ Nwi mɔ́ꞌ, fɨꞌtə ntɔŋ yijəə Nwi tɨ́ vɨɨ.

Kɔlɔsii 1:7

Viŋ nə zwètə nu Nwi fɨ ghɔ Epafras. Ŋwə lùu wuu faꞌ Kristo sheꞌ yaa yia, yia kàw ŋwə dɨdɨꞌ. Ŋwə tɨŋ tɔ yia taa ŋwaa viŋ, faꞌ faꞌ Kristo sheꞌ jəə jəə.

Kɔlɔsii 4:9

Ŋwə jwi ghɔ Onesimɔs mɔ́ꞌ, faŋ lùu wuu wiŋ nə. Ŋwə baa lùu weenshu ŋwaa-nsiŋ faŋ mə kàw ŋwə. Ŋwə beꞌsə Kristo nə fwi yimuꞌ. Vɨɨ və̀ vəbɔɔ taa naysə vənu vənshə tɨ́ viŋ, faŋ mbə gay feenə maa yia.

1 Timoti 1:18

Ŋwiŋ ŋwaa Timoti, mə kɔ ntɨ tɨ́ ghɔ ndwə laa a kuꞌsə maa vənu mbɨə faŋ nshiisə-ŋii sɔghɔ nə gì tɨ́ ghɔ maa yighee vɨsɨ, laa a tùŋ yighaw yijəənə buꞌ vənu vɔ́ faŋ vɨ nə gì nə.

1 Timoti 1:2

Mə tɔ̀ŋ ŋwaꞌlə ŋwə̀ tɨ́ ghɔ, Timoti, faŋ a luu ŋkee ŋwiŋ ŋwaa yinsəŋ fɨ yiba jɨŋ Kristo, buꞌ faŋ nsoo nùŋ fwi maa ŋwə nə. Tɨta Nwi ghɔ tɨta ŋwaa-nsiŋ Yeso Kristo tu mənɔŋ-bwaŋnə tɔ ghɔ, kèe gəŋ sə, kɔ̀ ghɔ nə məduꞌ-nyɔŋ!

2 Timoti 1:2

Mə tɔŋ ŋwaꞌlə ŋwə̀ tɨ́ ghɔ, ŋwiŋ ŋwaa Timoti, faŋ mə kàw ghɔ. Tɨta Nwi ghɔ tii ŋwaa-nsiŋ Yeso Kristo tu mənɔŋ-bwaŋnə tɔ ghɔ, kèe gəŋ sə, kɔ̀ məduꞌ-nyɔŋ tɨ́ ghɔ!

2 Timoti 2:2

Fi yigi njyə faŋ a nə zɔ̀ fɨ ghɔ mə, faŋ mə nəə fɨꞌtə nu Kristo vɨsɨ vɨɨ vəyaŋ nə, ndì nùŋsə tɨ́ vɨɨ yinsəŋ, faŋ vəŋ kùꞌnə tɨ́ kaꞌ vəŋ ndɔ baa kɨ deesə tɨ́ vɨɨ mɔ́ꞌ.

2 Timoti 3:10

Gə fɨ maa ghɔ, a nə ndì ghuu yitoꞌ kaŋ maa nu ŋkɨə faŋ mə nə dèesə nə, baa luu bèꞌsə mə fɨ maa nshinə nyaa, baa nə faŋ mə kəə jɨɨsə maa məgə vɨsɨ vɨsɨ, nùŋ fwi nyaa maa Kristo, jìa fwi, dùꞌ bwaŋnə, kàw vɨɨ, jia fwi nyaa faŋ vɨ kɔ ŋɨꞌ tɨ́ mə.

Taytəs 1:5

Ŋiꞌ nu ŋkɨə faŋ mə nə mèꞌtə ghɔ shɨ Kriit, lùu laa a bɔŋsə vənu mbɨə faŋ mbə nə gòꞌ nə, nùŋsə vɨɨ taa taa nshəŋtə vɨɨ Nwi ntɨꞌsə ntɨꞌsə, faŋ mə nə gì tɨ́ ghɔ nə.

Reveleyshən 2:10

Kɨ fee ŋɨꞌ njyə faŋ a taa ye nə me. Tɨɨ vəzwitə vəbwəvə Satan taa kwaŋ fɨ maa viŋ taa ŋii mfiŋ, laa vɨ mɔŋ viŋ. Viŋ taa kɨ ye ŋɨꞌ maa vəshi yighuŋ. Viŋ kii fwi yiweꞌ, twèꞌ maa nu Kristo, zìꞌ tɨ́ yiku, buu ŋwə ndɔ key viŋ nə məbwey vəlwaŋ.»

Reveleyshən 2:13

«Mə kɔꞌ kɨɨ nə shəŋ ŋkɨə faŋ a shi shɔ nə. Lùu shəŋ ŋkɨə faŋ ŋkaw Satan, tɨɨ vəzwitə vəbwəvə, lùu shɔ. Luu nə, a kee bìŋ ŋwə me; a jìa luu yizii nyaa. A nə kee ta twey maa məbiŋ nu kaŋ me. A nə jìa nu kaŋ ŋkee maa yighee njyə faŋ vɨ nə zwi Antipas, faŋ ŋwə nə bìŋ nu kaŋ ntee nə fwi yijəə nə, shɨ viŋ, faŋ Satan shi shɔ nə.