1 Kɔrintian 4:15 - Vengo (Babungo)

¹⁵ Vɨɨ kɔlə luu ŋkee vəyaŋ faŋ vəŋ shiinə viŋ kɔ̀ŋ nu Kristo, vətɨɨ viŋ kee lùu vəyaŋ me. Wə lùu shɔ sheꞌ muꞌ faŋ ŋwə nə bì viŋ, viŋ gu vɨɨ Kristo nə. Lùu mə faŋ mə nə fɔŋ jwì nàysə nu Yeso Kristo tɨ́ viŋ, tɨ́ kaꞌ viŋ vɨ Yeso Kristo fàynə gù fa kəmuꞌ nə.

1 Kɔrintian 4:15 ပူးပေါင်းရင်းမြစ်များ

Roma 15:20

toꞌ nɨniŋ, kəə ŋkaŋ laa kɨ mə fɨꞌtə ntɔŋ yijəə yɔ́ maa shəŋ faŋ vɨ duꞌtə vɨ kɨɨ nə yizii Kristo yifi me. Nɨniŋ laa kɨ mə fianə ŋii nyaa fuu shɨŋii wə dɨday me.

1 Kɔrintian 1:30

Luu buꞌ Nwi, faŋ viŋ gù fa kəmuꞌ viŋ vɨ Yeso Kristo. Nə yɨsə Nwi laa nu Kristo gu nu tɔ-ley tɨ́ nsiŋ. Luu sheꞌ buꞌ Yeso faŋ Nwi ndɨ̀ nsiŋ yaa vɨɨ faŋ vənu vəvəŋ lùu vəloomə. Yɨsə ŋwə buu nsiŋ lùu vɨɨ ley Nwi. Ŋwə bweysə nsiŋ fɨ ghɔ vənu vəbwəvə.

1 Kɔrintian 15:1

Vaŋ-nshwi vaŋ, bàw mə baa lùmə ŋiꞌ nu Kristo tɨ́ viŋ, faŋ mə nə fɔŋ fɨ̀ꞌtə tɨ́ viŋ. Viŋ nə bìŋ yigisə Nwi yɔ́, wèꞌ shɔ.

1 Kɔrintian 3:10

Yighee vɨsɨ, faŋ mə nə fɔŋ jwì yɨ viŋ nə, Nwi nə kɔ̀ tɔ ley shee, tɨ́ kaꞌ mə bɔ̀ŋ shɨ ŋii Nwi kɔ́ yaa wuu məfianə ndɔꞌ jəə. Wə dɨday kɨ nii tey kɨ bɔŋ vəlɨtə və ŋii vɔ́. Bàw wə tɨ̀ me wə faŋ ŋwə bɔ̀ŋ ŋii yɔ́, ndɨ yighee, kɨ bɔŋ maa jɨɨ yijəə.

1 Kɔrintian 3:6

Yia lùu yaa vɨɨ faꞌ taa biisə. Mə bia vətɔ, Apɔlɔs tutə muu shɔ. Luu nə, luu sheꞌ Nwi faŋ ŋwə yɨsə laa vətɔ vɔ́ fuu kɨ ta.

1 Kɔrintian 3:8

Wə ntɨə faŋ ŋwə bɨbia, nə wə ntɨə faŋ ŋwə tutə muu shɔ nə, luu sheꞌ nɨndɨŋ. Wə kee shɔ̀ɔ liŋ wi me. Nwi taa kɔ vəkeynə tɨ́ wə tɨ̀ me wə faŋ wə ghɔ́ nə faꞌ nə.

1 Kɔrintian 9:12

Viŋ biŋ laa vɨɨ mɔ́ꞌ faŋ vəŋ deesə nu Nwi tɨ́ viŋ, fi vətɔ fɨ ghɔ viŋ. Faŋ ŋkə lùu nɨniŋ nə, buu yia luu ŋkee vɨɨ mbɨə faŋ kaꞌ viŋ kɔ̀ vətɔ vɔ́ nə. Luu nə, faŋ ŋkə kɔlə lùu nɨniŋ, yia kee ndwàŋ viŋ laa viŋ gaŋtə yia me. Yia duꞌtə yia biŋ ŋɨꞌ tɨ̀ me ŋɨꞌ, laa kɨ yia fəŋ jɨɨ fɨ ghɔ ntɔŋ yijəə Nwi kɔ̀ŋ Yeso Kristo me.

1 Kɔrintian 9:14

Ŋkə luu sheꞌ nɨndɨŋ nə vɨɨ mbɨə faŋ vəŋ fɨꞌtə nu Nwi. Tɨta Yeso nə shìa laa vɨ kɨ kɔ vətɔ mbɨə faŋ mbə kùꞌnə tɨ́ vəŋ, tɨ́ kaꞌ vəŋ kɨ zɨ, kii məbwey buꞌ faꞌ vəŋ.

1 Kɔrintian 9:16

Faŋ mə kɔlə fɨꞌtə yigisə Nwi tɨ́ vɨɨ nə, mə kee kìi nu tɨ́ kaꞌ mə kɨ buꞌ dɨŋ ŋwaa shɔ me. Nə kɔ Nwi kɔ̀ faꞌ ghɔ́ shee. Kaꞌ mə kee mèꞌtə me. Kɨ luu laa mə nə kee fɨꞌtə nu Nwi tɨ́ vɨɨ me, buu ŋkə taa luu ŋkee kəbwə shee.

1 Kɔrintian 9:18

Mə sii yè sey fə ndwə? Sey ŋwaa lùu laa mə kɨ fɨꞌtə nu Nwi tɨ́ vɨɨ dayday, laa mə kee kɨ bitə fa ŋkɨə faŋ ŋkə kùꞌnə shee fɨ ghɔ vɨɨ me.

1 Kɔrintian 9:23

Mə yɨsə vənu vənshə buꞌ nu Nwi, tɨ́ kaꞌ mə ndɔ kii fɨ maa jəə ŋgwə faŋ ŋwə jwi fiiba nu Nwi.

2 Kɔrintian 4:5

Nu ŋkɨə faŋ yia fɨꞌtə, kee bee lùu nu kia me, lùu ŋkə tɨta Yeso Kristo. Yia lùu vɨɨ faꞌ viŋ buꞌ Yeso.

Galatia 3:24

Ntɨsə sɔ́ nə luu yaa ndi ŋwaa-nsiŋ, faŋ ŋwə dəsə jɨɨ yineꞌtə tɨ́ nsiŋ, ziꞌ maa yighee njyə faŋ Yeso Kristo jwi. Nɨniŋ, kaꞌ nsiŋ gù vɨɨ ley vɨsɨ Nwi, buꞌ faŋ nsiŋ nùŋ fwi saŋ-nsiŋ maa ŋwə.

Galatia 3:25

Ndwə, faŋ jɨɨ lùu yiŋaꞌsə maa məbiŋ Kristo, ndəwee kee baa kìi nu maa nsiŋ me.

Galatia 4:19

Vaŋ vaŋ faŋ mə kàw, mə lùu yaa wəzwi faŋ ŋwə kɨ bii bi, mə baa ye ŋɨꞌ buꞌ viŋ, gə ziꞌ tɨ́ yighee njyə faŋ nshinə Kristo ndɔ ŋii taa ŋwaa viŋ.

2 Timoti 4:3

A kɔꞌ kɨɨ laa yighee ndɔ kɨ jwi, faŋ nu yinsəŋ Nwi ndɔ bɨ tɨ́ vɨɨ, vəŋ twey maa məzɔ, gə̀ kɨ kəə vɨɨ mədeesə vəŋ, faŋ vəŋ gisə sheꞌ vənu faŋ mbə sɨꞌsə tɨ́ vəŋ.

Taytəs 1:4

Mə tɔ̀ŋ ŋwaꞌlə ŋwə̀ tɨ́ ghɔ, Taytəs, faŋ a luu ŋkee ŋwiŋ ŋwaa maa yizii Kristo faŋ nsiŋ nùŋ fwi saŋ-nsiŋ maa ŋwə nə. Tɨta Nwi ghɔ Yeso Kristo, wuu məbweysə ŋwaa-nsiŋ, tu mənɔŋ-bwaŋnə tɔ ghɔ, nə məduꞌ-nyɔŋ.

Filemon 1:19

Mə Pɔɔl nyɔ̀ꞌ ŋkee nə ghɔ kaŋ, laa mə taa ndɔꞌ. Mə gì nɨniŋ faŋ nshɨ-tɔ wə kɔlə kɔꞌ kɨɨ laa kaꞌ mə gì laa yikɔɔ nyaa lùu ghɔ ghɔ maa kəŋ jɨɨ yimɔ́ꞌ nɨzi. Maa kaꞌ mə gì laa a kɔ ŋkee ŋwaa wə shee.

Jeyms 1:18

Nwi nə kàw maa məkɔ məbwey vəlwaŋ tɨ́ nsiŋ fɨ taa yigisə Nwi yinsəŋ. Nɨniŋ laa nsiŋ lùu mfɔŋsə vətɔ vi faŋ ŋwə naysə fi.

1 Pita 1:23

Nɨniŋ, viŋ kii ŋkawnə nyə̀ ndwə, buꞌ laa Nwi yɨ̀sə laa viŋ kii nshinə yifi. Nwi nə kɔ̀ nshinə yifi yɔ́ tɨ́ viŋ taa yigisə yi, faŋ nyə kìi məbwey vəlwaŋ. Yigi yi yɔ́ kee kìi vəndwə me. Nɨniŋ, viŋ lùu vaŋ tɨta Nwi, faŋ ŋwə kee ndɔ ku me. Viŋ kee baa lùu vaŋ vɨɨ me.