1 Kɔrintian 4:12 - Vengo (Babungo)

¹² Yia faꞌ ŋkee nəŋay nə ghɔ ghia, tɨ́ kaꞌ yia kìi fa maa məzɨ. Vɨɨ ndasə yia. Luu nə, yia kɨ tu mənɔŋ-bwaŋnə tɔ vəŋ. Vɨɨ kɔ ŋɨꞌ tɨ́ yia, yia jia fwi sia.

1 Kɔrintian 4:12 ပူးပေါင်းရင်းမြစ်များ

Matiu 5:11

Mənɔŋ-bwaŋnə lùu tɨ́ viŋ, faŋ vɨɨ ndasə viŋ, shoꞌ ghuu ghiŋ, gisə vənu vəbwəvə tɔ viŋ, sɨɨ təba shɔ buꞌ mə.

Matiu 5:44

Luu nə, mə gì ŋkaŋ tɨ́ viŋ laa, «Viŋ kɨ kaw vɨɨ mbeenə viŋ, buꞌ ghɔ tɨ́ Nwi tɔ vɨɨ faŋ vəŋ shoꞌ ghuu ghiŋ.

Lukas 23:34

Yeso gi laa, «Tɨta Nwi, ndenə nu bwə vəŋ, buꞌ laa vəŋ kee kɨ̀ɨ nə nu ŋkɨə faŋ vəŋ yɨsə me.» Vəŋ kɨ nii ndi njwisə Yeso, tùŋ beꞌ shɔ, gàatə.

Lukas 6:28

Viŋ kɨ tu mənɔŋ-bwaŋnə tɔ vɨɨ mbɨə faŋ vəŋ kwaŋ ndwaŋ tɔ viŋ, shɔꞌtə Nwi tɔ vɨɨ mbɨə faŋ vəŋ ndasə viŋ.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 15:20

Viŋ lumə nu ŋkɨə faŋ mə nii gì tɨ́ viŋ laa, wuu faꞌ kee shɔ̀ɔ tii wi me. Vɨ nə shòꞌ ghuu ŋaa, vɨ taa kɨ shoꞌ ghuu ghiŋ nɨzi. Faŋ vɨ nə jìa nu kaŋ, buu vɨ taa jia nu kiŋ nɨzi.

Akts 18:3

kɨ nii gòꞌ ghɔ vɨ vəŋ, buꞌ laa vəfaꞌ vəvəŋ nə luu maa məba njwisə vəbèe, faŋ nə luu jɨɨ ŋkəə Pɔɔl nɨzi. Nɨniŋ, Pɔɔl shi taa ŋii vəŋ, ghɔ vɨ vəŋ faꞌ mɔ́ꞌ.

Akts 20:34

Viŋ kɔꞌ kɨɨ laa mə nə fàꞌ nə ghɔ ŋaa, kìi fa ŋkɨə faŋ mə nəə kəə fɨ fuŋ, nə vətɔ və vɨɨ mbɨə faŋ yia vɨ vəŋ nə luu mɔ́ꞌ.

Akts 7:60

kɨ nii tùŋ vətɔ vəyəə vi nsi, yùmə ŋkee nəŋay laa, «Tɨta Nwi, ndenə nu bwə vəŋ kə̀,» kɨ nii yiku nɨniŋ.

Roma 12:14

Viŋ tu mənɔŋ-bwaŋnə tɔ vɨɨ mbɨə faŋ vəŋ shoꞌ ghuu ghiŋ. Viŋ tu mənɔŋ-bwaŋnə tɔ vəŋ, kee kɨ ndasə vəŋ me.

Roma 12:20

Baa nə laa, «Kɨ luu jɨŋ za wuu mbeenə wə, a kɔ̀ fazɨ tɨ́ ŋwə, ŋwə zɨ. Kɨ luu fwi yi yɔŋ, a kɔ muu tɨ́ ŋwə, ŋwə nu. A yɨ nɨniŋ, buu tɔ ki taa dɨɨ.»

Roma 8:35

Sii kaꞌ gaasə ndə gaasə nsiŋ fɨ taa ŋkawnə Kristo? Fa kee lùu shɔ me, faŋ nsiŋ kɔlə ŋìi taa ŋɨꞌ, tɨꞌnə me vɨ shoꞌ ghuu ŋaa-nsiŋ, tɨꞌnə me jɨŋ zasə nsiŋ, tɨꞌnə me njwisə bəə fɨ maa nsiŋ, tɨꞌnə me faŋ nsiŋ lùu shuu yiku, tɨꞌnə me vɨ kəə zwilə nsiŋ.

1 Kɔrintian 9:6

Luu sheꞌ yia Barnabas faŋ kaꞌ yia kee fì fazɨ fɨ ghɔ vɨɨ yimu? Luu sheꞌ yia maa məfaꞌ nə ghɔ ghia buu taa kii fazɨ zɨ mu?

2 Kɔrintian 11:8

Faŋ mə nəə faꞌ tɨ́ viŋ nə, ndɔꞌ nshəŋtə vɨɨ Nwi vəday ndɔꞌ mə. Mə nəə fi fɨ ghɔ vəŋ maa məfaꞌ tɨ́ viŋ.

Efesɔs 4:28

Kɨ ndɔꞌ baa kɨ shaw fa me! Bàw ŋwə faꞌ nə ghɔ, baa nə wutə, tɨ́ kaꞌ ŋwə yɨ̀ nu jəə, baa gàŋtə vɨɨ ŋɨꞌ.

1 Tesalonika 2:9

Vaŋ-nshwi via, maa viŋ lùmə faŋ yia nə fàꞌ nə wutə, fàꞌ vətuꞌ nə shɨshwi, laa kɨ tuu wə fɨ wiŋ kee kɨ ye ŋɨꞌ maa məzəsə yia me, faŋ yia nə fɨ̀ꞌtə ntɔŋ yijəə Nwi tɨ́ viŋ nə.

2 Tesalonika 3:8

kee fì bee wə, zɨ̀ dayday me. Maa yia nə sàŋ yiŋwaa, fàꞌ nə wutə, fàꞌ vətuꞌ nə shɨshwi, laa kɨ tuu wə fɨ taa ŋwaa viŋ kee kɨ ye ŋɨꞌ maa məzəsə yia me.

1 Timoti 4:10

Lùu nu ŋkɨə faŋ nsiŋ saŋ yiŋwaa nyaa-nsiŋ shɔ, baa tuŋ yighaw buꞌ nu kɔ́, buꞌ laa nsiŋ nùŋ fwi saŋ-nsiŋ maa Nwi, faŋ lùu Nwi faŋ ŋwə goꞌsə yighee muꞌ, baa lùu mbweysə vɨɨ vənshə, bweysə vɨɨ mbɨə faŋ vəŋ nùŋ fwisə vəŋ maa Kristo nə.

1 Pita 2:23

Vɨɨ nə ndàsə ŋwə, ŋwə kee bə̀ŋsə ndisə sɔ́ maa vəŋ me. Vɨ kwaŋ ŋwə taa ŋɨꞌ, ŋwə ye ŋɨꞌ, kee fèsə wə me, nùŋ ŋkitə yi sheꞌ taa ghɔ Nwi, faŋ ŋwə sɔꞌ nsɔꞌsə vɨɨ səloomə.

1 Pita 3:14

Nɨniŋ, viŋ kɨ luu kɨ ye ŋɨꞌ, buꞌ faŋ viŋ yɨsə vənu vəjəəvə, buu mənɔŋ-bwaŋnə lùu tɨ́ viŋ. Nɨniŋ, kɨ viŋ baa fee nu faŋ vɨɨ fèsə viŋ nə ŋkə me; kɨ viŋ baa kɨ gwəkə me!

1 Pita 3:9

Kɨ luu wə yɨsə nu bwə maa viŋ, kɨ viŋ bəŋsə nə nu bwə me! Kɨ viŋ bəŋsə ndi maa ndi me! Viŋ kɨ tu sheꞌ mənɔŋ-bwaŋnə tɔ vɨɨ, buꞌ laa Nwi tii viŋ, laa viŋ kɨ yɨsə nɨniŋ, ndɔ zɨ məbwey vəlwaŋ nɨzi.

1 Pita 4:19

Nɨniŋ, bàw laa vɨɨ mbɨə faŋ vəŋ ye ŋɨꞌ, faŋ Nwi gì nə, nuŋ fwisə vəŋ maa Mboo vəŋ yijəə, kɨ yɨsə sheꞌ vənu vəjəəvə.

Ŋwaꞌlə Jud 1:9

Ŋkee Maykel faŋ luu nshiiŋii taa mbuꞌ Nwi nə, nə kee ndà Satan, tɨɨ vəzwitə vəbwəvə me. Yighee njyə faŋ Maykel nə tày ghɔ Satan buꞌ nu ŋku ŋwaa ŋku Mose, Maykel nə kee kòꞌsə ŋwaa wi maa məgi yigi yibwənə maa məsɔꞌ Satan me. Ŋwə nə gì sheꞌ laa bàw Nwi bɔŋsə Satan.