1 Kɔrintian 4:10 - Vengo (Babungo)

¹⁰ Yia lùu yaa vəmfaw buꞌ faŋ yia fɨꞌtə nu Kristo. Gə fɨ maa viŋ, viŋ lùu yaa vɨɨ tɔ-ley buꞌ Kristo. Yia kee kìi wutə me. Luu nə, viŋ kìi wutə. Viŋ lùu vɨɨ faŋ vɨ fee viŋ. Luu nə, yia lùu vɨɨ faŋ vɨ gisə mbi yibwə tɔ yia.

1 Kɔrintian 4:10 ပူးပေါင်းရင်းမြစ်များ

Matiu 24:9

Yiŋkii ndɔ kɨ shɔɔ, vɨ jiatə viŋ, kɔ̀ maa vəshəŋ və ŋɨꞌ, zwìlə viŋ. Vɨɨ kɨ bee viŋ taa məshɨ mənshə buꞌ nu yizii kaŋ.

Matiu 5:11

Mənɔŋ-bwaŋnə lùu tɨ́ viŋ, faŋ vɨɨ ndasə viŋ, shoꞌ ghuu ghiŋ, gisə vənu vəbwəvə tɔ viŋ, sɨɨ təba shɔ buꞌ mə.

Lukas 10:16

Yeso nə gì nɨniŋ, baa gì tɨ́ vɨɨ ntɔŋ vi vɔ́ laa, «Wə ntɨə faŋ ŋwə zɔnə viŋ, zɔnə mə. Wə ntɨə faŋ ŋwə twèy viŋ, twèy luu mə. Wə ntɨə faŋ ŋwə twèy mə, twèy luu wə ntɨə faŋ ŋwə nə tɔ̀ŋ mə nə.»

Lukas 18:9

Yeso baa tìi yigisə tii yimɔ́ꞌ buꞌ vɨɨ faŋ vəŋ nə shìasə vɨɨ mɔ́ꞌ, bɨꞌtə laa vənu vəvəŋ luu vəloomə shɔɔ ŋkə vɨɨ mɔ́ꞌ. Ŋwə nə gì laa lee,

Lukas 6:22

Mənɔŋ-bwaŋnə lùu tɨ́ viŋ faŋ vɨɨ bee viŋ, jɔmə viŋ, tɨꞌnə me ndasə viŋ, tɨꞌnə me ndì yizii yiŋ laa lùu fa bwə buꞌ Wuu yinsəŋ Nwi.

Akts 17:18

Vɨɨ mɔ́ꞌ faŋ nə luu vɨɨ məkəə ŋiꞌ mbi, faŋ vɨ tii vəŋ nə vɨɨ Epikurian nə vɨɨ Stoik, zɔ yigisə Pɔɔl nɨzi. Vɨɨ mɔ́ꞌ gi laa, «Wuu shuu yaŋ ŋwə̀ sii taa bee gi kə?» Vɨɨ mɔ́ꞌ gi laa ŋwə kəꞌ yaa wə faŋ ŋwə fɨꞌtə nu vənwi və tɔmə day. Vəŋ nə gì nɨniŋ, buꞌ laa Pɔɔl nəə fɨꞌtə nu Yeso nə nu məywey fɨ shɨ yiku.

Akts 17:32

Vɨɨ vɔ́ kɨ zɔ nu məywey fɨ shɨ yiku, vɨɨ mɔ́ꞌ taw ŋwə, vɨɨ mɔ́ꞌ gi laa vəŋ ndɔ baa jwi zɔ nu kɔ́ fɨ ghɔ ŋwə shi day.

Akts 26:24

Pɔɔl nə gì nɨniŋ maa məfi tɔ ki, goməna Festɔs gi tɨ́ ŋwə ŋkee nəŋay laa, «A ghɨghenə! Nu məzwetə ŋwaꞌlə dɨdɨꞌ, yɨ̀sə a nə ghenə.»

Akts 9:16

Mə taa də ŋɨꞌ tɨ́ ŋwə yiyaŋ, faŋ ŋwə taa ye buꞌ yizii nyaa.»

1 Kɔrintian 1:21

Maa yighee njyə faŋ Nwi nə də̀ yitɔfə yi tɨ́ vɨɨ fɨ taa mbi nyə̀, vəŋ nə kee bee kɨ̀ɨ nə Nwi fɨ taa tɔ-ley vəŋ me. Nɨniŋ, fwi Nwi nə bàw maa məbweysə vɨɨ mbɨə faŋ vəŋ nùŋ fwisə vəŋ maa Yeso Kristo buꞌ faŋ vəŋ zɔ̀ nu Nwi kɔ́, faŋ ŋkə lùu yaa yigisə vəmfaw nə.

1 Kɔrintian 1:23

Luu nə, yia fɨꞌtə sheꞌ nu Kristo laa vɨ nə bèy ŋwə fuu fəŋkɔꞌ fə ŋkɨꞌsə buꞌ nsiŋ. Nu kɔ́ yɨ̀sə fwisə vɨɨ Jus bɨ. Vɨɨ tɔmə day gi laa lùu nu vəmfaw.

1 Kɔrintian 1:25

Vɨɨ zɔ nu kɔ́, gì laa lùu nu vəmfaw faŋ Nwi yɨ̀sə. Luu nə, nu vəmfaw Nwi kɔ́ shɔ̀ɔ yitɔfə vɨɨ fɨ mbi. Faꞌ Nwi faŋ vɨɨ ndì yaa nu dayday, wèꞌ shɔ̀ɔ wutə vɨɨ vənshə.

1 Kɔrintian 10:12

Nɨniŋ, wə faŋ ŋwə bɨꞌtə laa yi tɨ̀ŋ jəə, bàw ŋwə kɨ kɨɨ, baa tɔfə laa, kɨ məmɔŋ taa kɨ jwi, ŋwə gu me.

1 Kɔrintian 2:14

Wə ntɨə faŋ ŋwə kee kìi Zwitə Nwi taa fwi ŋwə me, kaꞌ ŋwə kee bìŋ vənu mbɨə faŋ mbə ndɔ fɨ ghɔ Zwitə Nwi me. Kəŋ wə ghɔ́ kaꞌ ŋwə kee kɨ̀ɨ nə vənu vɔ́ me. Ŋkə lùu tɨ́ ŋwə yaa vənu və vəmfaw, buꞌ laa luu sheꞌ Zwitə Nwi faŋ ŋkə yaa kɨ yɨsə wə kɨ̀ɨ nə kəŋ vənu ghɔ́.

1 Kɔrintian 2:3

Mə nə kee jwì taa ŋwaa viŋ yaa wuu kwalə me. Mə nə jwì yaa mbəə ŋay, tɨ̀ŋ taa ŋwaa viŋ nə məfee, baa nə məlaꞌ.

1 Kɔrintian 3:18

Kɨ wə kɨ bweꞌsə ŋwaa wi me. Wə kɨ luu lùu taa ŋwaa viŋ, faŋ ŋwə bɨꞌtə laa yi kìi yitɔfə taa mbi nyə̀, bàw ŋwə kiasə gù wə faŋ ŋwə kee kɨ̀ɨ nə nu me, buu kaꞌ ŋwə ndɔ kìi yitɔfə njyə faŋ lùu yitɔfə yinsəŋ.

1 Kɔrintian 3:2

Ŋkə nə fɔŋ lùu yaa mə ndɨ̀ lùu məməŋ, zə viŋ shɔ, kee kɨ ndɨ ŋkee fazɨ me, buꞌ laa viŋ nə kee taa yikuꞌnə maa ŋkee fazɨ me. Yinsəŋ, jwi kɔ tɔ və-ndee, viŋ kee ta yikuꞌnə me,

1 Kɔrintian 4:8

Viŋ duꞌtə viŋ zɨ zwə mu? Viŋ duꞌtə viŋ luu vɨɨ faŋ vəŋ kìi vətɔ vəyaŋ mu? Viŋ duꞌtə viŋ gu vɨɨ məsɔꞌ mbi taa yifwàŋ Nwi, tɨ́ nshɨ-tɔ wia kee ta ziꞌ shɔ yimu? Ŋkə nə bàw laa viŋ luu vɨɨ məsɔꞌ mbi, yuu nsiŋ lùu mɔ́ꞌ.

2 Kɔrintian 10:10

faŋ vɨɨ mɔ́ꞌ gì laa vəŋwaꞌlə və Pɔɔl lùu vəshəsə baa lùu vəweꞌ, luu nə, faŋ nsiŋ vɨ vəŋ lùu shəŋ kəmuꞌ, ŋwə bɨbwa, yigisə yi luu yibwaŋnə.

2 Kɔrintian 11:19

buꞌ laa viŋ yaa kɨ ŋaytə maa vəmfaw, faŋ viŋ kɨ̀ꞌ yaa vɨɨ tɔ ley.

2 Kɔrintian 11:29

Sii bwà ndə, mə kee bwa me? Kɔ̀ ndə kɔ̀ nu məbuulə, fwi nyaa kee za me?

2 Kɔrintian 13:9

Yia ŋaytə faŋ yia bəə ŋay, viŋ weꞌ nə. Lùu nu ŋkɨə faŋ yia shɔꞌtə Nwi shɔ, laa Nwi bɔŋsə viŋ.

2 Kɔrintian 4:12

Nɨniŋ, yiku faꞌ faꞌ wi taa ŋwaa yia, məbwey faꞌ faꞌ wi taa ŋwaa viŋ.

2 Kɔrintian 6:8

Yia toꞌ nɨniŋ faŋ vɨɨ kɔ feenə tɨ́ yia, tɨꞌnə me kwaŋ tɔ dɨɨ maa yia, faŋ vɨɨ gisə vənu vəbwəvə tɔ yia, tɨꞌnə me vənu vəjəəvə. Faŋ vɨɨ kɔlə gi laa yia fɨnə vɨɨ məbweꞌsə vɨɨ, yia lùu vɨɨ yinsəŋ.

1 Tesalonika 4:8

Nɨniŋ, wə ntɨə faŋ ŋwə shìa nu kɔ́, kee shìa luu wə me, ŋwə shìa luu Nwi, ŋkee ŋwə faŋ ŋwə kwaŋ Zwitə ki, faŋ ŋkə bàw shɨlə nə, taa fwisə viŋ.

1 Pita 4:14

Kɨ luu laa vɨ ndasə viŋ buꞌ faŋ viŋ lùu vɨɨ Kristo, buu mənɔŋ-bwaŋnə luu ŋgwiŋ, buꞌ laa Zwitə Nwi faŋ ŋkə bàw shɨlə, lùu taa ŋwaa viŋ.