1 Kɔrintian 3:9 - Vengo (Babungo)

⁹ Yia vəbɔɔ fàynə ghɔ ghia maa məfaꞌ faꞌ Nwi. Gə fɨ maa viŋ, viŋ lùu faŋ yindɨɨ Nwi yɔ́, baa lùu yaa ŋii faŋ Nwi fìa nə.

1 Kɔrintian 3:9 ပူးပေါင်းရင်းမြစ်များ

Matiu 15:13

Ŋwə bəŋsə tɨ́ vəŋ laa, «Vɨ ndɔ shoꞌtə vətɔ vənshə faŋ nə kee bìa Tii ŋwaa fɨ yizɔ me.

Matiu 16:18

Zɔ mɔɔ! Mə naysə tɨ́ ghɔ laa, yizii yə lùu Yighɔsə. Mə ndɔ fia ŋii Nwi fuu yighɔsə nyə̀. Kaꞌ wutə yiku kee ndɔ ghɔꞌ ŋii Nwi yɔ́ me.

Matiu 9:37

Nɨniŋ, Yeso gi tɨ́ vɨɨ məzwetə nu ki laa, «Say tà yaŋ yaŋ, vɨɨ məshwi tiitə.

Mark 16:20

Vɨɨ məzwetə nu ki kɨ nii ndɔ̀, kɨ toꞌ fɨꞌtə nu Nwi maa vəshəŋ vənshə. Tɨta Yeso gaŋtə vəŋ shɔ, yɨsə yigisə vəŋ fuu nə wutə faŋ ŋwə nə kɔ̀ vəshwenə vɔ́ tɨ́ vəŋ.]

Akts 4:11

Yeso lùu ŋoꞌ njyə faŋ viŋ, vɨɨ məbɔŋ ndɔꞌ, nə mèꞌ, nyə kiasə gù ŋoꞌ mfay ŋii, sheꞌ faŋ vɨ nə nyɔ̀ꞌ taa ŋwaꞌlə Nwi.

1 Kɔrintian 3:16

Viŋ kee yikɨɨ laa viŋ lùu ŋii Nwi faŋ Zwitə Nwi shì taa tey yi yimu?

1 Kɔrintian 3:6

Yia lùu yaa vɨɨ faꞌ taa biisə. Mə bia vətɔ, Apɔlɔs tutə muu shɔ. Luu nə, luu sheꞌ Nwi faŋ ŋwə yɨsə laa vətɔ vɔ́ fuu kɨ ta.

1 Kɔrintian 6:19

Maa viŋ kɨ̀ɨ laa Zwitə Nwi shi taa ŋwaa viŋ, faŋ lùu ŋii Nwi. Kwàŋ Nwi kwàŋ Zwitə kɔ́ taa fwisə viŋ. Nɨniŋ, kee kìi viŋ kìi yiŋwaa yiŋ me, kìi Nwi kìi yiŋwaa yiŋ.

2 Kɔrintian 6:1

Faŋ yia gaŋtə maa faꞌ Nwi nə, yia tɨsə viŋ laa viŋ ndɨɨnə laa gəŋsə Nwi, faŋ Nwi kèe gəŋ saŋ-nsiŋ nə, kee gù nu dayday tɨ́ viŋ me.

2 Kɔrintian 6:16

Sii kaꞌ nwi dayday dùꞌ taa ŋii Nwi kɨkə? Maa nsiŋ lùu ŋii Nwi, faŋ Nwi nə gì laa, «Mə taa kɨ shi taa ŋwaa vəŋ, toꞌ yia vəŋ. Mə taa luu Nwi vəŋ, vəŋ luu vɨɨ ŋiinə vaŋ.»

Efesɔs 2:10

Nsiŋ lùu fa faŋ nə bɔ̀ŋ Nwi. Ŋwə bɔ̀ŋ nsiŋ buꞌ Yeso Kristo, laa nsiŋ kɨ yɨsə vənu vəjəəvə mbɨə faŋ ŋwə nə nùŋsə shù fɨ maa yighee vɨsɨ, laa nsiŋ ndɔ kɨ toꞌ ghuu yitoꞌ kaŋ-nsiŋ maa jɨɨ yɔ́ nə.

Kɔlɔsii 2:7

Viŋ goꞌ viŋ ŋwə ghee nshə, gə nə vɨsɨ vɨsɨ, kɔꞌ bɨbiŋ ŋwə, wèꞌ shɔ, sheꞌ faŋ vɨ nə dèesə viŋ nə. Viŋ kɨ bwaŋ ŋwə ghee nshə nə məŋaytə.

1 Timoti 3:15

Kɨ luu mə ndɔ tay, bàw a kɨɨ faŋ kaꞌ a kɨ yɨsə vənu taa ŋii Nwi. Ŋii Nwi yɔ́ lùu nshəŋtə vɨɨ Nwi faŋ Nwi goꞌsə yighee muꞌ. Ŋii yɔ́ baa luu tweꞌ faŋ ŋkə tɔ̀ŋ nu yinsəŋ.

Hibru 3:6

Jwi maa Kristo, ŋwə lùu ŋkee Wee Nwi faŋ ŋwə shiinə njiinə ŋii. Ŋii yi yɔ́ lùu nsiŋ. Nsiŋ lùu vɨɨ ŋiinə vi, faŋ nsiŋ tə̀ sɨ maa məbwey vəlwaŋ, faŋ nsiŋ kɨꞌ ŋwə nə fwi yimuꞌ nə, tweꞌ shɔ, zìꞌ maa vəndwə nə məŋaytə.

1 Pita 2:5

Nɨniŋ, bàw viŋ gu ŋoꞌsə bweysə nɨzi, tɨ́ kaꞌ Nwi ndì viŋ, bɔ̀ŋ viŋ yaa ŋoꞌsə, viŋ gù ŋii Zwitə Nwi, baa gù vɨɨ məfeꞌ Nwi nɨzi, faŋ vəŋ ley vɨsɨ Nwi. Nɨniŋ, kaꞌ viŋ kɔ Nwi maa Zwitə Ley Nwi, faŋ Nwi kaw nə, buꞌ Yeso Kristo.

3 Jɔn 1:8

Nɨniŋ, ŋkaŋ-nsiŋ lùu laa nsiŋ kɨ nuŋ kəŋ vɨɨ vɔ́ taa ndɔꞌ nsiŋ, laa nsiŋ luu vaŋ-nshwi vəŋ fɨ taa faꞌ ŋgwə faŋ lùu nu Nwi yinsəŋ.