1 Kɔrintian 3:8 - Vengo (Babungo)

⁸ Wə ntɨə faŋ ŋwə bɨbia, nə wə ntɨə faŋ ŋwə tutə muu shɔ nə, luu sheꞌ nɨndɨŋ. Wə kee shɔ̀ɔ liŋ wi me. Nwi taa kɔ vəkeynə tɨ́ wə tɨ̀ me wə faŋ wə ghɔ́ nə faꞌ nə.

1 Kɔrintian 3:8 ပူးပေါင်းရင်းမြစ်များ

Matiu 16:27

Viŋ zɔ! Wuu yinsəŋ Nwi ndɔ baa jwì nə yikwalə Tii wi, ghɔ vɨ nshiisə-ŋiisə Nwi. Ŋwə ndɔ bəŋsə nu ŋkɨə faŋ vɨɨ nə yɨ̀sə, tɨ́ vəŋ tɔ tɔ.

Lukas 19:19

Ŋwə gi tɨ́ ŋwə laa ŋwə taa kɨ sɔꞌ ntɨꞌsə tee.

Roma 2:6

Nwi ndɔ bəŋsə wə tɨ̀ me wə sheꞌ maa vənu mbɨə faŋ ŋwə nə yɨ̀sə.

1 Kɔrintian 15:58

Nɨniŋ, vaŋ-nshwi vaŋ faŋ mə kàw, viŋ kɨ tɨŋnə weꞌ. Viŋ goꞌ fa kəmuꞌ viŋ vɨ Kristo. Viŋ kɨ faꞌ faꞌ Nwi nə fwi yinshə, buꞌ laa viŋ kɔꞌ kɨɨ laa faꞌ ŋgwə faŋ viŋ faꞌ tɨ́ tɨta Yeso, kee ndɔ ndi day me.

1 Kɔrintian 3:14

Kɨ luu ŋii njyə faŋ wə nə fìanə fuu shɨ ŋii kɔ́ nə, weꞌ fuu shɨ ŋii kɔ́, tɨ́ kaꞌ wi kee bɨsə nyə me, wə ghɔ́ faŋ ŋwə fìanə ŋii yɔ́ nə, taa kii vəkeynə vi.

1 Kɔrintian 3:7

Ŋkə lùu laa, wuu məbia vətɔ kee lùu nu me, wuu mətutə muu kee lùu nu me. Nu kwalə luu sheꞌ Nwi faŋ ŋwə yɨsə vətɔ vɔ́ ta.

1 Kɔrintian 3:9

Yia vəbɔɔ fàynə ghɔ ghia maa məfaꞌ faꞌ Nwi. Gə fɨ maa viŋ, viŋ lùu faŋ yindɨɨ Nwi yɔ́, baa lùu yaa ŋii faŋ Nwi fìa nə.

1 Kɔrintian 4:15

Vɨɨ kɔlə luu ŋkee vəyaŋ faŋ vəŋ shiinə viŋ kɔ̀ŋ nu Kristo, vətɨɨ viŋ kee lùu vəyaŋ me. Wə lùu shɔ sheꞌ muꞌ faŋ ŋwə nə bì viŋ, viŋ gu vɨɨ Kristo nə. Lùu mə faŋ mə nə fɔŋ jwì nàysə nu Yeso Kristo tɨ́ viŋ, tɨ́ kaꞌ viŋ vɨ Yeso Kristo fàynə gù fa kəmuꞌ nə.

1 Kɔrintian 9:7

Maa vəsogeꞌ faŋ vəŋ tùŋ yighaw, vəŋ kee yaa kɨ ndɨ luu ka vəŋ, ywaŋ fazɨ shɔ me. Vɨɨ mbɨə faŋ vəŋ ndɨɨ məndɨɨ, kee zɨ fɨ taa biisə vəŋ yimu? Maa vɨɨ mbɨə faŋ vəŋ shii nyaasə, yaa kɨ nu məməŋ faŋ mbə ndɔ̀ fɨ maa nyaasə sɔ́.

Galatia 6:4

Bàw wə nə wə kɨ mɔŋ sheꞌ ŋgwinə faꞌ faŋ ŋwə faꞌ, laa ŋwə lùu jəə mu? Ŋwə taa luu jəə, buu ŋwə taa ŋaytə maa faꞌ ŋgwə faŋ ŋwə faꞌ. Luu nə, bàw ŋwə yɨ nɨniŋ sheꞌ ŋgɨɨ-ŋwə, kee kɨ fɨꞌ maa nu wə dɨday me,

Galatia 6:5

buꞌ laa wə tɨ̀ me wə kii ŋgwinə faꞌ, faŋ Nwi kɔ̀ tɨ́ ŋwə maa məfaꞌ ŋgɨɨ-ŋwə.

Hibru 6:10

Nwi kee lùu wuu məseesə mbi me. Kaꞌ ŋwə kee ndenə vənu vəjəəvə viŋ faŋ viŋ nəə yɨsə nə me, faŋ viŋ nə də ŋkawnə yiŋ tɨ́ vɨɨ ley Nwi, gàŋtə vəŋ maa yizii Nwi, nə faŋ viŋ kɨ gɨgaŋtə vəŋ nə.

1 Pita 5:4

Nɨniŋ laa Yeso, tɨɨ nshiisə bisə sɔ́, ndɔ kɔ viŋ nə vəkeynə faŋ mbə gòꞌsə yighee muꞌ, maa yighee njyə faŋ ŋwə ndɔ fuu ntee sɨ vɨɨ.

2 Jɔn 1:8

Viŋ kɨ shiinə yiŋwaa yiŋ, laa faꞌ ŋgwə faŋ viŋ duꞌtə viŋ faꞌ nə, kee ndɔ ndi day me, baa nə laa, viŋ ndɔ fi vəndɔꞌnə viŋ sheꞌ maa shwaŋ faꞌ wiŋ.

Reveleyshən 2:23

Mə taa zwilə vaŋ vi. Nɨniŋ laa vəməshəŋtə və vɨɨ Nwi vənshə taa kɨɨ laa mə lùu wə ntɨə faŋ mə kɨɨ nə mbɨꞌtə vɨɨ, baa nə nu ŋkɨə faŋ vəŋ kəə. Mə taa ndɔꞌ wə tɨ̀ me wə sheꞌ maa nu ŋkɨə faŋ ŋwə nə yɨ̀sə.

Reveleyshən 22:12

Yeso gì laa, «Viŋ zɔ! Mə taa yasə jwi, kɨ jwi, jwì nə vəkeynə ghɔ mə, maa məkɔ tɨ́ vɨɨ vənshə maa vəfaꞌ vəvəŋ.