1 Kɔrintian 3:13 - Vengo (Babungo)

¹³ Shi mɔ́ꞌ vɨ ndɔ ye faꞌ wə tɨ̀ me wə ntee, laa ŋwə lùu kɨkə. Ndɔ lùu maa shi kɔ́, Nwi ndɔ ndi luu wisə maa məmɔŋ vəfaꞌ və vɨɨ shɔ, tɨ́ kaꞌ wə yè faꞌ ghɔ́ ley ley, faŋ wə tɨ̀ me wə fàꞌ nə, laa ŋwə lùu jəə mu, mu ŋwə kee lùu jəə me.

1 Kɔrintian 3:13 ပူးပေါင်းရင်းမြစ်များ

Matiu 10:15

Mə naysə nu yinsəŋ tɨ́ viŋ laa, nsɔꞌ njyə faŋ nyə ndɔ jia ntɨꞌ yɔ́, weꞌ shɔ̀ɔ njyə shɨ Sodom ghɔ shɨ Gomora maa shi məshia nsɔꞌsə ŋkə yiba.»

Matiu 16:27

Viŋ zɔ! Wuu yinsəŋ Nwi ndɔ baa jwì nə yikwalə Tii wi, ghɔ vɨ nshiisə-ŋiisə Nwi. Ŋwə ndɔ bəŋsə nu ŋkɨə faŋ vɨɨ nə yɨ̀sə, tɨ́ vəŋ tɔ tɔ.

Lukas 2:35

Nu kɔ́ ndɔ yɨsə ŋkitə vɨɨ vəyaŋ fuu ntee. Nu mɔ́ꞌ ndɔ gay maa ŋwə faŋ ŋkə yɨsə fwi yə za, sheꞌ yaa vɨ ndì baꞌ yighaw, tɔ̀ fwi yə shɔ. Nu kɔ́ ndɔ yɨsə ŋkitə vɨɨ vəyaŋ fuu ntee.»

Roma 2:16

Nu kɔ́ ndɔ fuu ntee maa shi ŋkɨə faŋ Nwi ndɔ shoꞌtə vənu və vɨɨ faŋ vəŋ nə ndɨə. Mfɨꞌ yi ndɔ luu ntɔŋ yijəə Nwi buꞌ Yeso Kristo, faŋ mə fɨꞌtə tɨ́ vɨɨ nə.

Roma 2:5

Luu nə, a shii dɨdɨꞌ, kee kaw kwiinə fwi yə me, kɨ yɨsə vənu vəbwəvə. Nɨniŋ, a yɨ laa nsɔꞌ yə ndɔ luu yiweꞌ maa shi ŋkɨə faŋ Nwi ndɔ kɨ sɔꞌ mbi maa yinsəŋ yi ntee.

1 Kɔrintian 1:8

Nshɨ-tɔ Yeso Kristo ndɔ yɨ viŋ weꞌ maa nu ki, gə̀ zìꞌ tɨ́ yighee vəndwə, tɨ́ kaꞌ tuu wee-ndoꞌ kee ndɔ luu maa viŋ maa shi ŋkɨə faŋ tɨta Yeso Kristo ndɔ bəŋ jwi taa mbi me.

1 Kɔrintian 3:12

Vɨɨ mɔ́ꞌ ndɨ̀ goolə jəə, vɨɨ mɔ́ꞌ ndɨ tiəŋ, vɨɨ mɔ́ꞌ ndɨ̀ ŋoꞌsə faŋ nsə luu ŋkee səjəə, bɔ̀ŋ ŋii shɔ fuu shɨ ŋii kɔ́. Luu nə, vɨɨ mɔ́ꞌ ndɨ məntɨ nə wiŋsə nə nɨntɔŋ, bɔ̀ŋ ŋii shɔ fuu shɨ ŋii kɔ́.

1 Kɔrintian 4:5

Nɨniŋ, ŋkə kee kùꞌnə laa viŋ kɨ shia nsɔꞌsə tɔ vɨɨ me, faŋ yighee məshia nsɔꞌsə kee ta yikuꞌnə me. Maa shi ŋkɨə faŋ tɨta Yeso ndɔ jwi, ŋwə ndɔ də vənu ntee faŋ mbə nə lùu taa mfiŋsə, nə mbɨꞌtə wə faŋ wə kìi taa fwi ŋwə. Lùu shi kɔ́ faŋ Nwi ndɔ bəŋsə wə faŋ məbəŋsə wə ghɔ́ kùꞌnə.

2 Timoti 1:12

Lùu ŋiꞌ nu ŋkɨə faŋ mə ye ŋɨꞌ shɔ ndwə nə. Luu nə, tɔ kaŋ kee dɨdɨɨ me, buꞌ laa mə kɔꞌ kɨɨ nə wə ntɨə faŋ mə nùŋ fwi nyaa maa ŋwə nə, baa kɨ̀ɨ yinsəŋ laa wutə ki kùꞌnə maa məshiinə nu ŋkɨə faŋ Nwi nə nùŋsə shee, gə ziꞌ maa shi ŋkɨə faŋ ŋwə ndɔ kɔ tɨ́ mə.

2 Timoti 1:18

Bàw tɨta Yeso yɨsə tɨta Nwi kee gəŋ si maa shi vəndwə və mbi. Nshɨ-tɔ wə kɔꞌ kɨɨ nə vəfaꞌ vəkwalə mbɨə faŋ ŋwə nə gàŋtə nsiŋ shɨ Efesɔs.

2 Timoti 3:9

Luu nə, kaꞌ vəŋ kee ndɔ gə nə vɨsɨ vɨsɨ nə nu vəŋ dɨdɨꞌ me, buꞌ laa nu vəŋkɔmə vəŋ ndɔ fuu yikəꞌ vɨɨ vənshə, yaa ŋkə vɨɨ vì fɨ ywaŋ-vɨsɨ nə fùu ntee nɨzi nə.

2 Timoti 4:8

Nu ŋkɨə faŋ ŋkə gòꞌ, lùu laa, mə ndɔ fi shwaŋ nu jəə ŋkɨə faŋ Nwi ndɔ kɔ tɨ́ vɨɨ mbɨə faŋ vənu vəvəŋ lùu vəloomə. Tɨta Nwi faŋ ŋwə ndɔ sɔꞌ nsɔꞌsə vɨɨ, sɔꞌ shìa nyə yiloomə. Ŋwə ndɔ kɔ nu jəə kɔ́ shee maa shi vəndwə, kee kɨ kɔ luu sheꞌ tɨ́ mə me, ŋwə kɔ luu tɨ́ vɨɨ vənshə faŋ vəŋ kɨꞌ ŋwə nə ŋkawnə, tə̀ sɨ maa məjwi wi faŋ ŋwə ndɔ baa jwi mbi nə.

Hibru 10:25

Kɨ nsiŋ goꞌ fɨ maa nshəŋtə nyaa-nsiŋ me, faŋ vɨɨ mɔ́ꞌ yaa kɨ goꞌ nə. Nsiŋ bee kɨ kii kwaŋ wutə maa yiŋwaa nyaa-nsiŋ, nsiŋ nsiŋ, ŋkee maa yighee njyə faŋ nsiŋ kɔꞌ kɨɨ laa shi ŋkɨə faŋ Tɨta ŋwaa-nsiŋ ndɔ bəŋ jwi shɔ nə, lùu nshənə.

1 Pita 1:7

Ŋiꞌ nu ŋkɨə faŋ ŋkə yɨsə laa viŋ kɨ ye ŋɨꞌ nə məmɔŋ lùu laa, vɨ yè məbiŋ wiŋ laa viŋ kà fwi, bìŋ Nwi yinsəŋ. Ŋkə luu sheꞌ yaa nu bwey bay faŋ vɨ tii nə goolə, faŋ vɨ yaa kɨ mɔŋ ŋkə nə wisə maa məye laa ŋkə yibaw mu. Məbiŋ wiŋ shɔ̀ɔ bwey bay kɔ́ faŋ ŋkə kee ndɔ goꞌsə me. Viŋ kìi məmɔŋ ndwə, tɨ́ kaꞌ vɨ kɨ bəŋsə Nwi dɨdɨꞌ buꞌ məbiŋ wiŋ yighee njyə faŋ Yeso Kristo ndɔ jwi fuu ntee.

1 Pita 4:12

Vaŋ-nshwi vaŋ, kɨ shuu wiŋ yɔŋ maa məmɔŋ ŋgwə faŋ ŋwə lùu yaa wisə kwalə faŋ ŋwə twaŋ viŋ shɔ nə me. Kɨ viŋ baa bɨꞌtə laa lùu nu fi me.

2 Pita 3:10

Viŋ kɔꞌ kɨɨ laa, yighee ndɔ kɨ kuꞌ, faŋ tɨta Yeso ndɔ bəŋ jwì, ŋwə ndɔ gwəkə jwi yaa ndɔꞌ, faŋ ndɔꞌ yaa kɨ jwi faŋ vɨɨ kee yikɨɨ me. Maa yighee yɔ́, vɨ ndɔ zɔ gɨ yikwalə yimɔ́ꞌ laa «kwaŋ», yizɔ kee baa lùu shɔ me. Vətɔ fɨ yizɔ nə fɨ nsi yey taa wi vənshə, mè laylay. Nsi nɨzi, ghɔ vətɔ vənshə faŋ mbə lùu shɔ, me vənshə.

2 Pita 3:7

Nwi nə baa gì laa yizɔ ghɔ nsi faŋ vɨ ye ndee, ndɔ twàŋ wisə twàŋ nyə yinshə. Yizɔ nə nsi ndɔ goꞌ kɔ̀ tɨ́ yighee njyə faŋ Nwi ndɔ kɨ sɔꞌ nsɔꞌsə vɨɨ, ndìsə vɨɨ bwənə faŋ vəŋ kee zɔnə ŋwə me.

Reveleyshən 20:12

Mə kɨ nii yè vəŋku vənsisə vəkwalə nə vətiitə, vəŋ tɨŋ vɨsɨ kenə kɔ́. Vɨ ŋaꞌsə vəŋwaꞌlə, baa ŋaꞌsə ŋwaꞌlə mɔ́ꞌ faŋ lùu ŋwaꞌlə məbwey vəlwaŋ. Vɨ sɔꞌ vəŋku vənsisə maa nu ŋkɨə faŋ vəŋ nə yɨ̀sə, faŋ vɨ nə nyɔ̀ꞌ taa vəŋwaꞌlə vɔ́.