1 Kɔrintian 3:12 - Vengo (Babungo)

¹² Vɨɨ mɔ́ꞌ ndɨ̀ goolə jəə, vɨɨ mɔ́ꞌ ndɨ tiəŋ, vɨɨ mɔ́ꞌ ndɨ̀ ŋoꞌsə faŋ nsə luu ŋkee səjəə, bɔ̀ŋ ŋii shɔ fuu shɨ ŋii kɔ́. Luu nə, vɨɨ mɔ́ꞌ ndɨ məntɨ nə wiŋsə nə nɨntɔŋ, bɔ̀ŋ ŋii shɔ fuu shɨ ŋii kɔ́.

1 Kɔrintian 3:12 ပူးပေါင်းရင်းမြစ်များ

Akts 20:30

Vɨɨ bwənə mɔ́ꞌ ndɔ fuu sheꞌ fɨ taa ŋwaa viŋ, fuu kɨ gisə təgi tə ba maa məsuꞌtə vɨɨ məbiŋ nu Kristo, laa vəŋ beꞌsə vəŋ.

Roma 16:17

Vaŋ-nshwi vaŋ, mə tɨsə viŋ laa, viŋ kɨ tɔfə maa vɨɨ mbɨə faŋ vəŋ jwi nə ŋgaasə, yɨsə vɨɨ gu maa nu Kristo, faŋ viŋ nə zwètə nə. Viŋ nyɨŋ fɨ yɨ vəŋ,

1 Kɔrintian 3:11

Shɨ ŋii kɔ́ luu sheꞌ Yeso Kristo. Nwi nə nùŋsə ŋwə laa ŋwə luu yuu shɨ ŋii tɨ́ nsiŋ, tɨ́ kaꞌ nsiŋ tɨ̀ŋnə shɔ. Shəŋ day kee baa lùu shɔ, tɨ́ kaꞌ nsiŋ tɨ̀ŋnə shɔ me. Shɨ ŋii kəmɔ́ꞌ kee baa lùu shɔ me.

1 Kɔrintian 3:13

Shi mɔ́ꞌ vɨ ndɔ ye faꞌ wə tɨ̀ me wə ntee, laa ŋwə lùu kɨkə. Ndɔ lùu maa shi kɔ́, Nwi ndɔ ndi luu wisə maa məmɔŋ vəfaꞌ və vɨɨ shɔ, tɨ́ kaꞌ wə yè faꞌ ghɔ́ ley ley, faŋ wə tɨ̀ me wə fàꞌ nə, laa ŋwə lùu jəə mu, mu ŋwə kee lùu jəə me.

2 Kɔrintian 2:17

Yia kee lùu yaa vɨɨ vəyaŋ faŋ vəŋ fɨꞌtə nu Nwi maa ka me. Yia fɨꞌtə nu Nwi nə fwi yiley, gisə nu ŋkɨə faŋ ŋkə ndɔ̀ fɨ ghɔ Nwi, tɨ́ vɨɨ sɨ Nwi, fɔnə yia faynə yia vɨ Kristo.

2 Kɔrintian 4:2

Yia kee toꞌ nə mənay faŋ lùu nu tɔ dɨɨ me, tɨꞌnə me bweꞌsə vɨɨ me, tɨꞌnə me wasə nu Nwi me. Yia fɨꞌtə luu nu yinsəŋ Nwi ntee, tɨ́ kaꞌ ŋkə kɨ jia fwisə vɨɨ vənshə, vɨɨ vənshə biŋ yia vɨsɨ Nwi.

Kɔlɔsii 2:8

Viŋ ndɨɨnə laa kɨ wə jwi bweꞌsə viŋ, jia viŋ nə yitɔfə fɨ taa mbi nyə̀ me, tɨꞌnə me, nə yigisə dayday faŋ nyə ndɔ̀ fɨ ghɔ nuŋsə vɨɨ me, tɨꞌnə me, fɨ maa vəwutə və mbi me. Təgi tɔ́ kee ndɔ̀ fɨ ghɔ Kristo me.

1 Timoti 6:3

Wə kɨ luu kɨ deesə nu Nwi kədaykə, kee bìŋ yigisə tɨta ŋwaa-nsiŋ Yeso Kristo, faŋ lùu nu yinsəŋ nə me, buu wə ghɔ́ koꞌsə ŋwaa wi. Wə kɨ luu kɨ deesə nu faŋ ŋkə kee kùꞌnə maa məbəŋsə Nwi shɔ me,

2 Timoti 2:20

Lumə nu ŋii yikwalə: vəkay faŋ mbə lùu taa tey yi, kee luu sheꞌ mbə shwaŋ ndɔŋnə, yaa mbə goolə nə mbə Siliva me. Mbə ŋkɔꞌ nə mbə shɔꞌ shɔ nɨzi. Vəmɔ́ꞌ lùu maa məkwaŋ vətɔ vəleyvə, vəmɔ́ꞌ lùu maa məkwaŋ vətɔ faŋ mbə kee lùu vəley me.

2 Timoti 3:13

Luu nə, vɨɨ bwənə nə vɨɨ məbuulə yitɔ yi vɨɨ gə vɨsɨ vɨsɨ nə nu bwə vəŋ, toꞌ bweꞌsə vɨɨ, vɨɨ bweꞌsə vəŋ nɨzi.

2 Timoti 3:7

Vəŋ kəə zwetə vənu ghee nshə, luu nə, kee bee kɨ̀ɨ nə nu yinsəŋ tuu yighee muꞌ me.

2 Timoti 4:3

A kɔꞌ kɨɨ laa yighee ndɔ kɨ jwi, faŋ nu yinsəŋ Nwi ndɔ bɨ tɨ́ vɨɨ, vəŋ twey maa məzɔ, gə̀ kɨ kəə vɨɨ mədeesə vəŋ, faŋ vəŋ gisə sheꞌ vənu faŋ mbə sɨꞌsə tɨ́ vəŋ.

Hibru 13:9

Kɨ viŋ biŋ laa yigisə yifinə faŋ vɨɨ deesə viŋ shɔ nɨŋkwiŋ nɨŋkwiŋ, yɨsə viŋ ndi jɨɨ Nwi me. Yaa kɨ yɨsə nu jəə faŋ ŋkə ndɔ fɨ ghɔ Nwi, yɨsə fwi wə weꞌ. Ntɨsə nsɨə faŋ nsə gì kɔ̀ŋ nu fazɨ, nsə kee kii ŋgaŋtə me; nsə kee gaŋtə vɨɨ mbɨə faŋ vəŋ beꞌsə nsə me.

1 Pita 1:7

Ŋiꞌ nu ŋkɨə faŋ ŋkə yɨsə laa viŋ kɨ ye ŋɨꞌ nə məmɔŋ lùu laa, vɨ yè məbiŋ wiŋ laa viŋ kà fwi, bìŋ Nwi yinsəŋ. Ŋkə luu sheꞌ yaa nu bwey bay faŋ vɨ tii nə goolə, faŋ vɨ yaa kɨ mɔŋ ŋkə nə wisə maa məye laa ŋkə yibaw mu. Məbiŋ wiŋ shɔ̀ɔ bwey bay kɔ́ faŋ ŋkə kee ndɔ goꞌsə me. Viŋ kìi məmɔŋ ndwə, tɨ́ kaꞌ vɨ kɨ bəŋsə Nwi dɨdɨꞌ buꞌ məbiŋ wiŋ yighee njyə faŋ Yeso Kristo ndɔ jwi fuu ntee.

Reveleyshən 2:14

Luu sheꞌ wee-nu faŋ ŋkə kee baw too mə me. Nu kɔ́ lùu laa, vɨɨ mɔ́ꞌ fɨ taa ŋwaa viŋ jìa nu Balaam, faŋ ŋwə nə dèesə tɨ́ Balak faŋ ŋkə bàw maa məkɔꞌsə vɨɨ Isirayl, yɨsə vəŋ yɨ nu bwə, zɨ fazɨ faŋ lùu fazɨ vəŋku vənwi, baa tii vəki.

Reveleyshən 21:18

Vɨ bɔŋ ŋkɔꞌ yi yɔ́ nə ŋoꞌsə jəəsə faŋ vɨ tii nə jasper, bɔ̀ŋ shɨ kɔ́ nə goolə, faŋ ŋwə lèy yaa ŋwaꞌlə məye sɨ.

Reveleyshən 3:18

Mə tɨsə ghɔ laa a ywaŋ goolə fɨ ghɔ mə, faŋ vɨ twàŋ taa wi, ŋwə ley. Nɨniŋ laa a gu mfuꞌ. Bàw a ywaŋ njwisə fusə fɨ ghɔ mə, kɨ mɔꞌ laa a kee kɨ duꞌ nə ntɨŋ sɨ vɨɨ, tɔ kə dɨɨ me. Ywaŋ fɔ sɨ fɨsə fɨ ghɔ mə, wìŋsə sɨ ghə shɔ, yuu kɨ yenə vədɨꞌ.