1 Kɔrintian 3:10 - Vengo (Babungo)

¹⁰ Yighee vɨsɨ, faŋ mə nə fɔŋ jwì yɨ viŋ nə, Nwi nə kɔ̀ tɔ ley shee, tɨ́ kaꞌ mə bɔ̀ŋ shɨ ŋii Nwi kɔ́ yaa wuu məfianə ndɔꞌ jəə. Wə dɨday kɨ nii tey kɨ bɔŋ vəlɨtə və ŋii vɔ́. Bàw wə tɨ̀ me wə faŋ ŋwə bɔ̀ŋ ŋii yɔ́, ndɨ yighee, kɨ bɔŋ maa jɨɨ yijəə.

1 Kɔrintian 3:10 ပူးပေါင်းရင်းမြစ်များ

Matiu 24:45

Yeso baa kɨ tii yigisə tii yimɔ́ꞌ tɨ́ vəŋ, gì laa lee, «Bàw viŋ lùu yaa wuu faꞌ yinsəŋ, baa lùu yaa wuu yitɔfə, faŋ tɨɨ faꞌ wi nùŋsə ŋwə tɔ vɨɨ faꞌ vi, laa ŋwə kɨ kɔ fazɨ tɨ́ vəŋ maa yighee yijəənə.

Matiu 7:24

«Nɨniŋ, wə ntɨə faŋ ŋwə zɔ̀ təgi taŋ tɔ́, kɨ yɨsə nɨzi, fɨnə wuu yitɔ faŋ ŋwə nə fìa ŋii yi taa nsi yighɔsə.

Lukas 11:35

Məley Nwi faŋ ŋwə lùu taa fwi ghɔ, luu sheꞌ nɨndɨŋ. Kɨ tɔfə laa məley Nwi ghɔ́ kee mè fɨ taa fwi ghɔ me!

Lukas 21:8

Ŋwə gi tɨ́ vəŋ laa, «Viŋ kɨ kəmə tɔ kiŋ, buꞌ vɨ ndɔ bweꞌsə viŋ. Vɨɨ vəyaŋ ndɔ fuu taa mbi maa yizii nyaa, gisə laa vəŋ lùu mə, baa gisə laa yighee yɔ́ kɨkuꞌ. Kɨ viŋ ndɔ beꞌsə vɨɨ vɔ́ me.

Akts 18:27

Shi mɔ́ꞌ Apɔlɔs nə kəə gə shɨ Akaya. Vɨɨ məbiŋ nu Kristo fɨ shɨ Efesɔs nyɔꞌ ŋwaꞌlə tɨ́ vaŋ-nshwi vəŋ fɨ shɨ Akaya laa vəŋ jia Apɔlɔs ŋkee jəə. Nɨniŋ, ŋwə gə nə ŋwaꞌlə ghɔ́, gə̀ ziꞌ Akaya. Faŋ ŋwə nə luu yifi, gaŋtə vɨɨ məbiŋ nu Kristo ŋkee jəə nə wutə ki kɔ́, faŋ Nwi nə key ŋwə shɔ nə.

Roma 1:5

faŋ ŋwə kee gəŋ saŋ-nsiŋ, nùŋ mə maa vɨɨ ntɔŋ vi, laa mə gə faꞌ taa məshɨ mənshə, yɨsə vɨɨ tətɔŋ fu nuŋ fwisə vəŋ maa ŋwə, kɨ zɔnə ŋwə, bəŋsə yizii yi.

Roma 12:3

Nɨniŋ, mə buꞌ ghɔ tɨ́ viŋ tɔ tɔ laa, kɨ wə kɨ bɨꞌtə laa mfɨꞌ nu yi bàw shɔ̀ɔ faŋ mfɨꞌ fwi yi lùu me. Mə gì tɨ́ viŋ nɨniŋ buꞌ mənɔŋ-bwaŋnə Nwi faŋ Nwi nə kèy mə shɔ nə. Bàw wə kɨ fɨꞌ nu ki nə yitɔfə fɨ maa mfɨꞌ məbiŋ wi faŋ Nwi kɔ̀ tɨ́ ŋwə, ŋwə nùŋ fwi yi maa Kristo nə.

Roma 15:15

Faŋ mə kɔlə kɨɨ nɨniŋ nə, mə nyɔ̀ꞌ tɨ́ viŋ, gì maa vəshəŋ vəmɔ́ꞌ nə fwi yiweꞌ, lùmə vənu tɨ́ viŋ nɨniŋ, buꞌ laa Nwi nə kɔ̀ mə nə tɔ ley fɨ taa mənɔŋ-bwaŋnə wi,

Roma 15:20

toꞌ nɨniŋ, kəə ŋkaŋ laa kɨ mə fɨꞌtə ntɔŋ yijəə yɔ́ maa shəŋ faŋ vɨ duꞌtə vɨ kɨɨ nə yizii Kristo yifi me. Nɨniŋ laa kɨ mə fianə ŋii nyaa fuu shɨŋii wə dɨday me.

1 Kɔrintian 3:11

Shɨ ŋii kɔ́ luu sheꞌ Yeso Kristo. Nwi nə nùŋsə ŋwə laa ŋwə luu yuu shɨ ŋii tɨ́ nsiŋ, tɨ́ kaꞌ nsiŋ tɨ̀ŋnə shɔ. Shəŋ day kee baa lùu shɔ, tɨ́ kaꞌ nsiŋ tɨ̀ŋnə shɔ me. Shɨ ŋii kəmɔ́ꞌ kee baa lùu shɔ me.

1 Kɔrintian 9:2

Kɨ ghaŋ laa mə kee lùu wuu ntɔŋ Kristo tɨ́ vɨɨ mɔ́ꞌ me, mə nə luu wuu ntɔŋ Kristo tɨ́ viŋ ŋkee maa yinsəŋ. Nshɨ-tɔ wiŋ faŋ viŋ lùu vɨɨ Kristo buꞌ mə nə, lùu shwenə laa mə lùu wuu ntɔŋ wi maa yinsəŋ.

2 Kɔrintian 10:15

Yia kee bəŋsə ŋwaa wia maa faꞌ faŋ vɨɨ day nə sàŋ yiŋwaa vəŋ shɔ, shɔ̀ɔ ki wia me. Yia nuŋsə fwi sia laa viŋ kɨ luu kɨ gə vɨsɨ vɨsɨ nə nu Kristo, buu yia ndɔ yɨ nu kwalə mɔ́ꞌ tɨ́ viŋ, shɔ̀ɔ yighee vɨsɨ maa shəŋ faꞌ kia,

Efesɔs 2:20

Viŋ lùu ŋii Nwi, faŋ vɨ bɔ̀ŋ viŋ fuu vɨɨ ntɔŋ Kristo nə nshiisə-ŋii sɔghɔ. Vɨɨ ntɔŋ Kristo vɔ́ lùu shɨŋii kɔ́. Yeso Kristo luu ŋoꞌ mfay ŋii yɔ́.

Kɔlɔsii 1:29

Lùu ŋiꞌ nu ŋkɨə faŋ mə kɨɨtə, faꞌ nəŋay, baa nə wutə ŋkɨə faŋ Kristo kɔ̀ shee nə. Wutə ki kɔ́ faꞌ taa ŋwaa mə ŋkee dɨdɨꞌ.

Kɔlɔsii 4:17

Viŋ naysə tɨ́ Arkipɔs laa ŋwə kɨ faꞌ faꞌ ŋgwə faŋ Nwi nə kɔ̀ tɨ́ ŋwə nə, sheꞌ jəə jəə, yuu ŋkə kùꞌnə.

1 Tesalonika 3:2

Nɨniŋ, yia nə tɔ̀ŋ Timoti, faŋ lùu weenshu ŋwaa-nsiŋ, baa lùu wuu faꞌ Nwi faŋ yia vɨ vəŋ fɨꞌtə ntɔŋ yijəə Nwi kɔ̀ŋ Yeso Kristo nə. Yia nə tɔ̀ŋ ŋwə nɨniŋ laa ŋwə jwi wèꞌsə fwi siŋ, gàŋtə viŋ maa mənuŋ fwi siŋ maa Yeso Kristo, twèꞌ shɔ,

1 Timoti 4:16

Kɨ shiŋnə ŋwaa wə, baa shiŋnə nu Nwi faŋ a deesə nə, gòꞌsə shɔ. A kɨ luu kɨ yɨ nɨniŋ, buu a taa bweysə ŋwaa wə, nə vɨɨ mbɨə faŋ vəŋ zɔ nu ŋkɨə faŋ a gisə.

2 Timoti 2:15

Kɨ tɔfə maa məduꞌ yikəꞌ Nwi yaa wə faŋ ŋwə kùꞌnə maa faꞌ wi. Faꞌ faꞌ Nwi tɨ́ kaꞌ tɔ kə kee ndɔ dɨɨ shɔ me. Kɨ fɨꞌtə nu yinsəŋ Nwi tɨ́ vɨɨ ŋkee ley ley.

Jeyms 3:1

Vaŋ-nshwi vaŋ, kee bàw laa vɨɨ vəyaŋ fɨ taa ŋwaa viŋ gu vɨɨ mədeesə nu Nwi me. Maa viŋ kɨɨ laa nsɔꞌ vɨɨ mədeesə nu Nwi ndɔ lùu yikwalə shɔ̀ɔ njyə vɨɨ mɔ́ꞌ.

1 Pita 4:11

Wə kɨ luu kɨ gisə yigi, bàw ŋwə kɨ gisə sheꞌ yigisə Nwi. Kɨ luu, wə nə faꞌ faꞌ Nwi, gaŋtə vɨɨ, bàw ŋwə kɨ faꞌ nə wutə ŋkɨə faŋ Nwi kɔ̀ tɨ́ ŋwə. Viŋ kɨ yɨ nɨniŋ laa, viŋ kɨ bəŋsə Nwi maa vənu vənshə fɨ yiba Yeso Kristo, faŋ ŋwə kwàlə, ndɔ weꞌ, gòꞌsə yighee muꞌ. Ŋkə lùu nɨniŋ.

2 Pita 3:15

Viŋ lumə laa, nu ŋkɨə faŋ Yeso tày shɔ nə, lùu laa viŋ kii jɨɨ, tɨ́ kaꞌ viŋ ndɔ bwey. Weenshu ŋwaa-nsiŋ Pɔɔl, faŋ nsiŋ kàw ŋwə nə, nə nyɔ̀ꞌ tɨ́ viŋ sheꞌ nɨniŋ fɨ maa tɔ ley ki, faŋ ŋkə ndɔ̀ fɨ ghɔ Nwi.

Reveleyshən 21:14

Vɨ bɔ̀ŋ mfaysə ŋkɔꞌ yɔ́ nə ŋoꞌsə njɔsə-bɔɔ, faŋ vɨ nyɔ̀ꞌ təzii tə vɨɨ ntɔŋ bi-njɨɨ yɔ́ mbɨɨ yi.

Reveleyshən 21:19

Vɨ nə bɔ̀ŋ ŋkɔꞌ yɔ́ fuu ŋkee ŋoꞌsə faŋ nsə nɨndwaꞌlə, baa luu taŋ taŋ. Yizii mfɔŋ ŋoꞌ luu jasper, yimɔ́ꞌ faŋ nyə beꞌsə luu safia, lwesə vətia luu kalsedon, lwesə yishwe luu imeral,