1 Kɔrintian 2:8 - Vengo (Babungo)

⁸ Vəwutə vənshə faŋ mbə sɔꞌ mbi nyə̀, kee kɨ̀ɨ nə kəŋ tɔ-ley kɔ́ me. Mbə nəə toꞌ kɨɨ, buu vəŋ nə kee bèy tɨta Yeso Kristo, faŋ lùu Tɨɨ vəwutə, fuu fəŋkɔꞌ fə ŋkɨꞌsə me.

1 Kɔrintian 2:8 ပူးပေါင်းရင်းမြစ်များ

Matiu 11:25

Kɨ lùu sheꞌ maa yighee yɔ́, Yeso tey kɨ shɔꞌtə Nwi laa, «Mə kɨ bəŋsə ghɔ, tɨta Nwi, faŋ a sɔꞌ yizɔ ghɔ nsi, buꞌ laa a ndɨ̀ə ntɔŋ yijəə yə fɨ ghɔ vɨɨ tɔ ley nə vəŋkaŋ-sɨ, bee kii kɔ̀ tɨ́ vɨɨ nshi.

Matiu 13:22

Gə fɨ maa say faŋ vɨ mɔ̀ꞌ taa nyawsə nə, lùu yaa wə faŋ ŋwə zɔ̀ yigisə Nwi, luu nə, ywìitə sheꞌ vətɔ və shɨ nsi, vənu və ka bweꞌsə ŋwə nɨzi, kà nu Nwi kɔ́ fɨ taa fwi ŋwə, ŋkə ku, kee yə̀əsə ŋgwisə yi me.

Lukas 23:34

Yeso gi laa, «Tɨta Nwi, ndenə nu bwə vəŋ, buꞌ laa vəŋ kee kɨ̀ɨ nə nu ŋkɨə faŋ vəŋ yɨsə me.» Vəŋ kɨ nii ndi njwisə Yeso, tùŋ beꞌ shɔ, gàatə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 16:3

Vəŋ taa yɨ̀sə vənu vɔ́, buꞌ laa vəŋ kee kɨɨ nə Tii ŋwaa me, kee kɨɨ nə mə me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 7:48

Wə muꞌ lùu shɔ taa ŋwaa yia vɨɨ kwalə nə vɨɨ Farisii, faŋ ŋwə bìŋ ŋwə mu?

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 8:19

Vəŋ bitə tɨ́ ŋwə laa, «Tii wə bə?» Yeso bəŋsə tɨ́ vəŋ laa, «Viŋ kee kɨɨ nə mə me, kee kɨɨ nə Tii ŋwaa me. Viŋ toꞌ kɨɨ nə mə, buu viŋ kɨ̀ɨ nə Tii ŋwaa nɨzi.»

Akts 13:27

Viŋ zɔ! Vɨɨ mbɨə faŋ vəŋ luu Jerusalem ghɔ vɨ vɨɨ mbɨə faŋ vəŋ sɔꞌ vəŋ nə, nə kee kɨ̀ɨ nə Yeso me, kee bee zɔ kɨ̀ɨ nə nu ŋkɨə faŋ nshiisə-ŋii sɔghɔ nə gi kɔ̀ŋ ŋwə nə me, tɨ́ vɨ tii yigisə vəŋ maa vəshi və zwisə vənshə. Luu nə, vəŋ yɨ laa yigisə nshiisə-ŋii sɔghɔ gu yinsəŋ, faŋ vəŋ nə zwì Yeso.

Akts 7:2

Stefen gi laa, «Vaŋ-nshwi vaŋ nə vətɨɨ vaŋ, viŋ zɔ! Nwi faŋ ŋwə bàw shɨlə, nə fùu yikəꞌ tii ŋwaa-nsiŋ Abraham yighee njyə faŋ ŋwə nəə kɨ bii nsi Mesopoteymia, kee ta gə̀ shi ntɨꞌ Haran me.

1 Kɔrintian 1:20

Faŋ ŋkə lùu nɨniŋ nə, vɨɨ tɔ-ley vɔ́ sii kɨ̀ɨ nə kə? Vɨɨ mədeesə ntɨsə sii kɨ̀ɨ nə kə? Vɨɨ məsɔnə yigi kɔ̀ŋ nu Nwi, faŋ vəŋ ndɔ̀ fɨ taa mbi nyə̀, sii kɨ̀ɨ nə kə? Nwi duꞌtə Nwi də tɨ́ nsiŋ laa yitɔfə yɔ́ fɨ taa mbi nyə̀ lùu nu vəmfaw.

1 Kɔrintian 2:6

Luu nə, yitɔfə yimɔ́ꞌ lùu shɔ faŋ yia fɨꞌtə nu Nwi tɨ́ vɨɨ mbɨə faŋ nu Nwi lwàŋ taa fwisə vəŋ. Kəŋ tɔ-ley kɔ́ kee ndɔ̀ fɨ taa mbi nyə̀ me, tɨꞌnə me fɨ ghɔ vəwutə faŋ mbə sɔꞌ mbi nyə̀ me.

2 Kɔrintian 3:14

Nɨniŋ, fwisə vəŋ luu səshii. Njwi yɔ́ kɨ bii sɨ vəŋ, kɔ tɔ və-ndee maa yighee njyə faŋ vɨ tii ŋwaꞌlə Nwi kɔ̀ŋ məkee məmwamə mbɔ́. Vɨ kee bàꞌsə njwi yɔ́ me, buꞌ laa Nwi bàꞌsə sheꞌ tɨ́ wə ntɨə faŋ ŋwə nùŋ fwi yi maa Kristo.

Efesɔs 1:17

Mə shɔꞌtə Nwi, tɨɨ tɨta ŋwaa-nsiŋ Yeso Kristo, ŋkee tɨta Nwi faŋ vənu vi bàw shɨlə nə, laa ŋwə kɔ Zwitə ki tɨ́ viŋ. Ŋkə kɨ kɔ viŋ nə yitɔfə, baa twelə ŋiꞌ nu ki tɨ́ viŋ, viŋ kɨɨ nə ŋwə.

Efesɔs 4:18

Mbɨꞌtə vəŋ kee ley me. Məbwey Nwi bəə fɨ taa fwisə vəŋ, buꞌ faŋ vəŋ kee kɨ̀ɨ nə nu me, fwisə vəŋ fɨ̀.

1 Timoti 1:13

Ŋwə nə ndì mə maa faꞌ wi faŋ mə nəə kɔlə ndàsə yizii yi maa yighee vɨsɨ, toꞌ shoꞌ ghuu vɨɨ vi, yɨnə vəŋ. Luu nə, ŋwə kee gəŋ saŋ, buꞌ laa mə nəə yɨ vənu vɔ́ nə nshi, kee ta kɨ̀ɨ nə ŋwə, nùŋ fwi nyaa maa ŋwə me.

Jeyms 2:1

Vaŋ-nshwi vaŋ faŋ viŋ nùŋ fwi siŋ maa tɨta Yeso Kristo, faŋ luu tɨta Nshɔɔ-mbi nə, kɨ viŋ baa kɨ seesə mbi me, kee kaw wuu kwalə shɔɔ mbəə me.