1 Kɔrintian 2:6 - Vengo (Babungo)

⁶ Luu nə, yitɔfə yimɔ́ꞌ lùu shɔ faŋ yia fɨꞌtə nu Nwi tɨ́ vɨɨ mbɨə faŋ nu Nwi lwàŋ taa fwisə vəŋ. Kəŋ tɔ-ley kɔ́ kee ndɔ̀ fɨ taa mbi nyə̀ me, tɨꞌnə me fɨ ghɔ vəwutə faŋ mbə sɔꞌ mbi nyə̀ me.

1 Kɔrintian 2:6 ပူးပေါင်းရင်းမြစ်များ

Matiu 13:22

Gə fɨ maa say faŋ vɨ mɔ̀ꞌ taa nyawsə nə, lùu yaa wə faŋ ŋwə zɔ̀ yigisə Nwi, luu nə, ywìitə sheꞌ vətɔ və shɨ nsi, vənu və ka bweꞌsə ŋwə nɨzi, kà nu Nwi kɔ́ fɨ taa fwi ŋwə, ŋkə ku, kee yə̀əsə ŋgwisə yi me.

Matiu 19:21

Yeso gi tɨ́ ŋwə laa, «A kəə laa a baw mètə, a gə fìŋtə vətɔ və, gàa ka ghɔ́ tɨ́ vɨɨ ŋɨꞌ, buu vəkeynə və taa luu yizɔ. A yɨ̀ nɨniŋ, a kɨ nii jwì bèꞌsə mə.»

Matiu 5:48

Nɨniŋ, bàw viŋ baw shɨlə yaa tɨta Nwi Tii wiŋ fɨ yizɔ, faŋ ŋwə bàw shɨlə nə.»

Lukas 16:8

Ŋwə nə yɨ̀ nɨniŋ, tɨɨ faꞌ wi bəŋsə yitɔfə yi, faŋ ŋwə kɔlə kee lùu wuu yinsəŋ nə me. Maa vɨɨ fɨ taa mbi yibwə nyə̀ kɨɨ yɨsə nu nə yitɔfə ghɔ vəliŋ vəvəŋ, shɔ̀ɔ vɨɨ mbɨə faŋ vəŋ toꞌ fɨ taa məley Nwi.

1 Kɔrintian 1:28

Ŋwə shòꞌ vɨɨ mbɨə faŋ vəŋ kee lùu nu taa mbi nyə̀ me, nə mbɨə faŋ vɨɨ yaa kɨ shiasə vəŋ. Nwi ndɨ̀ ŋkee vətɔ vədayday, yɨ̀ laa mbə shɔɔ vətɔ mbɨə faŋ vɨɨ taa mbi nùŋ fwi shɔ, kɨ gisə laa lùu ŋkee vətɔ nə.

1 Kɔrintian 12:8

Wə mɔ́ꞌ kìi yigisə tɔ-ley faŋ kɔ̀ Zwitə Nwi tɨ́ ŋwə. Wə mɔ́ꞌ kɨɨ gi kɔ̀ŋ nu Nwi ŋkee jəə, faŋ də̀ sheꞌ Zwitə Nwi kɔ́ də̀ nu kɔ́ tɨ́ ŋwə nɨzi.

1 Kɔrintian 14:20

Vaŋ-nshwi vaŋ, kɨ viŋ kɨ bɨꞌtə vənu yuu vaŋmbwaa me. Nu ŋkɨə faŋ kaꞌ viŋ lùu yaa vaŋmbwaa, faŋ vəŋ kee ta weꞌ maa nu me, lùu maa məyɨsə vənu vəbwəvə. Bàw viŋ kee weꞌ maa kəŋ nu ghɔ́ me. Luu nə, bàw viŋ lùu yaa vɨɨ taa maa məbɨꞌtə vənu.

1 Kɔrintian 2:1

Vaŋ-nshwi vaŋ, viŋ lumə faŋ mə nə fɔŋ jwì yɨ viŋ, mə nə kee ndɨ̀ yitɔfə fɨ taa mbi nyə̀ me, tɨꞌnə me jwì nə shuu sɨꞌsə maa məfɨꞌtə nu Nwi tɨ́ viŋ me.

1 Kɔrintian 2:13

Faŋ yia naysə tɨ́ vɨɨ kɔ̀ŋ vəkɔ vɔ́, yia kee ndɨ̀ yigi faŋ nyə ndɔ̀ fɨ maa tɔ-ley wə mənsaw me; də̀ Zwitə Nwi də̀ vənu vɔ́ tɨ́ yia. Yia twelə vənu mbɨə faŋ mbə ndɔ̀ fɨ ghɔ Zwitə Nwi tɨ́ vɨɨ faŋ vəŋ kìi Zwitə Nwi taa fwisə vəŋ.

1 Kɔrintian 2:8

Vəwutə vənshə faŋ mbə sɔꞌ mbi nyə̀, kee kɨ̀ɨ nə kəŋ tɔ-ley kɔ́ me. Mbə nəə toꞌ kɨɨ, buu vəŋ nə kee bèy tɨta Yeso Kristo, faŋ lùu Tɨɨ vəwutə, fuu fəŋkɔꞌ fə ŋkɨꞌsə me.

1 Kɔrintian 3:1

Vaŋ-nshwi vaŋ, faŋ mə nə fɔŋ jwi yɨ viŋ nə, nə kaꞌ mə kee gì tɨ́ viŋ yaa mə gisə tɨ́ vɨɨ faŋ vəŋ kìi Zwitə Nwi taa fwisə vəŋ me. Mə nəə bee kii gisə tɨ́ viŋ yaa vɨɨ taa mbi nyə̀, buꞌ laa viŋ nəə kɨ bii yuu vaŋmbwaa taa nu Kristo.

2 Kɔrintian 1:12

Nu ŋkɨə faŋ kaꞌ yia koꞌsə ŋwaa shɔ, lùu laa tɔ kia bìŋ laa ghuu yitoꞌ kia fɨ taa mbi nə bàw, baa ley vɨsɨ Nwi. Yia nəə kee toꞌ nə yitɔfə vɨɨ fɨ taa mbi me, toꞌ sheꞌ faŋ Nwi nə də̀ tɨ́ yia, faŋ ŋwə nə kèe gəŋ sia nə. Yia nəə toꞌ nɨniŋ fɨ taa mbi nyə̀, toꞌ nɨniŋ ŋkee jəə taa ŋwaa viŋ.

2 Kɔrintian 13:11

Maa məndwə, vaŋ-nshwi vaŋ, viŋ bwey jəə. Viŋ biŋ laa vɨ bɔŋsə viŋ, bwàsə fwi yiŋ. Viŋ bɨꞌtə nu kiŋ kəmuꞌ, dùꞌ nə mənɔŋ-bwaŋnə viŋ viŋ. Nwi faŋ lùu Nwi məkaw vɨɨ, baa lùu Nwi mənɔŋ-bwaŋnə nɨzi, dùꞌ viŋ vɨ vəŋ.

2 Kɔrintian 4:3

Kɨ luu laa ntɔŋ yijəə Nwi, faŋ yia fɨꞌtə tɨ́ vɨɨ nə, kee yiley tɨ́ vɨɨ mɔ́ꞌ me, buu lùu tɨ́ vɨɨ mbɨə faŋ vəŋ ndɔ ndi.

2 Kɔrintian 4:4

Tɨɨ vəzwitə vəbwəvə faŋ ŋwə sɔꞌ mbi nyə̀, kìasə fwisə vɨɨ vɔ́, laa mbɨꞌtə vəŋ kee ley me, vəŋ kee nùŋ fwisə vəŋ maa Kristo me. Ŋwə yɨ̀ nɨniŋ laa kɨ vəŋ ye məley nu Nwi me, kee kɨ zɔ ntɔŋ yijəə Nwi kɔ̀ŋ Kristo faŋ ŋwə bàw shɔ̀ɔ, baa fɨnə Nwi me.

Efesɔs 2:2

Yighee vɨsɨ yɔ́, viŋ nəə shɔɔ fɨ maa jɨɨsə bwəsə taa mbi, zɔnə tɨɨ vəzwitə vəbwəvə fɨ taa mbi faŋ ŋwə sɔꞌ vɨɨ mbɨə faŋ vəŋ twey nu Nwi ndwə nə.

Kɔlɔsii 1:28

Luu sheꞌ nu Kristo kɔ́ faŋ yia fɨꞌtə tɨ́ vɨɨ nə. Yia tɨsə vɨɨ vənshə, baa naysə nu Nwi tɨ́ vɨɨ vənshə nə yitɔfə yinshə, tɨ́ kaꞌ wə tɨ̀ me wə faŋ ŋwə kwàŋ fwi yi maa Kristo, kɨ toꞌ maa jɨɨ njyə faŋ Nwi kàw, maa vənu vənshə.

Kɔlɔsii 4:12

Epafras, faŋ lùu wuu shɨ wiŋ, baa lùu wuu faꞌ Yeso Kristo nə, shɔꞌtə viŋ nɨzi. Ŋwə shɔꞌtə Nwi tɔ viŋ ghee nshə, ndwaŋ Nwi ŋkee nəŋay laa viŋ ta taa nu Nwi, wèꞌ shɔ, kɨ kɨɨ nə Nwi, tɨ́ kaꞌ viŋ bàw shɨlə, yɨ̀ nu ŋkɨə faŋ Nwi kàw.

Hibru 5:14

Wə ntɨə faŋ ŋwə duꞌtə ŋwə ta, ŋwə zɨ ŋkee fazɨ. Ŋwə duꞌtə ŋwə zwetə maa məbɨꞌtə nu, tɨ́ kaꞌ ŋwə kɨɨ nə nu bwə, baa nə nu jəə.

Hibru 6:1

Faŋ ŋkə lùu nɨniŋ nə, bàw nsiŋ kɨ gə vɨsɨ nə nu ŋkɨə faŋ lùu nu wə faŋ ŋwə ta kùꞌnə. Nsiŋ kee baa kɨ gisə kɔ̀ŋ mfɔŋsə vənu və Kristo me, faŋ lùu laa vɨɨ kwiinə fwisə vəŋ, kee baa kɨ yɨsə vənu vəbwəvə faŋ mbə jwi nə yiku nə me, baa nə laa vɨɨ nuŋ fwi vəŋ maa Nwi. Viŋ duꞌtə viŋ kɨɨ nə vənu vɔ́. Kaꞌ vɨ kee bɔ̀ŋ shɨ ŋii ghee bɔɔ me.

Jeyms 3:15

Kəŋ tɔ ley kɔ́ kee ndɔ fɨ ghɔ Nwi me, nyə ndɔ fɨ shɨ nsi. Lùu nu vɨɨ mbi yibwə, baa lùu nu zwitə bwə,

Jeyms 3:2

Nsiŋ vənshə ndì vənu vəyaŋ. Wə kɨ luu kee ndì nu nə shuu wi me, buu wə ghɔ́ bàw shɨ̀lə; kaꞌ ŋwə jiatə ŋwaa wi nshə.

1 Pita 5:10

Nshɨ-tɔ Nwi ndɔ naysə viŋ fɨ maa ŋɨꞌ faŋ viŋ yè maa wee-fɨ-kuŋtə yighee, bɔ̀ŋsə viŋ, kwàŋ wutə maa viŋ, viŋ duꞌ, kee baa nə̀ꞌnə me. Ŋwə lùu wuu məgaŋtə wiŋ nə vənu vənshə, faŋ ŋwə shòꞌ viŋ buꞌ Kristo, viŋ ndɔ baw shɨlə yaa ŋwə, gòꞌsə yighee muꞌ.