1 Kɔrintian 2:4 - Vengo (Babungo)

⁴ Faŋ mə nə fɨ̀ꞌtə nu Nwi tɨ́ viŋ nə, mə nə kee ndɨ̀ yitɔfə wə mənsaw maa məsuŋ viŋ me. Nə gaŋtə sheꞌ Zwitə Nwi nə wutə ki gaŋtə mə maa mədə tɨ́ viŋ laa lùu nu yinsəŋ faŋ mə fɨꞌtə nə.

1 Kɔrintian 2:4 ပူးပေါင်းရင်းမြစ်များ

Akts 20:27

buꞌ laa mə nə nàysə nu Nwi tɨ́ viŋ kənshə, kee mèꞌtə tuu nu faŋ ŋkə lùu taa ŋkɨɨ Nwi me.

Akts 26:28

Fwàŋ Agripa bəŋsə tɨ́ ŋwə laa, «Bəə sheꞌ tɨtiꞌ fɨ ghɔ a kiasə mə nə shuu wə, mə gu wuu Kristo.»

Roma 15:13

Nwi faŋ ŋwə yɨsə vɨɨ kɨꞌ məbwey vəlwaŋ, kwàŋ məŋaytə nə məduꞌ-nyɔŋ taa fwisə viŋ, ŋwə lwaŋ, buꞌ faŋ viŋ nùŋ fwi siŋ maa ŋwə nə. Zwitə Ley Nwi baa luu kɔ̀ wutə tɨ́ viŋ, tɨ́ kaꞌ viŋ kɨ kɨꞌ məbwey ghɔ́ nə fwi yiŋ yinshə.

Roma 15:19

faŋ Nwi nə tɨ̀ŋ yiba jɨŋ mə, də̀ vəshwenə nə vənu və shuu yɔŋvə tɨ́ vəŋ buꞌ wutə Nwi nə wutə Zwitə Ley Nwi. Lùu faŋ mə nə fɨ̀ꞌtə ntɔŋ yijəə Nwi yinshə buꞌ Yeso Kristo, zì fɨ ntɨꞌ Jerusalem, kia gə̀ zìꞌ ŋkee maa shɨ Ilirikɔn,

Roma 16:18

buꞌ laa kəŋ vɨɨ vɔ́ kee faꞌ luu tɨ́ tɨta ŋwaa-nsiŋ Yeso Kristo me, vəŋ faꞌ luu tɨ́ njyoꞌ vəŋ, bweꞌsə vɨɨ faŋ məbiŋ vəŋ lùu ŋoo-shuu vəŋ nə yigisə yibwaŋnə nə yigisə yisɨꞌsə.

1 Kɔrintian 1:17

Kristo nə kee tɔ̀ŋ mə laa mə kɨ toꞌ kɔ muu mə Nwi tɨ́ vɨɨ me. Ŋwə nə tɔ̀ŋ mə laa mə kɨ toꞌ fɨꞌtə ntɔŋ yijəə Nwi tɨ́ vɨɨ. Mə nəə kee toꞌ gisə yigi yisɨꞌsə nə yigisə tɔ ley maa məyɨ laa vɨɨ biŋ ntɔŋ yɔ́ me. Mə nəə kəə laa vɨɨ kɔꞌ kɨɨ nə ŋiꞌ yiku Yeso faŋ ŋwə nə kù tɔ nsiŋ fuu fəŋkɔꞌ fə ŋkɨꞌsə nə. Kɨ ŋkə gu nu dayday tɨ́ vəŋ me.

1 Kɔrintian 2:1

Vaŋ-nshwi vaŋ, viŋ lumə faŋ mə nə fɔŋ jwì yɨ viŋ, mə nə kee ndɨ̀ yitɔfə fɨ taa mbi nyə̀ me, tɨꞌnə me jwì nə shuu sɨꞌsə maa məfɨꞌtə nu Nwi tɨ́ viŋ me.

1 Kɔrintian 2:13

Faŋ yia naysə tɨ́ vɨɨ kɔ̀ŋ vəkɔ vɔ́, yia kee ndɨ̀ yigi faŋ nyə ndɔ̀ fɨ maa tɔ-ley wə mənsaw me; də̀ Zwitə Nwi də̀ vənu vɔ́ tɨ́ yia. Yia twelə vənu mbɨə faŋ mbə ndɔ̀ fɨ ghɔ Zwitə Nwi tɨ́ vɨɨ faŋ vəŋ kìi Zwitə Nwi taa fwisə vəŋ.

1 Kɔrintian 4:20

Viŋ kɔꞌ kɨɨ laa nu yifwàŋ Nwi yaa kɨ jwi nə wutə Nwi, ŋkə kee yaa kɨ jwi sheꞌ nə yigi me.

2 Kɔrintian 6:6

Yia toꞌ nə nshinə yijəə, kwaꞌtə nu Nwi, jia fwi sia, toꞌ fɨ taa bwaŋnə taa ŋwaa vɨɨ. Zwitə Ley Nwi shiŋnə yia. Yia kaw vɨɨ nə fwi yiley,

Galatia 1:10

Viŋ bɨꞌtə laa mə fɨꞌtə nu Nwi laa vɨɨ kaw mə mu, mu laa ŋkə bàw tɨ́ Nwi? Mə nii toꞌ kɨ kəə jəə fɨ ghɔ vɨɨ, buu mə kee baa lùu wuu faꞌ Kristo me.

Kɔlɔsii 2:4

Mə naysə vənu və̀ tɨ́ viŋ, tɨ́ kaꞌ wə kee baa bweꞌsə viŋ nə kəŋ yigi tɔ ley mɔ́ꞌ me.

1 Tesalonika 1:5

fɔnə ntɔŋ yijəə Nwi faŋ yia nə fɨ̀ꞌtə tɨ́ viŋ nə, kee jwì taa ŋwaa viŋ sheꞌ fɨ maa yigisə shuu me. Ŋkə nə jwì ŋkee nə wutə Nwi, baa nə Zwitə Ley Nwi. Yia nə də̀ tɨ́ viŋ faŋ ntɔŋ yijəə yɔ́ luu ŋkee nu yinsəŋ. Viŋ kɔꞌ kɨɨ faŋ yia nə tòꞌ taa ŋwaa viŋ maa mədə jɨɨ tɨ́ viŋ.

1 Pita 1:12

Vəŋ nəə kəə nɨniŋ, Nwi twelə tɨ́ vəŋ laa nu kɔ́ nə kee lùu tɨ́ vəŋ me, faꞌ vəŋ nə luu buꞌ viŋ, faŋ vəŋ nə fɨ̀ꞌtə vənu vɔ́ nə. Vənu vɔ́ nə luu sheꞌ vənu mbɨə faŋ viŋ zɔ fɨ ghɔ vɨɨ məfɨꞌtə ntɔŋ yijəə Nwi ndwə. Nwi nə tɔ̀ŋ Zwitə Ley fɨ yizɔ, ŋkə ŋii taa fwisə vəŋ, buu vəŋ jwi kɨ fɨꞌtə ntɔŋ yijəə yɔ́ tɨ́ viŋ ndwə. Luu ŋkee ntɔŋ yijəə faŋ ŋkee nshiisə-ŋiisə Nwi kəə taa ghaa ye vənu vɔ́ nɨzi.

2 Pita 1:16

Viŋ kɔꞌ kɨɨ laa vənu mbɨə faŋ yia nə fɨ̀ꞌtə tɨ́ viŋ kɔ̀ŋ wutə Yeso Kristo, baa nə laa ŋwə ndɔ bəŋ jwì fùu ntee, kee luu sheꞌ mətiitii faŋ nə bɨ̀ꞌtə wə mənsaw nə yitɔfə yi me. Nshɨ-tɔ wia nə yè feenə wi nə yisɨ.

2 Pita 2:18

Vəŋ yaa kɨ toꞌ koꞌsə ŋwaa, gisə yigi faŋ nyə kee kìi tɔ ley me. Fwisə vəŋ ndɔ maa vətɔ faŋ yiŋwaa yivəŋ kàw. Vəŋ kaw maa məzɨ shɨ, suŋtə vɨɨ mbɨə faŋ vəŋ duꞌtə vəŋ nyɨŋkə fɨ ghɔ vɨɨ bwənə, laa vəŋ bəŋ kɨ toꞌ ghuu yitoꞌ vəŋ maa jɨɨ yibwə, faŋ vəŋ nə nyɨ̀ŋkə fɨ maa jɨɨ yibwə yɔ́ sheꞌ maa kuŋtə yighee nə.