1 Kɔrintian 2:3 - Vengo (Babungo)

³ Mə nə kee jwì taa ŋwaa viŋ yaa wuu kwalə me. Mə nə jwì yaa mbəə ŋay, tɨ̀ŋ taa ŋwaa viŋ nə məfee, baa nə məlaꞌ.

1 Kɔrintian 2:3 ပူးပေါင်းရင်းမြစ်များ

Akts 17:1

Vəŋ gə nɨniŋ, shɔ̀ɔ fɨ Amfipolis nə Apolonia, gə̀ zìꞌ Tesalonika, faŋ ŋii məshɔꞌtə Nwi vɨɨ Jus nə luu yifi.

Akts 18:1

Pɔɔl kɨ nii ndɔ̀ fɨ ntɨꞌ Atens, shɔ̀ɔ gə Kɔrint.

Akts 18:12

Yighee njyə faŋ Galio nə bɨ jwì lùu goməna shɨ Akaya, vɨɨ Jus nə shə̀ŋtə, kà yighaw tɔ Pɔɔl, ndì ŋwə, gə̀ nə ŋwə taa ŋii nsɔꞌsə,

Akts 18:6

Vəŋ nə shìasə yigi yi yɔ́, gì vənu vəbwəvə buꞌ ŋwə. Ŋwə kwitə butə fɨ maa njwisə si, maa shwenə tɨ́ vəŋ, ndɔ̀ gì laa, «Viŋ ndɔ nɨndi, buu kɨ yɨsə viŋ, kee luu nsɔꞌ nyaa me, zì ndwə mə taa gə maa vɨɨ mbɨə faŋ vəŋ kee lùu vɨɨ Jus me.»

2 Kɔrintian 10:1

Mə Pɔɔl kəə kee vənu tɨ́ viŋ kɔ̀ŋ nu Kristo faŋ ŋwə zutə ndɔ sàylə. Mə faŋ viŋ gisə laa mə bwasə ŋwaa ŋwaa nsi, vɨsɨ viŋ yighee njyə faŋ nsiŋ lùu mɔ́ꞌ, baa nə laa, yighee njyə faŋ mə ndɔ fɨ yɨ viŋ, buu fwi nyaa weꞌ maa viŋ.

2 Kɔrintian 10:10

faŋ vɨɨ mɔ́ꞌ gì laa vəŋwaꞌlə və Pɔɔl lùu vəshəsə baa lùu vəweꞌ, luu nə, faŋ nsiŋ vɨ vəŋ lùu shəŋ kəmuꞌ, ŋwə bɨbwa, yigisə yi luu yibwaŋnə.

2 Kɔrintian 13:4

Vɨ nə kɨ bey ŋwə fuu fəŋkɔꞌ fə ŋkɨꞌsə, tɨ́ ŋwə bwa. Luu nə, ŋwə baa bwey buꞌ wutə Nwi. Luu sheꞌ faŋ yia toꞌ nɨniŋ nɨzi: yia bəə ŋay fɨ yiba ŋwə, luu nə, yia ndɔ bwey taa ŋwaa viŋ, yia ŋwə, wèꞌ tɨ́ viŋ buꞌ wutə Nwi kɔ́.

2 Kɔrintian 13:9

Yia ŋaytə faŋ yia bəə ŋay, viŋ weꞌ nə. Lùu nu ŋkɨə faŋ yia shɔꞌtə Nwi shɔ, laa Nwi bɔŋsə viŋ.

2 Kɔrintian 4:1

Nɨniŋ, yia kee yibwa maa məfaꞌ faꞌ Nwi me. Faꞌ Nwi ghɔ́ nə kɔ̀ Nwi tɨ́ yia buꞌ gəŋsə si, faŋ ŋwə nə kèe gəŋ sia nə.

2 Kɔrintian 4:16

Nɨniŋ, kaꞌ yia kee bwa me. Yiŋwaa yia kɔlə ye ŋɨꞌ, Nwi weꞌsə fwi sia, nsə gù fa fi shi shi.

2 Kɔrintian 6:4

Maa vənu vənshə faŋ yia yɨsə, kaꞌ vɨ ye laa yia lùu vɨɨ faꞌ Nwi, jia fwi sia dɨdɨꞌ maa yighee njyə faŋ yia ye ŋɨꞌ tɨ̀ me ŋɨꞌ.

2 Kɔrintian 7:15

Nɨniŋ, ŋkawnə yi maa viŋ lùu yiweꞌ. Ŋwə lumə viŋ faŋ viŋ nə lòotə ŋwaa maa məzɔnə ŋwə, faŋ viŋ nə kɔ̀ bwaŋnə tɨ́ ŋwə nə feenə.

2 Kɔrintian 7:5

Faŋ yia nə jwì Makedonia, yia nə kee kìi məshəŋ ŋwaa me; yia kii ŋɨꞌ maa vəshəŋ vənshə. Vɨɨ kɔ ŋɨꞌ tɨ́ yia. Fwi sia ghaysə yia nɨzi.

Efesɔs 6:5

Gə fɨ maa viŋ, vəbuꞌ, viŋ kɨ zɔnə vətɨɨ viŋ fɨ shɨ nsi nə feenə nə məlɔꞌ, baa nə fwi yijəə, yɨ nɨniŋ sheꞌ faŋ viŋ yɨsə tɨ́ tɨta Kristo.