1 Kɔrintian 2:15 - Vengo (Babungo)

¹⁵ Wə ntɨə faŋ ŋwə kìi Zwitə Nwi taa fwi ŋwə, kɔꞌ kɨɨ nə ŋiꞌ vənu vənshə. Vɨɨ mɔ́ꞌ fɨ taa mbi kee kɨ̀ɨ nə ŋiꞌ nu ŋkɨə faŋ wə ghɔ́ yɨ̀ me.

1 Kɔrintian 2:15 ပူးပေါင်းရင်းမြစ်များ

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 7:17

Wə kɨ luu kɨ kəə yɨ̀ nu ŋkɨə faŋ Nwi kàw, buu kaꞌ ŋwə kɨɨ laa yigisə nyaa yɔ́ ndɔ̀ fɨ ghɔ Nwi, laa nyə kee lùu nu faŋ mə gisə maa ŋkɨɨ nyaa me.

Akts 16:3

Pɔɔl nə kəə laa ghɔ Timoti kɨ toꞌ mɔ́ꞌ. Nɨniŋ, ŋwə ndi Timoti, sɨ̀ɨtə ŋwə, buꞌ vɨɨ Jus faŋ vəŋ nə luu maa kwiŋ ghɔ́, faŋ vəŋ nəə kɔꞌ kɨɨ laa tɨɨ Timoti nə luu wə fɨ shɨ Griis.

1 Kɔrintian 14:37

Kɨ luu wə luu shɔ faŋ ŋwə bɨꞌtə laa yi lùu nshiiŋii-sɔghɔ, tɨꞌnə me laa yi kìi Zwitə Nwi taa fwi ŋwə, buu ŋwə kɔꞌ kɨɨ laa nu ŋkɨə faŋ mə nyɔ̀ꞌ tɨ́ viŋ feenə, luu ŋkee sɔꞌ faŋ ŋwə ndɔ̀ fɨ ghɔ tɨta Nwi.

1 Kɔrintian 3:1

Vaŋ-nshwi vaŋ, faŋ mə nə fɔŋ jwi yɨ viŋ nə, nə kaꞌ mə kee gì tɨ́ viŋ yaa mə gisə tɨ́ vɨɨ faŋ vəŋ kìi Zwitə Nwi taa fwisə vəŋ me. Mə nəə bee kii gisə tɨ́ viŋ yaa vɨɨ taa mbi nyə̀, buꞌ laa viŋ nəə kɨ bii yuu vaŋmbwaa taa nu Kristo.

1 Kɔrintian 4:5

Nɨniŋ, ŋkə kee kùꞌnə laa viŋ kɨ shia nsɔꞌsə tɔ vɨɨ me, faŋ yighee məshia nsɔꞌsə kee ta yikuꞌnə me. Maa shi ŋkɨə faŋ tɨta Yeso ndɔ jwi, ŋwə ndɔ də vənu ntee faŋ mbə nə lùu taa mfiŋsə, nə mbɨꞌtə wə faŋ wə kìi taa fwi ŋwə. Lùu shi kɔ́ faŋ Nwi ndɔ bəŋsə wə faŋ məbəŋsə wə ghɔ́ kùꞌnə.

Galatia 6:1

Vaŋ-nshwi vaŋ, viŋ kɨ luu fàynə viŋ vɨ wə faŋ ŋwə yɨ̀ nu bwə, bàw viŋ gaŋtə wə ghɔ́ laa ŋwə kiasə gù wuu jəə. Kaꞌ viŋ yɨ̀sə nɨniŋ faŋ viŋ kìi Zwitə Ley Nwi taa fwisə viŋ. Bàw viŋ yɨ̀ nɨniŋ, kɨ yɨsə fɨ taa bwaŋnə, baa ndeynə yiŋwaa yiŋ buꞌ məmɔŋ mɔ́ꞌ taa ŋii viŋ nɨzi.

Filipi 1:10

Mə shɔꞌtə Nwi tɔ viŋ nɨniŋ, tɨ́ kaꞌ viŋ shòꞌ nu ŋkɨə faŋ luu nu jəə fɨ maa vənu vənshə. Nɨniŋ, viŋ ndɔ luu ŋkee vɨɨ ley faŋ vənu vəvəŋ lùu vəloomə maa shi ŋkɨə faŋ Kristo ndɔ baa bəŋ jwi taa mbi nə.

Kɔlɔsii 1:9

Shù fɨ maa shi ŋkɨə faŋ yia nə zɔ̀ vənu vɔ́ kɔ̀ŋ viŋ nə, yia shɔꞌtə Nwi tɔ viŋ ghee nshə. Yia buꞌ ghɔ tɨ́ Nwi laa Nwi kɔ viŋ nə tɔ ley, tɨ́ kaꞌ viŋ kɨ̀ɨ nə nu ŋkɨə faŋ Nwi kəə laa viŋ kɨ yɨsə. Viŋ kɨɨ nə nu kɔ́ fɨ ghɔ Zwitə Ley Nwi, faŋ ŋkə kɔ̀ yitɔfə, yɨsə vənu vənshə lùu vəley tɨ́ viŋ.

1 Tesalonika 5:21

Viŋ kɨ kwaꞌtə vənu vənshə, jìa ŋkɨə faŋ ŋkə kùꞌnə.

Hibru 5:14

Wə ntɨə faŋ ŋwə duꞌtə ŋwə ta, ŋwə zɨ ŋkee fazɨ. Ŋwə duꞌtə ŋwə zwetə maa məbɨꞌtə nu, tɨ́ kaꞌ ŋwə kɨɨ nə nu bwə, baa nə nu jəə.

1 Jɔn 2:20

Gə fɨ maa viŋ, Yeso Kristo faŋ ŋwə bàw shɨ̀lə nə, tù Zwitə Ley Nwi maa viŋ. Nɨniŋ, viŋ vənshə kɔꞌ kɨɨ nə vənu və yinsəŋ.

1 Jɔn 4:1

Vɨɨmba vaŋ, kɨ viŋ baa kɨ biŋ vənu vənshə faŋ vɨɨ fɨꞌtə tɨ́ viŋ laa fɨ̀ꞌtə Zwitə Ley Nwi tɨ́ vəŋ me. Viŋ mɔŋ vəŋ, ywiitə laa zwitə ŋkɨə faŋ ŋkə lùu ghɔ vəŋ, nə ndɔ̀ fɨ ghɔ Nwi mu? Viŋ mɔŋ vəŋ buꞌ laa vɨɨ məsɨɨ təba maa nu Nwi fùu taa mbi vəyaŋ.