1 Kɔrintian 2:14 - Vengo (Babungo)

¹⁴ Wə ntɨə faŋ ŋwə kee kìi Zwitə Nwi taa fwi ŋwə me, kaꞌ ŋwə kee bìŋ vənu mbɨə faŋ mbə ndɔ fɨ ghɔ Zwitə Nwi me. Kəŋ wə ghɔ́ kaꞌ ŋwə kee kɨ̀ɨ nə vənu vɔ́ me. Ŋkə lùu tɨ́ ŋwə yaa vənu və vəmfaw, buꞌ laa luu sheꞌ Zwitə Nwi faŋ ŋkə yaa kɨ yɨsə wə kɨ̀ɨ nə kəŋ vənu ghɔ́.

1 Kɔrintian 2:14 ပူးပေါင်းရင်းမြစ်များ

Matiu 16:23

Ŋwə kiasə ŋwaa wi, gì tɨ́ Pita laa, «Suꞌtə fɨ yiba jɨŋ mə, Satan, a kɔꞌsə mə taa mbwəə, buꞌ laa a kee bɨꞌtə nu Nwi me, a bɨꞌtə luu sheꞌ nu wə mənsaw.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 10:20

Vɨɨ vəyaŋ gi laa zwitə bwə taa ŋwaa ŋwə, ŋwə ghɨghenə, baa nə laa, «Viŋ sii zɔ vənu mbɨə faŋ ŋwə gisə tɨ́ kə?»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 12:37

Faŋ Yeso nə kɔlə yɨ̀sə vəshwenə və shuu yɔŋvə vɨsɨ vɨɨ nə, vəŋ kee bee nùŋ fwi vəŋ maa ŋwə me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 14:17

Lùu Zwitə yinsəŋ, faŋ kaꞌ ŋkə kee ŋìi taa fwi mbi me, buꞌ laa kaꞌ vəŋ kee yè zwitə kɔ́ me, kee kɨ̀ɨ nə ŋkə me. Gə̀ fɨ maa viŋ, viŋ kɔꞌ kɨɨ nə zwitə kɔ́, buꞌ laa ŋkə taa goꞌ tɨ́ viŋ, baa lùu taa fwisə viŋ.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 14:26

Wuu məgaŋtə faŋ luu Zwitə Ley faŋ Nwi ndɔ tɔŋ tɨ́ viŋ buꞌ mə, ndɔ twelə vənu vənshə tɨ́ viŋ, baa lùmə vənu vənshə tɨ́ viŋ faŋ mə nə nàysə tɨ́ viŋ nə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 15:26

Luu nə, viŋ kɨ lumə laa wuu məgaŋtə jɨjwi. Yighee njyə faŋ mə taa gə̀ yɨ Tii ŋwaa, mə taa tɔŋ ŋwə, ŋwə jwi tɨ́ viŋ. Lùu Zwitə Ley Nwi faŋ ŋkə ndɔ fɨ ghɔ Tii ŋwaa, lùu ŋkə faŋ ŋkə ndɔ də nu yinsəŋ tɨ́ vɨɨ. Ŋkə ndɔ yɨsə vɨɨ kɨɨ nə yinsəŋ nyaa.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 5:44

Sii kaꞌ viŋ bìŋ nu Nwi kɨkə, faŋ viŋ kəə sheꞌ laa vaŋ-nshwi viŋ kɨ kɔ məbəŋsə tɨ́ viŋ. Viŋ kee kəə məbəŋsə fɨ ghɔ Nwi me, faŋ Nwi lùu shɔ sheꞌ ŋwə muꞌ. Lùu ŋiꞌ nu ŋkɨə faŋ kaꞌ viŋ kee bìŋ mə me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 8:43

Sii yɨ̀ kə viŋ kee zɔ nu ŋkɨə faŋ mə gisə me? Ŋkə lùu sheꞌ laa viŋ kee kàw zɔ yigisə nyaa me.

Akts 16:14

Taa ŋwaa vɨɨ vɔ́ faŋ vəŋ nə bàytə yifi, zɔ̀ nu ŋkɨə faŋ Pɔɔl nəə gisə nə, wəzwi mɔ́ꞌ nə luu shɔ, yizii yi luu Lidia. Ŋwə nə ndɔ̀ fɨ shɨ Tiateyra. Ŋwə nə luu wuu məbeꞌlə njwisə baysə, ndɔ̀ lùu wuu məbəŋsə Nwi. Ŋwə zɔ yigisə Pɔɔl, Nwi ŋaꞌsə fwi yi laa ŋwə zɔ yigisə Pɔɔl nə fwi yiley.

Akts 17:18

Vɨɨ mɔ́ꞌ faŋ nə luu vɨɨ məkəə ŋiꞌ mbi, faŋ vɨ tii vəŋ nə vɨɨ Epikurian nə vɨɨ Stoik, zɔ yigisə Pɔɔl nɨzi. Vɨɨ mɔ́ꞌ gi laa, «Wuu shuu yaŋ ŋwə̀ sii taa bee gi kə?» Vɨɨ mɔ́ꞌ gi laa ŋwə kəꞌ yaa wə faŋ ŋwə fɨꞌtə nu vənwi və tɔmə day. Vəŋ nə gì nɨniŋ, buꞌ laa Pɔɔl nəə fɨꞌtə nu Yeso nə nu məywey fɨ shɨ yiku.

Akts 17:32

Vɨɨ vɔ́ kɨ zɔ nu məywey fɨ shɨ yiku, vɨɨ mɔ́ꞌ taw ŋwə, vɨɨ mɔ́ꞌ gi laa vəŋ ndɔ baa jwi zɔ nu kɔ́ fɨ ghɔ ŋwə shi day.

Akts 18:15

Luu nə, ŋkə luu sheꞌ ntay maa yigi yimɔ́ꞌ nə yizii yimɔ́ꞌ nə nuŋsə yiŋ, bàw laa shia sheꞌ viŋ ŋgɨɨ-viŋ, mə kee taa luu tɨɨ məshia nsɔꞌ maa kəŋ vənu vɔ́ me.»

Akts 25:19

Vəŋ gi sheꞌ vənu vəmɔ́ꞌ buꞌ nu Nwi vəŋ, faŋ ntaysə nə fùu shɔ, baa nə nu kɔ̀ŋ ŋku wə mɔ́ꞌ faŋ yizii yi lùu Yeso, faŋ Pɔɔl gisə laa ŋwə mbi.

1 Kɔrintian 1:18

Vɨɨ mbɨə faŋ vəŋ toꞌ fɨ maa jɨɨ yiku, ndɨ yigi yɔ́ kɔ̀ŋ yiku Yeso fuu fəŋkɔꞌ fə ŋkɨꞌsə yaa yigisə vəmfaw. Gə̀ fɨ maa nsiŋ, faŋ Nwi bwèysə nsiŋ nə, nsiŋ kɔꞌ kɨɨ laa wutə Nwi lùu shɔ.

1 Kɔrintian 1:21

Maa yighee njyə faŋ Nwi nə də̀ yitɔfə yi tɨ́ vɨɨ fɨ taa mbi nyə̀, vəŋ nə kee bee kɨ̀ɨ nə Nwi fɨ taa tɔ-ley vəŋ me. Nɨniŋ, fwi Nwi nə bàw maa məbweysə vɨɨ mbɨə faŋ vəŋ nùŋ fwisə vəŋ maa Yeso Kristo buꞌ faŋ vəŋ zɔ̀ nu Nwi kɔ́, faŋ ŋkə lùu yaa yigisə vəmfaw nə.

1 Kɔrintian 1:23

Luu nə, yia fɨꞌtə sheꞌ nu Kristo laa vɨ nə bèy ŋwə fuu fəŋkɔꞌ fə ŋkɨꞌsə buꞌ nsiŋ. Nu kɔ́ yɨ̀sə fwisə vɨɨ Jus bɨ. Vɨɨ tɔmə day gi laa lùu nu vəmfaw.

1 Kɔrintian 1:25

Vɨɨ zɔ nu kɔ́, gì laa lùu nu vəmfaw faŋ Nwi yɨ̀sə. Luu nə, nu vəmfaw Nwi kɔ́ shɔ̀ɔ yitɔfə vɨɨ fɨ mbi. Faꞌ Nwi faŋ vɨɨ ndì yaa nu dayday, wèꞌ shɔ̀ɔ wutə vɨɨ vənshə.

1 Kɔrintian 15:44

Yighee njyə faŋ vɨ təə wə, lùu fa shɨ nsi kə̀ faŋ vɨ təə nə. Luu nə, yighee njyə faŋ wə ghɔ́ ndɔ ywey, ŋwə ywey nə ŋwaa day, faŋ lùu ŋwaa Zwitə Nwi. Kɨ luu ŋwaa wə luu shɔ, faŋ ŋwə lùu shɨ nsi nyə̀, buu ŋwaa wi mɔ́ꞌ baa lùu shɔ nɨzi, faŋ lùu ŋwaa Zwitə Nwi.

1 Kɔrintian 15:46

Kee lùu wuu Zwitə Nwi ghɔ́ faŋ ŋwə nə jwì vɨsɨ nə me. Lùu wuu ŋwaa taa mbi nyə̀ faŋ ŋwə nə jwì vɨsɨ, buu wuu Zwitə Nwi ghɔ́ jwi.

1 Kɔrintian 2:12

Zwitə ŋkɨə faŋ Nwi kwaŋ taa fwisə nsiŋ, lùu ŋkə Nwi, ŋkə kee ndɔ̀ fɨ taa mbi nyə̀ me. Lùu Zwitə Nwi kɔ́ faŋ ŋkə yɨsə laa nsiŋ kɨɨ nə vəkɔ mbɨə faŋ Nwi kɔ̀ tɨ́ nsiŋ.

1 Kɔrintian 3:1

Vaŋ-nshwi vaŋ, faŋ mə nə fɔŋ jwi yɨ viŋ nə, nə kaꞌ mə kee gì tɨ́ viŋ yaa mə gisə tɨ́ vɨɨ faŋ vəŋ kìi Zwitə Nwi taa fwisə vəŋ me. Mə nəə bee kii gisə tɨ́ viŋ yaa vɨɨ taa mbi nyə̀, buꞌ laa viŋ nəə kɨ bii yuu vaŋmbwaa taa nu Kristo.

Jeyms 3:15

Kəŋ tɔ ley kɔ́ kee ndɔ fɨ ghɔ Nwi me, nyə ndɔ fɨ shɨ nsi. Lùu nu vɨɨ mbi yibwə, baa lùu nu zwitə bwə,

1 Jɔn 2:20

Gə fɨ maa viŋ, Yeso Kristo faŋ ŋwə bàw shɨ̀lə nə, tù Zwitə Ley Nwi maa viŋ. Nɨniŋ, viŋ vənshə kɔꞌ kɨɨ nə vənu və yinsəŋ.

1 Jɔn 2:27

Gə fɨ maa viŋ, viŋ kɔꞌ kɨɨ laa Zwitə Ley Nwi faŋ Yeso nə tù maa viŋ, gòꞌsə taa fwisə viŋ, nu kee baa ghɔ̀ꞌ viŋ, tɨ́ kɨ kaꞌ wə baa kɨ deesə viŋ nə nu Nwi me, buꞌ laa Zwitə Ley Nwi kɔ́ dèesə vənu vənshə tɨ́ viŋ. Nu ŋkɨə faŋ Zwitə Ley Nwi kɔ́ dèesə tɨ́ viŋ nə, luu ŋkee nu yinsəŋ, kee lùu ba me. Nɨniŋ, bàw viŋ vɨ Yeso goꞌ nə fa kəmuꞌ.

1 Jɔn 5:20

Nsiŋ kɔꞌ kɨɨ laa Wee Nwi nə jwì ŋaꞌsə sɨ ŋaa-nsiŋ, tɨ́ kɨ kaꞌ nsiŋ kɨɨ nə Nwi faŋ lùu Nwi yinsəŋ. Nsiŋ lùu fa kəmuꞌ nsiŋ vɨ Nwi yinsəŋ, buꞌ faŋ nsiŋ lùu fa kəmuꞌ nsiŋ vɨ ŋwiŋ wi Yeso Kristo. Yeso lùu Nwi yinsəŋ, məbwey vəlwaŋ ghɔ ŋwə.

Ŋwaꞌlə Jud 1:19

Vɨɨ vɔ́ jwì nə ŋgaasə taa ŋwaa vɨɨ Nwi. Sɔꞌ zwitə mbi yibwə sɔꞌ vəŋ. Zwitə Ley Nwi kee bee lùu taa ŋwaa vəŋ me.