1 Kɔrintian 2:13 - Vengo (Babungo)

¹³ Faŋ yia naysə tɨ́ vɨɨ kɔ̀ŋ vəkɔ vɔ́, yia kee ndɨ̀ yigi faŋ nyə ndɔ̀ fɨ maa tɔ-ley wə mənsaw me; də̀ Zwitə Nwi də̀ vənu vɔ́ tɨ́ yia. Yia twelə vənu mbɨə faŋ mbə ndɔ̀ fɨ ghɔ Zwitə Nwi tɨ́ vɨɨ faŋ vəŋ kìi Zwitə Nwi taa fwisə vəŋ.

1 Kɔrintian 2:13 ပူးပေါင်းရင်းမြစ်များ

Lukas 12:12

Zwitə Ley Nwi taa deesə nu ŋkɨə faŋ viŋ taa gi tɨ́ viŋ sheꞌ maa yighee yɔ́.»

Akts 2:4

Vəŋ vənshə lwaŋ nə Zwitə Ley Nwi, tey kɨ gisə təghaŋ nɨŋkwiŋ nɨŋkwiŋ, faŋ yɨ̀sə Zwitə Ley Nwi kɔ́ laa vəŋ kɨ gisə.

1 Kɔrintian 1:17

Kristo nə kee tɔ̀ŋ mə laa mə kɨ toꞌ kɔ muu mə Nwi tɨ́ vɨɨ me. Ŋwə nə tɔ̀ŋ mə laa mə kɨ toꞌ fɨꞌtə ntɔŋ yijəə Nwi tɨ́ vɨɨ. Mə nəə kee toꞌ gisə yigi yisɨꞌsə nə yigisə tɔ ley maa məyɨ laa vɨɨ biŋ ntɔŋ yɔ́ me. Mə nəə kəə laa vɨɨ kɔꞌ kɨɨ nə ŋiꞌ yiku Yeso faŋ ŋwə nə kù tɔ nsiŋ fuu fəŋkɔꞌ fə ŋkɨꞌsə nə. Kɨ ŋkə gu nu dayday tɨ́ vəŋ me.

1 Kɔrintian 14:2

Wə faŋ Zwitə Ley Nwi kɔ̀ wutə tɨ́ ŋwə maa məgi təghaŋ nɨŋkwiŋ nɨŋkwiŋ, ŋwə gisə lùu tɨ́ Nwi, kee lùu tɨ́ vɨɨ me, buꞌ laa kaꞌ vɨɨ kee zɔ̀ ghaŋ wi me. Ŋwə gisə vənu faŋ mbə ndènə fɨ ghɔ vɨɨ.

1 Kɔrintian 2:1

Vaŋ-nshwi vaŋ, viŋ lumə faŋ mə nə fɔŋ jwì yɨ viŋ, mə nə kee ndɨ̀ yitɔfə fɨ taa mbi nyə̀ me, tɨꞌnə me jwì nə shuu sɨꞌsə maa məfɨꞌtə nu Nwi tɨ́ viŋ me.

1 Kɔrintian 2:14

Wə ntɨə faŋ ŋwə kee kìi Zwitə Nwi taa fwi ŋwə me, kaꞌ ŋwə kee bìŋ vənu mbɨə faŋ mbə ndɔ fɨ ghɔ Zwitə Nwi me. Kəŋ wə ghɔ́ kaꞌ ŋwə kee kɨ̀ɨ nə vənu vɔ́ me. Ŋkə lùu tɨ́ ŋwə yaa vənu və vəmfaw, buꞌ laa luu sheꞌ Zwitə Nwi faŋ ŋkə yaa kɨ yɨsə wə kɨ̀ɨ nə kəŋ vənu ghɔ́.

1 Kɔrintian 2:4

Faŋ mə nə fɨ̀ꞌtə nu Nwi tɨ́ viŋ nə, mə nə kee ndɨ̀ yitɔfə wə mənsaw maa məsuŋ viŋ me. Nə gaŋtə sheꞌ Zwitə Nwi nə wutə ki gaŋtə mə maa mədə tɨ́ viŋ laa lùu nu yinsəŋ faŋ mə fɨꞌtə nə.

1 Kɔrintian 9:11

Yia nə fɨ̀ꞌtə nu Nwi tɨ́ viŋ, sheꞌ yuu wə faŋ ŋwə mɔ̀ꞌ ŋɨꞌsə taa biisə ŋwə. Ŋkə kee yikuꞌnə laa viŋ, faŋ viŋ kìi sey fɨ maa faꞌ wia nə, laa viŋ kɔ fɨ maa vətɔ mbɨə faŋ viŋ kìi tɨ́ yia yimu?

Efesɔs 5:19

Viŋ shɔꞌtə wə nə wə nə yigi fɨ taa ŋwaꞌlə Sam, nə nyaysə məbəŋsə Nwi, nə nsə Zwitə Nwi, kɨ zwa nyaysə jəəsə tɨ́ tɨta ŋwaa-nsiŋ fɨ taa fwisə viŋ,

Kɔlɔsii 3:16

Viŋ duꞌ kɨ bɨꞌtə sheꞌ yigisə Kristo fɨ taa fwisə viŋ ghee nshə. Viŋ kɨ ndi yitɔfə maa mədeesə wə nə wə nə nu Nwi, tɨsə wə nə wə. Viŋ kɨ bəŋsə Nwi nə nyaysə taŋ taŋ, viŋ kɨ zwa nyaysə faŋ Zwitə Ley Nwi kɔ̀ tɨ́ viŋ. Bàw viŋ yɨ nɨniŋ, baa bwàŋ Nwi nə fwi yimuꞌ.

1 Pita 1:12

Vəŋ nəə kəə nɨniŋ, Nwi twelə tɨ́ vəŋ laa nu kɔ́ nə kee lùu tɨ́ vəŋ me, faꞌ vəŋ nə luu buꞌ viŋ, faŋ vəŋ nə fɨ̀ꞌtə vənu vɔ́ nə. Vənu vɔ́ nə luu sheꞌ vənu mbɨə faŋ viŋ zɔ fɨ ghɔ vɨɨ məfɨꞌtə ntɔŋ yijəə Nwi ndwə. Nwi nə tɔ̀ŋ Zwitə Ley fɨ yizɔ, ŋkə ŋii taa fwisə vəŋ, buu vəŋ jwi kɨ fɨꞌtə ntɔŋ yijəə yɔ́ tɨ́ viŋ ndwə. Luu ŋkee ntɔŋ yijəə faŋ ŋkee nshiisə-ŋiisə Nwi kəə taa ghaa ye vənu vɔ́ nɨzi.

2 Pita 1:16

Viŋ kɔꞌ kɨɨ laa vənu mbɨə faŋ yia nə fɨ̀ꞌtə tɨ́ viŋ kɔ̀ŋ wutə Yeso Kristo, baa nə laa ŋwə ndɔ bəŋ jwì fùu ntee, kee luu sheꞌ mətiitii faŋ nə bɨ̀ꞌtə wə mənsaw nə yitɔfə yi me. Nshɨ-tɔ wia nə yè feenə wi nə yisɨ.