1 Kɔrintian 2:12 - Vengo (Babungo)

¹² Zwitə ŋkɨə faŋ Nwi kwaŋ taa fwisə nsiŋ, lùu ŋkə Nwi, ŋkə kee ndɔ̀ fɨ taa mbi nyə̀ me. Lùu Zwitə Nwi kɔ́ faŋ ŋkə yɨsə laa nsiŋ kɨɨ nə vəkɔ mbɨə faŋ Nwi kɔ̀ tɨ́ nsiŋ.

1 Kɔrintian 2:12 ပူးပေါင်းရင်းမြစ်များ

Roma 8:1

Nɨniŋ, vɨɨ mbɨə faŋ vəŋ fàynə ghɔ vɨ Yeso Kristo, kaꞌ vəŋ kee ndɔ baa gu nsɔꞌ ndì me.

Roma 8:32

Faŋ Nwi nə kee bee sɨ̀ŋtə maa ŋwiŋ wi binə me, kɔ ŋwə tɨ́ yiku tɔ nsiŋ vənshə nə, buu ŋkə lùu kəley laa ŋwə ndɔ kɨ key nsiŋ nə vənu vənshə fɨ yiba jɨŋ ŋwə nɨzi.

1 Kɔrintian 1:27

Nwi nə shòꞌ luu vɨɨ faŋ vɨ tii vəŋ nə vəmfaw taa mbi nyə̀, tɨ́ kaꞌ tɔ dɨɨ ndɔ luu tɨ́ vɨɨ mbɨə faŋ vəŋ gì laa vəŋ lùu vɨɨ tɔ-ley. Nwi baa shòꞌ vɨɨ mbɨə faŋ vəŋ kee kìi wutə me, tɨ́ kaꞌ tɔ dɨɨ lùu tɨ́ vɨɨ mbɨə faŋ vəŋ gì laa vəŋ kìi wutə.

1 Kɔrintian 2:6

Luu nə, yitɔfə yimɔ́ꞌ lùu shɔ faŋ yia fɨꞌtə nu Nwi tɨ́ vɨɨ mbɨə faŋ nu Nwi lwàŋ taa fwisə vəŋ. Kəŋ tɔ-ley kɔ́ kee ndɔ̀ fɨ taa mbi nyə̀ me, tɨꞌnə me fɨ ghɔ vəwutə faŋ mbə sɔꞌ mbi nyə̀ me.

1 Kɔrintian 3:22

Kɨ lùu Pɔɔl, kɔ lùu Apɔlɔs, kɔ lùu Pita, vəŋ lùu vɨɨ viŋ. Mbi yinshə nə məbwey nə yiku lùu tɨ́ viŋ. Vənu və ndwə, nə vənu faŋ mbə luu vɨsɨ, mbə vənshə lùu tɨ́ viŋ.

2 Kɔrintian 4:4

Tɨɨ vəzwitə vəbwəvə faŋ ŋwə sɔꞌ mbi nyə̀, kìasə fwisə vɨɨ vɔ́, laa mbɨꞌtə vəŋ kee ley me, vəŋ kee nùŋ fwisə vəŋ maa Kristo me. Ŋwə yɨ̀ nɨniŋ laa kɨ vəŋ ye məley nu Nwi me, kee kɨ zɔ ntɔŋ yijəə Nwi kɔ̀ŋ Kristo faŋ ŋwə bàw shɔ̀ɔ, baa fɨnə Nwi me.

Efesɔs 2:2

Yighee vɨsɨ yɔ́, viŋ nəə shɔɔ fɨ maa jɨɨsə bwəsə taa mbi, zɔnə tɨɨ vəzwitə vəbwəvə fɨ taa mbi faŋ ŋwə sɔꞌ vɨɨ mbɨə faŋ vəŋ twey nu Nwi ndwə nə.

Jeyms 4:5

Viŋ bɨꞌtə laa ŋwaꞌlə Nwi gì dayday laa, «Zwitə ŋkɨə faŋ Nwi nə kwàŋ taa fwisə nsiŋ, kəə laa fwi saŋ-nsiŋ lwaŋ nə ŋkə, laa nsiŋ luu vɨɨ vi.»

1 Jɔn 2:20

Gə fɨ maa viŋ, Yeso Kristo faŋ ŋwə bàw shɨ̀lə nə, tù Zwitə Ley Nwi maa viŋ. Nɨniŋ, viŋ vənshə kɔꞌ kɨɨ nə vənu və yinsəŋ.

1 Jɔn 2:27

Gə fɨ maa viŋ, viŋ kɔꞌ kɨɨ laa Zwitə Ley Nwi faŋ Yeso nə tù maa viŋ, gòꞌsə taa fwisə viŋ, nu kee baa ghɔ̀ꞌ viŋ, tɨ́ kɨ kaꞌ wə baa kɨ deesə viŋ nə nu Nwi me, buꞌ laa Zwitə Ley Nwi kɔ́ dèesə vənu vənshə tɨ́ viŋ. Nu ŋkɨə faŋ Zwitə Ley Nwi kɔ́ dèesə tɨ́ viŋ nə, luu ŋkee nu yinsəŋ, kee lùu ba me. Nɨniŋ, bàw viŋ vɨ Yeso goꞌ nə fa kəmuꞌ.

Reveleyshən 12:9

Vɨ ndi nshɨ zɔ-ŋgu-yibay ghɔ́, mɔ̀ꞌ shɨ nsi. Luu ŋkee zɔ yimwa yɔ́ faŋ vɨ tìi nə tɨɨ vəzwitə vəbwəvə, baa nə Satan, wuu məbweꞌsə mbi yinshə. Ŋwə fiŋ fɨ taa yizɔ, fìŋ shɨ nsi, ghɔ vɨ nshiisə-ŋii si.

Reveleyshən 22:6

Nshiiŋii Nwi yɔ́ baa kɨ gi shee laa, «Yigi nyə̀ luu ŋkee yinsəŋ. Tɨta Nwi faŋ ŋwə kɔ̀ Zwitə ki tɨ́ nshiisə-ŋii sɔghɔ, tɔ̀ŋ nshiisə-ŋiisə si maa mədə nu ŋkɨə faŋ ŋkə ndɔ yasə gay.