1 Kɔrintian 2:10 - Vengo (Babungo)

¹⁰ Nwi də̀ nu kɔ́ tɨ́ nsiŋ fɨ taa Zwitə Nwi. Zwitə Nwi ye vənu vənshə vəley, ŋkee vənu vəkwalə faŋ mbə lùu shɔ taa ŋkɨɨ Nwi.

1 Kɔrintian 2:10 ပူးပေါင်းရင်းမြစ်များ

Matiu 13:11

Ŋwə bəŋsə tɨ́ vəŋ laa, «Nwi kɔ ŋiꞌ nu yifwàŋ yizɔ tɨ́ viŋ laa viŋ kɨɨ, kee kɔ̀ tɨ́ vɨɨ mbii-wə me.

Matiu 16:17

Yeso bəŋsə tɨ́ ŋwə laa, «Mənɔŋ-bwaŋnə tɔ ghɔ mɔɔ, Saymon, wee Jona, buꞌ laa nə kee twèlə mbɨꞌtə wə mənsaw twèlə nu kɔ́ tɨ́ ghɔ me, nə twèlə sheꞌ Tii ŋwaa faŋ ŋwə lùu yizɔ.

Lukas 10:21

Kɨ luu sheꞌ maa yighee yɔ́, Zwitə Ley Nwi faŋ ŋkə nə luu taa fwi Yeso nə, yɨsə ŋwə ŋaytə dɨdɨꞌ, shɔ̀ꞌtə Nwi laa, «Mə bəŋsə ghɔ, mɔɔ Tɨta, faŋ a sɔꞌ yizɔ ghɔ nsi nə, buꞌ laa a twèlə ŋiꞌ nu kɔ́ tɨ́ vɨɨ mbɨə faŋ vəŋ kee lùu vɨɨ yitɔfə me, faŋ a nə ndɨ̀ə nu kɔ́ fɨ ghɔ vɨɨ yitɔfə nə vɨɨ sɨ leynə nə. Ɔŋ mɔɔ, Tɨta, lùu faŋ ŋkə nə bàw tɨ́ ghɔ.»

Lukas 2:26

Zwitə Nwi nə duꞌtə ŋkə gi tɨ́ ŋwə laa, ŋwə ndɔ ye wuu ŋkɔꞌnə Nwi ghɔ́ ŋkəə, buu yiku ndi ŋwə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 14:26

Wuu məgaŋtə faŋ luu Zwitə Ley faŋ Nwi ndɔ tɔŋ tɨ́ viŋ buꞌ mə, ndɔ twelə vənu vənshə tɨ́ viŋ, baa lùmə vənu vənshə tɨ́ viŋ faŋ mə nə nàysə tɨ́ viŋ nə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 16:13

Nɨniŋ, Zwitə yinsəŋ kɔ́ ndɔ kɨ jwi, də jɨɨ tɨ́ viŋ, viŋ kɨɨ nə vənu vənshə faŋ mbə lùu vəbi. Zwitə kɔ́ kee gisə maa nshɨ-tɔ wi me, kɨ gisə sheꞌ nu ŋkɨə faŋ ŋkə zɔ̀ fɨ ghɔ Nwi, baa naysə vənu faŋ mbə ndɔ gay fɨ yiba.

1 Kɔrintian 14:30

Kɨ luu Nwi də nu fi tɨ́ wə mɔ́ꞌ faŋ ŋwə dùꞌ taa nshəŋtə yɔ́, faŋ wə mɔ́ꞌ tɨŋ kɨ gisə, bàw wə ghɔ́ faŋ ŋwə tɨŋ kɨ gisə nə, shia, kɔ̀ jɨɨ tɨ́ wə ntɨə faŋ Nwi də̀ nu tɨ́ ŋwə nə.

1 Kɔrintian 2:11

Wə kee lùu shɔ maa məkɨɨ nə mbɨꞌtə wə mɔ́ꞌ me. Kɨɨ sheꞌ zwitə wə kɨɨ nə mbɨꞌtə wə ghɔ́. Sheꞌ nɨniŋ, kaꞌ wə kee kɨ̀ɨ nə mbɨꞌtə Nwi me. Kɨɨ sheꞌ Zwitə Nwi kɨ̀ɨ nə mbɨꞌtə Nwi.

Galatia 1:12

Mə nə kee zɔ̀ ntɔŋ yɔ́ fɨ shuu vɨɨ me, wə nə kee dèesə vənu vɔ́ shee me. Nə də nshɨ-tɔ Yeso Kristo də̀ vənu vɔ́ shee.

Efesɔs 3:3

Ŋwə nə fùu yikəꞌ mə, twèlə ŋiꞌ nu ki shee, faŋ ŋkə nə ndènə fɨ ghɔ mə. Mə duꞌtə mə nyɔꞌ kɔ̀ŋ nu Nwi kɔ́ sheꞌ kətɨtiꞌ.

Efesɔs 3:5

faŋ Nwi nə kee ta yɨsə laa vɨɨ kɨɨ nə nu kɔ́ me. Sheꞌ ndwə ŋwə yɨsə Zwitə Ley ki twelə tɨ́ vɨɨ ntɔŋ Kristo nə tɨ́ nshiisə-ŋii sɔghɔ, faŋ luu vɨɨ ley vi.

1 Timoti 4:1

Zwitə Ley Nwi gì maa yigisə yileynə laa, ndɔ luu maa yighee shə, vɨɨ mɔ́ꞌ meꞌ nu Kristo faŋ nsiŋ nùŋ fwi saŋ-nsiŋ shɔ nə, nùŋsə fwisə vəŋ maa nu vəzwitə mbɨə faŋ mbə bweꞌsə vɨɨ, baa nə maa vənu faŋ vəzwitə vəbwəvə deesə tɨ́ vɨɨ.

1 Pita 1:12

Vəŋ nəə kəə nɨniŋ, Nwi twelə tɨ́ vəŋ laa nu kɔ́ nə kee lùu tɨ́ vəŋ me, faꞌ vəŋ nə luu buꞌ viŋ, faŋ vəŋ nə fɨ̀ꞌtə vənu vɔ́ nə. Vənu vɔ́ nə luu sheꞌ vənu mbɨə faŋ viŋ zɔ fɨ ghɔ vɨɨ məfɨꞌtə ntɔŋ yijəə Nwi ndwə. Nwi nə tɔ̀ŋ Zwitə Ley fɨ yizɔ, ŋkə ŋii taa fwisə vəŋ, buu vəŋ jwi kɨ fɨꞌtə ntɔŋ yijəə yɔ́ tɨ́ viŋ ndwə. Luu ŋkee ntɔŋ yijəə faŋ ŋkee nshiisə-ŋiisə Nwi kəə taa ghaa ye vənu vɔ́ nɨzi.

1 Jɔn 2:20

Gə fɨ maa viŋ, Yeso Kristo faŋ ŋwə bàw shɨ̀lə nə, tù Zwitə Ley Nwi maa viŋ. Nɨniŋ, viŋ vənshə kɔꞌ kɨɨ nə vənu və yinsəŋ.

1 Jɔn 2:27

Gə fɨ maa viŋ, viŋ kɔꞌ kɨɨ laa Zwitə Ley Nwi faŋ Yeso nə tù maa viŋ, gòꞌsə taa fwisə viŋ, nu kee baa ghɔ̀ꞌ viŋ, tɨ́ kɨ kaꞌ wə baa kɨ deesə viŋ nə nu Nwi me, buꞌ laa Zwitə Ley Nwi kɔ́ dèesə vənu vənshə tɨ́ viŋ. Nu ŋkɨə faŋ Zwitə Ley Nwi kɔ́ dèesə tɨ́ viŋ nə, luu ŋkee nu yinsəŋ, kee lùu ba me. Nɨniŋ, bàw viŋ vɨ Yeso goꞌ nə fa kəmuꞌ.

Reveleyshən 1:1

Ŋwaꞌlə ŋwə̀ lùu ŋwaꞌlə kɔ̀ŋ vənu faŋ mbə nə ndènə fɨ ghɔ vɨɨ, Nwi ndi kɔ̀ ghɔ Yeso Kristo laa ŋwə də nu ŋkɨə faŋ ŋkə taa ghaa yasə gay tɨ́ vɨɨ faꞌ vi. Yeso nə tɔ̀ŋ wuu ntɔŋ wi maa nu kɔ́, ŋwə gə də̀ shwenə ki tɨ́ wuu faꞌ wi Jɔn.

Reveleyshən 2:24

Gə fɨ maa viŋ, bətə vɨɨ fɨ shɨ Tiateyra, faŋ viŋ kee bìŋ nu kɔ́ me, mə kee taa kɔ ntɨ yiday tɨ́ viŋ me, buꞌ laa viŋ kee kɨ̀ɨ nə ŋiꞌ nu njyoꞌ Satan kɔ́ me, faŋ vɨɨ mbii-wə gisə laa vəŋ kɨɨ nə ŋiꞌ nu nə.