1 Kɔrintian 16:9 - Vengo (Babungo)

⁹ buꞌ laa Nwi ŋàꞌsə jɨɨ shee feenə, tɨ́ kaꞌ mə fàꞌ faꞌ Nwi ŋkee jəə. Ŋwə baa fùu jəə, faŋ vɨɨ kɔlə lùu shɔ, faŋ vəŋ kəə bɨsə faꞌ ŋwaa ghɔ́ nə.

1 Kɔrintian 16:9 ပူးပေါင်းရင်းမြစ်များ

Akts 14:27

Faŋ vəŋ nə bəŋ jwi zìꞌ Antiɔk, bàytə vɨɨ məbiŋ nu Kristo, nàysə vənu vənshə faŋ Nwi nə gàŋtə vəŋ, vəŋ yɨsə, baa nə faŋ Nwi ŋaꞌsə jɨɨ tɨ́ vɨɨ tətɔŋ fu, laa vəŋ biŋ nu Nwi.

1 Kɔrintian 15:32

Yighee njyə faŋ mə nə luu shɨ Efesɔs, mə nə luu taa ŋɨꞌ, ŋkə nə luu yuu mə nywenə yia nyaasə shəsə fɨ taa gay. Ŋkə nəə toꞌ maa lùu laa vɨ yweysə vɨɨ fɨ shɨ yiku me, buu sey ŋgwə faŋ mə kìi, faŋ mə yɨ̀sə kəŋ vənu ghɔ́ nə, sii lùu kə? Ŋkə toꞌ kee lùu laa vɨɨ ndɔ ywey fɨ shɨ yiku me, buu ŋkə bàw laa mə gi tɨ́ viŋ laa «Nsiŋ kɨ zɨ, ndɔ nu məluꞌ, zə̀ yiŋwaa nyaa-nsiŋ, buꞌ laa mbisɨ nsiŋ taa kukə.»

2 Kɔrintian 1:6

Yighee njyə faŋ Nwi kwàŋ ŋɨꞌ tɔ yia nə, ŋwə yɨ̀ nɨniŋ laa ŋwə boolə viŋ, bwèysə viŋ shɔ. Yighee njyə faŋ Nwi boolə yia, buu ŋwə bòolə viŋ nɨzi, kɔ viŋ nə wutə, tɨ́ kaꞌ viŋ jìa fwi siŋ yighee njyə faŋ kəŋ ŋɨꞌ ghɔ́, faŋ nyə ŋìi maa yia nə, ŋìi maa viŋ nɨzi.

2 Kɔrintian 2:12

Yighee njyə faŋ mə nə ziꞌ Troas maa məfɨꞌtə ntɔŋ yijəə Nwi kɔ̀ŋ Yeso Kristo shɔ, Nwi nə ŋàꞌsə jɨɨ shee maa məfɨꞌtə ntɔŋ yijəə yɔ́ tɨ́ vɨɨ.

Filipi 3:18

Vɨɨ vəyaŋ lùu shɔ faŋ vəŋ kee tòꞌ nɨniŋ me. Mə duꞌtə mə gi tɨ́ viŋ kɔ̀ŋ vɨɨ vɔ́ ghee yaŋ. Mə baa naysə tɨ́ viŋ nə mənsɨ sɨ mə ndwə laa, jɨɨ njyə faŋ vɨɨ vɔ́ toꞌ fɨ fuŋ nə, lùu jɨɨ vɨɨ mbeenə nu fəŋkɔꞌ fə ŋkɨꞌsə fə Kristo.

Kɔlɔsii 4:3

Viŋ kɨ shɔꞌtə Nwi tɔ yia nɨzi, laa Nwi gaŋtə yia, ŋàꞌsə jɨɨ tɨ́ yia, tɨ́ kaꞌ yia kɨ fɨꞌtə nu Nwi tɨ́ vɨɨ, baa naysə nu Kristo faŋ ŋkə nə ndenə fɨ ghɔ vɨɨ nə. Luu sheꞌ buꞌ nu Kristo kɔ́, faŋ mə lùu feenə taa ŋii mfiŋ nə.

Jeyms 5:16

Bàw viŋ biŋ nu bwə kiŋ, viŋ viŋ, kɨ buꞌ ghɔ tɨ́ Nwi, viŋ viŋ, tɔ viŋ, laa viŋ bwey fɨ maa vəza viŋ. Wə ntɨə faŋ vənu vi lùu vəloomə, kɨ luu bùꞌ ghɔ tɨ́ Nwi, buu kaꞌ ŋkee nu kwalə fùu fɨ fuŋ.