1 Kɔrintian 16:2 - Vengo (Babungo)

² Bàw laa yiwiŋ tɨ̀ me yiwiŋ, maa mfɔŋ shi fɨ taa yiwiŋ, bàw wə tɨ̀ me wə nuŋsə fa ŋkɨə faŋ ŋkə lùu kəjəə tɨ́ ŋwə. Kee bàw laa viŋ ndɔ tey kɨ baytə ka sheꞌ maa yighee njyə faŋ mə ndɔ luu yɨ viŋ nə me.

1 Kɔrintian 16:2 ပူးပေါင်းရင်းမြစ်များ

Mark 14:8

Wəzwi ŋwə̀ yɨ̀ nu ŋkɨə faŋ kɨ kaꞌ ŋwə yɨ̀. Ŋwə zwìsə mə nə məŋgwə buu vɨ taa təə mə.

Lukas 16:10

Wə ntɨə faŋ ŋwə yaa kɨ yɨsə nu bi nə wee-fa, baa yɨsə nu bi faŋ vɨ nuŋsə kəyaŋ ghɔ ŋwə. Wə faŋ ŋwə yɨsə nu mbuulə nə wee-fa, yaa kɨ yɨsə nu bwə nə fa yaŋ nɨzi.

Lukas 24:1

Shi zwisə kɨ shɔɔ, fu lee ŋkee taa nshia-ndoo-mbisɨ, vəki vɔ́ ndi lamenda luŋsə ghɔ́ faŋ vəŋ yaa nàysə nə, gə̀ nə ŋwə yɨ swi yɔ́.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 20:19

Kɨ lùu laynəfu maa shi kɔ́, faŋ nə luu shi vɨsɨ fɨ taa yiwiŋ, vɨɨ məzwetə nu Yeso baytə taa ŋii yimɔ́ꞌ, fə̀ŋ shuufɔ, buꞌ laa vəŋ nəə fee vɨɨ Jus. Faŋ vəŋ nə luu yifi, Yeso fuu taa ŋwaa vəŋ, shɔ̀ꞌtə vəŋ laa, «Mənɔŋ-bwaŋnə tɔ viŋ.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 20:26

Vəshi shɔɔ yifɔŋ, vɨɨ məzwetə nu Yeso baa bàytə taa ŋii, Tɔmas luu shɔ ghɔ vɨ vəŋ mɔ́ꞌ. Faŋ vəŋ nə kɔlə fə̀ŋ shuu ŋii, Yeso fuu taa ŋwaa vəŋ, shɔꞌtə vəŋ, gì laa, «Mənɔŋ-bwaŋnə tɔ viŋ,»

Akts 20:7

Kɨ luu maa shi vɨsɨ faŋ yiwiŋ zì, yia faynə shəŋ muꞌ, yia vɨ vɨɨ məbiŋ nu Kristo maa məbɨꞌtə bee, Pɔɔl gi ghɔ vɨ vəŋ, buꞌ laa ŋwə nəə kəə ndɔ̀, faŋ fu taa lee. Nɨniŋ, ŋwə gi yigi zìꞌ nɨntəŋ vətuꞌ.

2 Kɔrintian 8:10

Nɨniŋ, mbɨꞌtə nyaa maa nu kɔ́ lùu laa, bàw viŋ metə nu ŋkɨə faŋ viŋ nə tey yizu ndwə nə, faŋ viŋ nə luu mfɔŋsə vɨɨ maa mətey nu kɔ́, baa lùu mfɔŋsə vɨɨ ŋkee maa mənuŋ fwi shɔ.

Reveleyshən 1:10

Kɨ luu maa shi zwisə Nwi mɔ́ꞌ, Zwitə Ley Nwi ŋii maa mə, mə zɔ gɨ wə gi fɨ yiba jɨŋ mə nəŋay yaa gɨ yisaw.