1 Kɔrintian 16:10 - Vengo (Babungo)

¹⁰ Timoti taa kɨ jwi yɨ viŋ, kɨ viŋ shiasə ŋwə me. Viŋ jia ŋwə jəə, tɨ́ kaꞌ fwi yi bàw, ŋwə kee fee maa məfaꞌ faꞌ Nwi me, buꞌ laa ŋwə nɨzi faꞌ tɨ́ tɨta Yeso Kristo sheꞌ faŋ mə faꞌ nə.

1 Kɔrintian 16:10 ပူးပေါင်းရင်းမြစ်များ

Akts 16:1

Nɨniŋ, Pɔɔl ghɔ Silas gə ziꞌ Derbi nə Listra. Wuu məzwetə nu Kristo mɔ́ꞌ nə luu shɔ, yizii yi lùu Timoti. Nshu wi nə luu wuu Jus faŋ ŋwə nə nùŋ fwi yi maa Yeso. Tii wi nə luu wuu Griik.

Akts 19:22

Nɨniŋ, ŋwə bɨ tɔ̀ŋ vɨɨ ŋgaŋtə vi vəbɔɔ shɨ Makedonia, təzii təvəŋ luu Timoti nə Erastɔs. Nshɨ-tɔ Pɔɔl baa shì Asia, bètə vəshi vəmɔ́ꞌ.

Roma 16:21

Timoti, faŋ yia ŋwə faꞌ mɔ́ꞌ nə, nə Lusiɔs, nə Jason, nə Sosipata, faŋ lùu vɨɨ shɨ vaŋ nə, shɔꞌtə viŋ.

1 Kɔrintian 15:58

Nɨniŋ, vaŋ-nshwi vaŋ faŋ mə kàw, viŋ kɨ tɨŋnə weꞌ. Viŋ goꞌ fa kəmuꞌ viŋ vɨ Kristo. Viŋ kɨ faꞌ faꞌ Nwi nə fwi yinshə, buꞌ laa viŋ kɔꞌ kɨɨ laa faꞌ ŋgwə faŋ viŋ faꞌ tɨ́ tɨta Yeso, kee ndɔ ndi day me.

1 Kɔrintian 16:11

Kɨ tuu wə muꞌ shiasə ŋwə me. Yighee njyə faŋ ŋwə ndɔ baa kɨ gə, viŋ gaŋtə ŋwə, twey ŋwə jɨɨ jəə jəə, tɨ́ kaꞌ ŋwə jwi yɨ mə. Yia vɨ vɨɨ Nwi fɨ feenə kɨꞌ ŋwə.

1 Kɔrintian 4:17

Lùu ŋiꞌ nu ŋkɨə faŋ mə tɔ̀ŋ Timoti yɨ viŋ, ŋwə taa baa lumə tɨ́ viŋ, faŋ nshinə nyaa dùꞌ taa jɨɨ Yeso Kristo, nə vənu mbɨə faŋ mə deesə tɨ́ vɨɨ Nwi maa vəshəŋ vənshə. Timoti lùu ŋwiŋ ŋwaa taa nu Nwi, faŋ mə kàw ŋwə. Yia ŋwə lùu fa kəmuꞌ yia vɨ Yeso Kristo. Ŋwə faꞌ faꞌ Yeso Kristo nə fwi yimuꞌ.

2 Kɔrintian 1:1

Lùu mə, Pɔɔl, faŋ Nwi nə shòꞌ mə laa mə luu wuu faꞌ Yeso Kristo, baa nə weenshu ŋwaa-nsiŋ Timoti, faŋ yia nyɔ̀ꞌ ŋwaꞌlə ŋwə̀ tɨ́ viŋ. Yia nyɔ̀ꞌ tɨ́ viŋ, vɨɨ ley Nwi vənshə fɨ shɨ Kɔrint nə fɨ nsi Akaya yinshə.

2 Kɔrintian 6:1

Faŋ yia gaŋtə maa faꞌ Nwi nə, yia tɨsə viŋ laa viŋ ndɨɨnə laa gəŋsə Nwi, faŋ Nwi kèe gəŋ saŋ-nsiŋ nə, kee gù nu dayday tɨ́ viŋ me.

1 Tesalonika 3:2

Nɨniŋ, yia nə tɔ̀ŋ Timoti, faŋ lùu weenshu ŋwaa-nsiŋ, baa lùu wuu faꞌ Nwi faŋ yia vɨ vəŋ fɨꞌtə ntɔŋ yijəə Nwi kɔ̀ŋ Yeso Kristo nə. Yia nə tɔ̀ŋ ŋwə nɨniŋ laa ŋwə jwi wèꞌsə fwi siŋ, gàŋtə viŋ maa mənuŋ fwi siŋ maa Yeso Kristo, twèꞌ shɔ,

1 Tesalonika 4:12

Viŋ yɨ nɨniŋ laa ghuu yitoꞌ kiŋ baw tɨ́ vɨɨ mbɨə faŋ vəŋ kee lùu vɨɨ Nwi me, baa nə laa viŋ kee kɨ bəə fa laa vəŋ kɨ gaŋtə viŋ shɔ me.