1 Kɔrintian 16:1 - Vengo (Babungo)

¹ Gə fɨ maa ka ŋgwə faŋ vɨ baytə maa məgaŋtə vɨɨ Nwi shɔ fɨ shɨ Jerusalem, bàw viŋ kɨ yɨ sheꞌ maa jɨɨ njyə faŋ mə nə tɨ̀ vəməshəŋtə və vɨɨ Nwi fɨ shɨ Galatia shɔ nə.

1 Kɔrintian 16:1 ပူးပေါင်းရင်းမြစ်များ

Akts 11:28

Wə mɔ́ꞌ fɨ taa ŋwaa vəŋ luu Agabɔs. Ŋwə ndɔ fɨ nsi, gì faŋ Zwitə Ley Nwi nàysə tɨ́ ŋwə laa, ŋkee jɨŋ yiweꞌ taa koo shɨ nsi. Jɨŋ yɔ́ kɨ nii kòo shɨ nsi maa yighee fwàŋ Klɔɔdiɔs.

Akts 11:30

Vəŋ yɨsə nɨniŋ, kɔ̀ vətɔ vɔ́ tɨ́ Barnabas ghɔ Sɔɔl, tɔŋ vəŋ, vəŋ gə kɔ̀ tɨ́ vɨɨ taa fɨ taa nshəŋtə vɨɨ Kristo ntɨꞌ Jerusalem.

Akts 16:6

Vɨ Pɔɔl kɨ nii shɔ̀ɔ fɨ taa məshɨ mə Frigia nə Galatia, buꞌ laa Zwitə Ley Nwi nə fəŋ vəŋ maa məfɨꞌtə nu Nwi shɨ Asia.

Akts 18:23

Pɔɔl nə shì Antiɔk vəshi vəmɔ́ꞌ, baa kii ndɔ fɨ fuŋ, gə̀ tòꞌ fɨ kwiŋ Galatia nə Frigia, toꞌ gisə tɨ́ vɨɨ məbiŋ nu Kristo, yɨsə vəŋ weꞌ maa nu Nwi.

Akts 24:17

Mə nə ndɔ̀ fɨ ntɨꞌ Jerusalem ŋkə tày dɨdɨꞌ, ŋuꞌsə səyaŋ shɔɔ, buu mə baa gə̀ shɔ ndwə maa məgaŋtə vɨɨ Jus nə ka, baa nə maa məkɔ vəkɔ və Nwi.

Akts 9:13

Ananias bəŋsə laa, «Tɨta, mə nə zɔ̀ fɨ ghɔ vɨɨ vəyaŋ laa wə ghɔ́ nəə yɨsə vənu vəbwəvə dɨdɨꞌ maa vɨɨ ley Nwi fɨ ntɨꞌ Jerusalem.

Akts 9:41

Pita nesə ghɔ ki, shàꞌsə ŋwə yizɔ, kɨ nii tìi vɨɨ məbiŋ nu Yeso nə vəki ŋkusə, kɔ ŋwə tɨ́ vəŋ, bwey.

Roma 12:13

Viŋ kɨ gaŋtə vɨɨ ley Nwi mbɨə faŋ vəŋ bəə fa, ndi vəndɔ taa ndɔꞌ viŋ nə fwi yijəə.

1 Kɔrintian 11:34

Jɨŋ kɨ luu kɨ zasə wə mɔ́ꞌ, bàw ŋwə bɨ zɨ̀ fazɨ taa ŋii ŋwə ŋkəə, buu jwì, tɨ́ kaꞌ məshəŋtə wiŋ kee lùu maa jɨɨ njyə faŋ kaꞌ Nwi kwàŋ viŋ taa nsɔꞌ me. Gə fɨ maa vənu vəmɔ́ꞌ, mə taa tɨ viŋ shɔ faŋ mə taa jwi yɨ viŋ.

1 Kɔrintian 16:15

Vaŋ-nshwi vaŋ, gə̀ fɨ maa Stefanas, viŋ kɔꞌ kɨɨ laa ŋwə nə luu mfɔŋ wə fɨ nsi Akaya faŋ ŋwə nə bìŋ nu Nwi. Ŋwə baa luu tweꞌ ghɔ vɨ vɨɨ vi laa vəŋ taa faꞌ maa məgaŋtə vɨɨ Nwi.

1 Kɔrintian 4:17

Lùu ŋiꞌ nu ŋkɨə faŋ mə tɔ̀ŋ Timoti yɨ viŋ, ŋwə taa baa lumə tɨ́ viŋ, faŋ nshinə nyaa dùꞌ taa jɨɨ Yeso Kristo, nə vənu mbɨə faŋ mə deesə tɨ́ vɨɨ Nwi maa vəshəŋ vənshə. Timoti lùu ŋwiŋ ŋwaa taa nu Nwi, faŋ mə kàw ŋwə. Yia ŋwə lùu fa kəmuꞌ yia vɨ Yeso Kristo. Ŋwə faꞌ faꞌ Yeso Kristo nə fwi yimuꞌ.

Galatia 1:2

Mə nyɔ̀ꞌ ŋwaꞌlə ŋwə̀, yia vɨɨ məbiŋ Kristo vənshə faŋ yia vɨ vəŋ lùu feenə. Yia vənshə shɔꞌtə viŋ, vɨɨ Nwi fɨ shɨ Galatia.

Galatia 2:10

Vəŋ nə tɨ̀ yia sheꞌ nə nu kəmuꞌ, faŋ lùu laa yia kɨ gaŋtə mbəəsə vɨɨ Kristo fɨ ntɨꞌ Jerusalem, faŋ lùu nu ŋkɨə faŋ mə nəə kəə kɨ yɨsə ŋkə ghee nshə.

Filemon 1:5

Mə bwaŋ Nwi buꞌ laa mə zɔ laa a nùŋ fwi yə maa tɨta Yeso, baa kaw ŋwə, ndɔ kaw vɨɨ ley Nwi vənshə.

Filemon 1:7

Weenshu ŋwaa, mə ŋàytə dɨdɨꞌ, baa zwisə fwi nyaa dɨdɨꞌ, buꞌ laa a kàw vaŋ-nshwi vaŋ-nsiŋ. A yɨsə fwisə vɨɨ ley Nwi zutə.

Hibru 6:10

Nwi kee lùu wuu məseesə mbi me. Kaꞌ ŋwə kee ndenə vənu vəjəəvə viŋ faŋ viŋ nəə yɨsə nə me, faŋ viŋ nə də ŋkawnə yiŋ tɨ́ vɨɨ ley Nwi, gàŋtə vəŋ maa yizii Nwi, nə faŋ viŋ kɨ gɨgaŋtə vəŋ nə.

1 Jɔn 3:17

Wə ntɨə faŋ ŋwə kìi vətɔ, yè weenshu wi faŋ ŋwə kee yikii me, kee kɨ kee gəŋ si me, buu kɨ kaꞌ ŋwə jìa nu ŋkawnə Nwi kɨkə?