1 Kɔrintian 15:56 - Vengo (Babungo)

⁵⁶ Nə luu buꞌ vənu vəbwəvə faŋ yiku kìi wutə maa məndisə vɨɨ. Vɨɨ kɨɨ nə wutə nu bwə buꞌ ntɨsə Nwi faŋ Nwi nə kɔ̀ tɨ́ vɨɨ nə.

1 Kɔrintian 15:56 ပူးပေါင်းရင်းမြစ်များ

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 8:21

Yeso baa kɨ gì tɨ́ vəŋ laa, «Mə gɨgə nə ŋwaa ŋwaa nə. Viŋ taa kəə mə dɨdu, kɨ kukə nə vənu vəbwəvə viŋ maa viŋ. Shəŋ ŋkɨə faŋ mə gə shɔ, kaꞌ viŋ kee kɨ̀ɨ nə jɨɨ jwì shɔ me.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 8:24

Lùu ŋiꞌ nu ŋkɨə faŋ mə gì tɨ́ viŋ laa, viŋ ndɔ kukə nə vənu vəbwəvə viŋ tɔ viŋ. Ŋkee yinsəŋ viŋ ndɔ kukə nə vənu vəbwəvə viŋ tɔ viŋ, buꞌ faŋ viŋ kee biŋ laa mə lùu wə ntɨə faŋ mə lùu me.»

Roma 4:15

Lùu nɨniŋ buꞌ laa ntɨsə Nwi yɨsə sheꞌ laa nsɔꞌ Nwi ndɔ ŋii maa vɨɨ, buꞌ faŋ vəŋ kee kɨɨ maa mənuŋsə ntɨsə sɔ́ me. Wə ntɨə faŋ ntɨsə sɔ́ kee lùu shɔ tɨ́ ŋwə me, buu kaꞌ ŋwə kee gù nu maa ntɨsə sɔ́ me.

Roma 5:15

Luu nə, nu gəŋsə Nwi faŋ Nwi kee gəŋsə vɨɨ nə, kee lùu yaa nu Adam me, faŋ ŋwə nə gù nu nə me. Wə muꞌ, faŋ lùu Adam, nə gù nu, buu vɨɨ vənshə kukə shɔ. Gə fɨ maa gəŋsə Nwi, nyə kwàlə shɔ̀ɔ nu kɔ́ tɨ́ vɨɨ vəyaŋ, faŋ vəŋ ndɔ zɨ məbwey vəlwaŋ buꞌ wə muꞌ nɨzi, faŋ lùu Yeso Kristo.

Roma 5:17

Faŋ ŋkə lùu nɨniŋ, faŋ wə muꞌ nə yɨ̀ nu bwə nə, yiku kɨ nii sɔ̀ꞌ vɨɨ vənshə buꞌ wə ghɔ́ muꞌ nə, buu kaꞌ nsiŋ kɨɨ ŋkee maa yinsəŋ laa vɨɨ mbɨə faŋ Nwi kèe gəŋsə vəŋ dɨdɨꞌ, kɔ məbwey vəlwaŋ tɨ́ vəŋ, kìasə vənu vəvəŋ, mbə loomə nə, vɨɨ vɔ́ ndɔ zɨ məbwey vəlwaŋ, kɨ sɔꞌ mbi ŋkee maa yinsəŋ buꞌ wə muꞌ faŋ lùu Yeso Kristo nə.

Roma 5:20

Gə fɨ maa ntɨsə Nwi, nsə kee kìi nu shɔ me; nsə nə jwì sheꞌ laa nu bwə yàŋ. Luu nə, shəŋ ŋkɨə faŋ nu bwə lùu shɔ kəyaŋ, gəŋsə Nwi yaŋ shɔ shɔ̀ɔ ki.

Roma 6:23

Lùu nɨniŋ buꞌ laa nu bwə yaa kɨ ndɔꞌ vɨɨ faꞌ vi nə yiku. Luu nə, Nwi key vɨɨ mbɨə faŋ ghɔ vɨ tɨta ŋwaa-nsiŋ Yeso Kristo lùu nə fa kəmuꞌ nə, nə məbwey vəlwaŋ faŋ ŋwə gòꞌsə yighee muꞌ.

Hibru 9:27

Nu ŋkɨə faŋ ŋkə lùu kəley, lùu laa wə tɨ̀ me wə ndɔ ku shi mɔ́ꞌ, buu Nwi kɨ nii shìa nsɔꞌ tɔ ŋwə maa vənu mbɨə faŋ ŋwə nəə yɨsə.