1 Kɔrintian 15:54 - Vengo (Babungo)

⁵⁴ Maa yighee yɔ́ faŋ yiŋwaa nyaa-nsiŋ kwiinə, gù fa faŋ kaꞌ ŋkə kee baa bɨ me, buu ŋkə ndɔ faynə nə nu ŋkɨə faŋ vɨ nə nyɔ̀ꞌ taa ŋwaꞌlə Nwi fɨshi laa, «Vɨ bɨꞌ wutə yiku. Nwi ghɔꞌ yiku, nyə mè.

1 Kɔrintian 15:54 ပူးပေါင်းရင်းမြစ်များ

Lukas 20:36

Luu nɨniŋ buꞌ laa kaꞌ vəŋ ndɔ kee baa kùkə me. Vəŋ ndɔ luu sheꞌ yaa nshiisə-ŋiisə Nwi, baa luu ŋkee vaŋ Nwi, buꞌ faŋ Nwi yweysə vəŋ fɨ shɨ yiku nə.

Roma 1:23

Vəŋ mèꞌ wutə Nwi faŋ Nwi gòꞌsə yighee muꞌ, ndì luu fənyia faŋ mfə fɨ̀nə wə faŋ ŋwə kee goꞌsə me, tɨꞌnə me fɨ̀nə fənwə, tɨꞌnə me nyaa, tɨꞌnə me vətɔ faŋ mbə toꞌ fɨ nsi.

Roma 2:7

Ŋwə ndɔ kɔ məbwey vəlwaŋ tɨ́ vɨɨ mbɨə faŋ vəŋ twèꞌ maa məyɨ nu jəə, tə̀ sɨ maa nu ŋkɨə faŋ ŋkə kee ndɔ mè me, baa kəə jɨɨ laa vəŋ baw mètə, tɨ́ kaꞌ Nwi bəŋsə vəŋ.

Roma 6:12

Nɨniŋ, kɨ viŋ biŋ laa nu bwə sɔꞌ yiŋwaa yiŋ, faŋ nyə ndɔ ku nə me. Kɨ viŋ baa kɨ biŋ fwi yiŋ ndɔ maa nu bwə, viŋ yɨsə nu kɔ́ me.

Roma 8:11

Kɨ luu laa Zwitə Ley Nwi ŋkɨə faŋ ŋkə nə ywèysə Yeso fɨ shɨ yiku nə, lùu taa fwisə viŋ, buu Nwi faŋ ŋwə nə ywèysə Yeso fɨ shɨ yiku nə, ndɔ yɨsə yiŋwaa yiŋ faŋ nyə ndɔ ku, baa ywèy nɨzi buꞌ Zwitə ki faŋ ŋkə lùu taa fwisə viŋ nə.

2 Kɔrintian 4:11

Faŋ yia kɔlə bwèy nə, yia luu shuu yiku buꞌ Yeso ghee nshə. Nɨniŋ laa vɨ kɨ ye məbwey Yeso maa mbasə ŋwaa wia, faŋ ŋwə kɔlə lùu fa yiku nə.

2 Kɔrintian 5:4

Yighee njyə faŋ nsiŋ kɨ bii taa yiŋwaa nyaa-nsiŋ shɨ nsi nyə̀, nsiŋ sɔŋ, baa saŋ ŋwaa, buꞌ laa nsiŋ kee kàw laa vɨ bɨ sɔ̀ꞌ vəbee vaŋ-nsiŋ vɔ́, buu nsiŋ fi məbwey me. Nu ŋkɨə faŋ ŋkə bàw tɨ́ nsiŋ lùu laa vɨ fianə ndɔꞌ finə ghɔ́ sheꞌ tɔ vəbee vaŋ-nsiŋ vɔ́. Nɨniŋ laa məbwey vəlwaŋ ndɔ melə təŋwaa taŋ-nsiŋ faŋ ntə lùu fa yiku nə.

2 Tesalonika 1:10

Nsɔꞌ yɔ́ ndɔ jia vəŋ maa yighee njyə faŋ tɨta Yeso ndɔ baa bəŋ jwi maa mədə yikwalə yi tɨ́ vɨɨ ley vi. Vɨɨ vənshə faŋ vəŋ nə nùŋ fwi vəŋ maa ŋwə, ndɔ bəŋsə ŋwə maa shi kɔ́. Maa viŋ nə bìŋ nu ŋkɨə faŋ yia nə gì tɨ́ viŋ ntee nə.

Reveleyshən 20:14

kɨ nii mɔ̀ꞌ yiku ghɔ shɨ yiku taa shəŋ wi kwalə. Lùu məku faŋ wə ndɔ ku lwesə ghee bɔɔ taa shəŋ wi ghɔ́.

Reveleyshən 21:4

tɔ̀ŋsə mənsɨ fɨ sɨ vəŋ. Yiku kee baa lùu shɔ me. Məluŋ nə yigwia nə ŋɨꞌ kee baa lùu shɔ me, buꞌ laa mbi yimwa shɔ̀ɔ.»