1 Kɔrintian 15:32 - Vengo (Babungo)

³² Yighee njyə faŋ mə nə luu shɨ Efesɔs, mə nə luu taa ŋɨꞌ, ŋkə nə luu yuu mə nywenə yia nyaasə shəsə fɨ taa gay. Ŋkə nəə toꞌ maa lùu laa vɨ yweysə vɨɨ fɨ shɨ yiku me, buu sey ŋgwə faŋ mə kìi, faŋ mə yɨ̀sə kəŋ vənu ghɔ́ nə, sii lùu kə? Ŋkə toꞌ kee lùu laa vɨɨ ndɔ ywey fɨ shɨ yiku me, buu ŋkə bàw laa mə gi tɨ́ viŋ laa «Nsiŋ kɨ zɨ, ndɔ nu məluꞌ, zə̀ yiŋwaa nyaa-nsiŋ, buꞌ laa mbisɨ nsiŋ taa kukə.»

1 Kɔrintian 15:32 ပူးပေါင်းရင်းမြစ်များ

Lukas 12:19

Mə yɨ nɨniŋ, buu mə taa gi fɨ taa fwi mə laa vətɔ vaŋ faŋ mə nuŋsə, yaŋ, kùꞌnə maa ŋuꞌsə səyaŋ, kaꞌ mə shəŋ ŋwaa, kɨ nu, ndɔ zɨ, ŋaytə.»

Lukas 9:25

Wə mɔ́ꞌ kɨ luu ndì shɨ nsi kənshə maa ŋkii, ndìsə ŋwaa wi, tɨꞌnə me bɨ̀sə ŋwaa wi, ŋkə sii taa gaŋtə ŋwə nə kə?

Akts 18:19

Faŋ vəŋ nə ziꞌ shɨ Efesɔs, ŋìi taa ŋii məshɔꞌtə Nwi vɨɨ Jus, gi tɨ́ vɨɨ Jus, kɨ nii mèꞌtə Prisila ghɔ Akwila shɨ Efesɔs.

Akts 18:21

gì tɨ́ vəŋ laa, «Nwi taa biŋ, mə ndɔ baa jwi.» Sheꞌ nɨniŋ, ŋwə baa kii ŋii taa bay, ndɔ̀ fɨ shɨ Efesɔs,

Akts 19:1

Nə luu maa yighee yɔ́ faŋ Apɔlɔs nə luu ntɨꞌ Kɔrint fɨ shɨ Akaya, Pɔɔl shɔɔ fɨ taa təkweꞌ fɨ nsi Asia, siꞌ jwi shɨ Efesɔs. Faŋ ŋwə nə ziꞌ shɨ Efesɔs, yè vɨɨ məbiŋ nu Kristo vəmɔ́ꞌ,

Roma 3:5

Nɨniŋ nə, vənu vəkɔvə mbɨə faŋ nsiŋ yɨsə nə, shaꞌsə yizii Nwi yizɔ, buꞌ laa vənu vi lùu vəloomə. Faŋ ŋkə lùu nɨniŋ, nsiŋ gì laa kə? Nwi lùu wuu nsɔꞌ bwə, buꞌ faŋ ŋwə kwàŋ nsɔꞌ tɔ nsiŋ nə mu? Bey, maa mə gì nee luu yigisə wə mənsaw.

Roma 6:19

Mə gisə nɨniŋ, fɨꞌ sheꞌ maa ndɨɨlə wə mənsaw, buꞌ laa ŋwaa wiŋ nə bwa maa nu Kristo. Nə luu maa yighee vɨsɨ, viŋ nə fìŋ vəshəŋ fɨ maa viŋ maa nu bwə, nə maa nu faŋ ŋkə kee kùꞌnə maa ntɨsə Nwi me, viŋ gu vəbuꞌ və vənu vɔ́, sùꞌsə ntɨsə Nwi. Nɨniŋ, bàw viŋ baa luu fìŋ yiŋwaa yiŋ yinshə tɨ́ nu ŋkɨə faŋ ŋkə lùu kəloomə ndwə, gù vəbuꞌ tɨ́ nu faŋ ŋkə lùu kəloomə, laa viŋ baw vɨsɨ Nwi, gə̀ vɨsɨ vɨsɨ.

1 Kɔrintian 16:8

Mə taa goꞌ feenə shɨ Efesɔs, zìꞌ maa shi Pentekos,

Galatia 3:15

Vaŋ-nshwi vaŋ, mə taa ndi nu fɨ taa mbi maa mfɨꞌ maa mədə nu tɨ́ viŋ. Viŋ lumə yigi viŋ wə vəbɔɔ, maa ŋgunə nyaa-nsiŋ, kɨ ghaŋ wə gwia məkee ghɔ wə vəbɔɔ, wə kee lùu shɔ baa bɨꞌ məkee mbɔ́ me, wə kee lùu shɔ baa kùꞌsə nu shɔ me, nɨniŋ buꞌ laa lùu nu faŋ vɨ gì bey.

2 Pita 2:12

Vɨɨ vɔ́ gisə bwə kɔ̀ŋ vənu faŋ vəŋ kee kɨ̀ɨ nə mbə me, vəŋ yɨ vənu yaa nyaasə faŋ nsə kee kìi tɔ ley maa məbɨꞌtə nu me. Nyaasə kee kɨ̀ɨ nə nu me, kaꞌ wə jia zwi. Yinsəŋ vɨɨ vɔ́ ndɔ ndi yaa nyaasə sɔ́.

Ŋwaꞌlə Jud 1:10

Gə fɨ maa vɨɨ vɔ́, vəŋ ndasə vənu faŋ vəŋ kee kɨ̀ɨ nə mbə me. Vəŋ lùu yaa nyaasə taa gay faŋ nsə kee yaa kɨ bɨꞌtə nu me. Vəŋ yɨsə vənu sheꞌ yaa nyaasə, faŋ nsə yaa kɨ yɨsə vənu, kee bee bɨꞌtə nu shɔ me. Vəŋ yɨ nɨniŋ, buu ndìsə sheꞌ vənu vɔ́ ndìsə vəŋ.