1 Kɔrintian 15:3 - Vengo (Babungo)

³ Nu ŋkɨə faŋ mə nə fɔŋ fɨ̀ꞌtə tɨ́ viŋ, luu sheꞌ nu ŋkɨə faŋ mə nə zɔ̀ nɨniŋ nɨzi. Ntɔŋ yɔ́ lùu laa Yeso nə ku buꞌ yibɨsə nyaa-nsiŋ, sheꞌ faŋ vɨ nə nyɔ̀ꞌ taa ŋwaꞌlə Nwi laa ŋkə ndɔ gay nɨniŋ.

1 Kɔrintian 15:3 ပူးပေါင်းရင်းမြစ်များ

Matiu 26:24

Wuu yinsəŋ Nwi taa ndi, yuu vɨ nə nyɔ̀ꞌ buꞌ ŋwə taa ŋwaꞌlə Nwi. Luu nə, ndwaŋ tɔ wə ntɨə faŋ ŋwə fìŋ Wuu yinsəŋ Nwi ghɔ́. Ŋkə nə bàw tɨ́ wə ghɔ́ laa kɨ vɨ bi ŋwə me.»

Matiu 26:28

lùu mənshi maa nə, faŋ vɨ tù buꞌ vɨɨ vənshə maa məndisə yibɨsə vəŋ. Lùu məkee məfimə faŋ Nwi gwìa tɨ́ viŋ.

Lukas 24:25

Yeso gi tɨ́ vəŋ laa, «Aŋ viŋ, tɔ kiŋ kee ta ley maa nu kɔ́ yimu? Fwi siŋ bwà maa məbiŋ vənu vənshə faŋ nshiisə-ŋii sɔghɔ nə nàysə nə mu?

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 1:29

Fu kɨ lee Jɔn ye Yeso faŋ ŋwə jwi yɨ ŋwə, gì tɨ́ vɨɨ laa, «Ye wə ŋwə̀. Lùu bi-njɨɨ Nwi, faŋ ŋwə biꞌ vənu vəbwəvə mbi!

Akts 17:2

Pɔɔl ŋii taa tey yi faŋ nə luu ŋgunə yi, kɨ fɨꞌtə vənu faŋ mbə luu taa ŋwaꞌlə Nwi tɨ́ vɨɨ maa vəshi və zwisə vətia, faŋ lùu təwiŋ tətia nə.

Akts 3:18

Nɨniŋ, Nwi nə yɨ̀ nɨniŋ, laa nu ŋkɨə faŋ nshiisə-ŋii sɔghɔ vənshə nə fɨ̀ꞌtə, faynə, fɔnə faŋ vəŋ nə nàysə laa Kristo, wuu məbweysə ŋwaa-nsiŋ, ndɔ ye ŋɨꞌ.

Akts 8:32

Shəŋ ŋwaꞌlə kɔ́ faŋ ŋwə nəə tii nə, luu ŋkɨə faŋ ŋkə lùu laa lee, «Ŋwə nə luu yaa bi-njɨɨ faŋ vɨ ndì, kɨ gə sɨɨ. Ŋwə nə kee ŋaꞌsə shuu wi me, kee gì tuu nu me, sheꞌ yaa wee-bi-njɨɨ faŋ nyə kee yaa kɨ gwia faŋ vɨ ki wiŋ ghi me.

Roma 3:25

Nwi nə nuŋsə ŋwə laa ŋwə tu mənshi mi, kù tɔ vɨɨ, gù vəkɔ və Nwi nɨniŋ, yɨsə vəŋ faynə gu fa kəmuꞌ, ghɔ vɨ Nwi, faŋ vəŋ taa nuŋsə fwisə vəŋ maa vəkɔ və Nwi vɔ́. Maa yighee vɨsɨ, Nwi nə jìa fwi yi, kee ta kwàŋ nsɔꞌ tɔ vɨɨ me.

Roma 4:25

Nwi nə kɔ̀ Yeso laa vɨ zwi ŋwə buꞌ yibɨsə nyaa-nsiŋ, baa ywèysə ŋwə fɨ shɨ yiku laa ŋwə kiasə nu kaŋ-nsiŋ, ŋkə loomə.

1 Kɔrintian 11:2

Mə bəŋsə viŋ dɨdɨꞌ, buꞌ laa viŋ lumə yigisə nyaa yinshə, baa bèꞌsə vənu mbɨə faŋ mə nə dèesə viŋ shɔ nə.

1 Kɔrintian 11:23

Gə fɨ maa nu fazɨ Mbɔŋ, mə nə kɨ̀ɨ nə ŋkə fɨ ghɔ tɨta Yeso Kristo. Mə baa luu ndɨ̀, kɨ dəsə tɨ́ viŋ. Ŋkə lùu laa, Nə luu vətuꞌ maa shi ŋkɨə faŋ vɨ nə fìŋ tɨta Yeso nə, ŋwə nə ndɨ̀ bee,

2 Kɔrintian 5:21

Nwi nə yɨ̀sə laa wə ntɨə faŋ ŋwə nə kee kɨ̀ɨ nə nu bwə me, biꞌ yibɨsə nyaa-nsiŋ, tɨ́ kaꞌ nsiŋ lùu vɨɨ loomə vɨsɨ Nwi.

Galatia 1:12

Mə nə kee zɔ̀ ntɔŋ yɔ́ fɨ shuu vɨɨ me, wə nə kee dèesə vənu vɔ́ shee me. Nə də nshɨ-tɔ Yeso Kristo də̀ vənu vɔ́ shee.

Galatia 1:4

Yeso Kristo nə kɔ̀ tɔ ki buꞌ vənu vəbwəvə vaŋ-nsiŋ maa məyɨ laa nsiŋ fuu fɨ ghɔ vənu vəbwəvə fɨ taa mbi nyə̀, faŋ lùu mbi yibwə nə. Ŋkə nə gày sheꞌ faŋ Nwi, Tii ŋwaa-nsiŋ, nəə kəə nɨniŋ.

Galatia 3:13

Nɨniŋ, nsiŋ lùu taa nsɔꞌ Nwi vənshə, buꞌ laa kaꞌ nsiŋ kee nùŋsə ntɨsə sənshə ghee nshə me. Luu nə, Yeso Kristo fùusə nsiŋ fɨ taa nsɔꞌ yɔ́, buꞌ faŋ ŋwə nə ye ŋɨꞌ, fi nsɔꞌ yɔ́ tɔ ŋwə buꞌ nsiŋ. Ŋkə lùu nɨniŋ buꞌ laa vɨ nə nyɔ̀ꞌ taa ŋwaꞌlə Nwi laa, «Wə tɨ̀ me wə, faŋ vɨ bey ŋwə fuu tɨ, buu lùu nsɔꞌ Nwi tɔ ŋwə.»

Efesɔs 1:7

Ŋwiŋ wi ghɔ́ nə kù tɔ nsiŋ, yɨ laa nsiŋ fuu fɨ taa nsɔꞌ Nwi buꞌ mənshi mi. Nwi ndenə yibɨsə nyaa-nsiŋ, buꞌ faŋ ŋwə kèe gəŋ saŋ-nsiŋ dɨdɨꞌ.

Efesɔs 5:2

Viŋ kɨ toꞌ yitoꞌ yiŋ nə ŋkawnə, sheꞌ faŋ Kristo nə kàw viŋ nə, kù tɔ nsiŋ nə, vɨ feꞌ ŋwə shɔ tɨ́ Nwi. Ŋkə nə bàw tɨ́ Nwi nɨniŋ.

Hibru 5:1

Nwi yaa kɨ shoꞌ vɨɨ kwalə məfeꞌ Nwi fɨ taa ŋwaa vɨɨ vi. Vɨ shoꞌ vɨɨ vɔ́ tɨ́ kaꞌ vəŋ kɨ faꞌ tɨ́ Nwi maa yizii vɨɨ vənshə. Vəŋ feꞌ Nwi nə vətɔ baa nə nyaasə, tɨ́ kaꞌ Nwi ndenə yibɨsə vɨɨ.

Hibru 5:3

Ŋwə yaa kɨ gu nu nɨzi, gə feꞌ Nwi buꞌ ŋkii nu bwə, sheꞌ faŋ ŋwə yaa kɨ feꞌ Nwi maa vənu vəbwəvə və vɨɨ nə.

1 Pita 1:11

Zwitə ley Kristo faŋ ŋkə nə luu taa fwisə vəŋ, nə tey kɨ fɨꞌtə nu ŋɨꞌ, faŋ Kristo ndɔ ye, nə feenə wi faŋ Nwi ndɔ kɔ yighee yiba. Vəŋ nəə kəə laa nu kɔ́ ndɔ gay yighee kə, baa nə laa ŋkə ndɔ jwi kɨkə?

1 Pita 2:24

Kristo nə shàꞌ vənu vəbwəvə vaŋ-nsiŋ maa ŋwə, kù fuu fəŋkɔꞌ fə ŋkɨꞌsə. Nɨniŋ laa nsiŋ gaasə nsiŋ vɨ vənu vəbwəvə, kɨ yɨsə luu vənu vəjəəvə yuu vɨ nə nyɔ̀ꞌ taa ŋwaꞌlə Nwi laa, «Buꞌ vədɨꞌ vi, vənu vəbwəvə vaŋ-nsiŋ mè.»

1 Pita 3:18

Kristo nə kù yighee muꞌ buꞌ vənu vəbwəvə faŋ vɨɨ yɨ̀sə. Ŋkee wə ntɨə faŋ vənu vi lùu vəloomə, kù tɔ vɨɨ faŋ vənu vəvəŋ kee lùu vəloomə me, laa ŋwə kiasə nsiŋ, kɔ̀ tɨ́ Nwi. Vɨ nə zwì mbasə ŋwaa wi, luu nə, zwitə ki bwey.

1 Jɔn 2:2

Luu sheꞌ buꞌ Yeso, faŋ ŋwə nə kù tɔ nsiŋ nə, laa Nwi kɨ nii mèꞌ nu bwə kaŋ-nsiŋ. Ŋwə kee mèꞌ sheꞌ nu bwə kaŋ-nsiŋ me, ŋwə mèꞌ nu bwə vɨɨ vənshə.

Reveleyshən 1:5

baa nə fɨ ghɔ Yeso Kristo faŋ ŋwə nə də̀ yinsəŋ Nwi ŋkee yiley, fì vɨsɨ maa məywey fɨ shɨ yiku, sɔꞌ vəfwàŋ fɨ shɨ nsi nɨzi. Ŋwə baa luu kàw nsiŋ, kù tɔ nsiŋ maa məbweysə nsiŋ fɨ taa vənu vəbwəvə vaŋ-nsiŋ,