1 Kɔrintian 15:23 - Vengo (Babungo)

²³ Vənu vənshə kɨ gay maa yighee yi. Nə bɨ fɔŋ ywèy Kristo fɨ shɨ yiku. Ndɔ lùu maa yighee njyə faŋ ŋwə ndɔ baa bəŋ jwì shɨ nsi, vɨɨ vi vənshə ndɔ ywey nɨzi, bèꞌsə ŋwə.

1 Kɔrintian 15:23 ပူးပေါင်းရင်းမြစ်များ

Matiu 16:27

Viŋ zɔ! Wuu yinsəŋ Nwi ndɔ baa jwì nə yikwalə Tii wi, ghɔ vɨ nshiisə-ŋiisə Nwi. Ŋwə ndɔ bəŋsə nu ŋkɨə faŋ vɨɨ nə yɨ̀sə, tɨ́ vəŋ tɔ tɔ.

Matiu 16:28

Viŋ zɔ! Mə naysə ŋkee nu yinsəŋ tɨ́ viŋ laa vɨɨ lùu shɔ taa ŋwaa vɨɨ və̀ faŋ vəŋ dùꞌ feenə nə, faŋ vəŋ kee ndɔ ku me, buu ye Wuu yinsəŋ Nwi faŋ ŋwə jwi nə nu yifwàŋ fɨ yizɔ.»

Akts 26:23

Vəŋ nə duꞌtə vəŋ naysə laa Kristo, wuu məbweysə vɨɨ, ŋgwə faŋ Nwi kɔ̀ꞌnə nə, ndɔ ye ŋɨꞌ, baa luu mfɔŋ wə maa məywey fɨ shɨ yiku, kɨ fɨꞌtə nu məley Nwi tɨ́ ŋgwisə nyaa-nsiŋ nə tɨ́ vɨɨ tɔmə day, laa sɨ vəŋ ley.»

1 Kɔrintian 15:20

Luu nə, ŋkə luu ŋkee nu yinsəŋ laa Nwi nə ywèysə Kristo fɨ shɨ yiku. Ŋwə nə luu mfɔŋ wə maa məywey fɨ shɨ yiku.

1 Kɔrintian 15:52

Nu kɔ́ ndɔ gay sheꞌ yighee muꞌ, faŋ vɨ ndɔ taw yisaw maa yighee vəndwə və mbi. Maa yighee yɔ́, faŋ yisaw yɔ́ ndɔ gi nə, vɨɨ mbɨə faŋ vəŋ nə kukə nə, ywey. Vəŋ jwi kii yiŋwaa faŋ kaꞌ nyə kee baa bɨ me. Gə fɨ maa nsiŋ, nsiŋ ndɔ kwiinə yiŋwaa maa yighee yɔ́ nɨzi.

1 Kɔrintian 3:23

Gə fɨ maa viŋ, viŋ lùu vɨɨ Kristo. Kìi Nwi kìi Kristo.

1 Kɔrintian 6:14

Sheꞌ faŋ Nwi nə ywèysə Yeso Kristo fɨ shɨ yiku nə, ŋwə ndɔ baa ndi wutə ki kɔ́, yɨ̀sə nsiŋ ywey fɨ shɨ yiku nɨzi.

2 Kɔrintian 10:7

Viŋ ndeynə nu faŋ kaꞌ ŋkə luu kəley sɨ viŋ. Wə mɔ́ꞌ lùu shɔ faŋ ŋwə lumə ŋwaa wi laa yi lùu wuu Kristo, bàw ŋwə baa ywiitə fɨ taa fwi ŋwə laa yia lùu vɨɨ Kristo sheꞌ yaa ŋwə.

Galatia 3:29

Viŋ kɨ yɨ lùu vɨɨ Kristo, buu ŋkə də̀ laa viŋ lùu vaŋ Abraham nɨzi, buu viŋ ndɔ fi vətɔ vənshə faŋ Nwi nə kɔ̀ꞌnə, laa Nwi ndɔ kɔ tɨ́ Abraham ghɔ ŋgwisə yi.

Galatia 5:24

Vɨɨ mbɨə faŋ lùu vɨɨ Yeso Kristo, mèꞌ vənu vəbwəvə vəvəŋ vənshə, nə mbɨꞌtə yibwə yinshə laylay. Ŋkə lùu yaa vəŋ ndi vənu vɔ́, bèy fuu fəŋkɔꞌ fə ŋkɨꞌsə fə Yeso Kristo.

Filipi 3:11

Nɨniŋ laa kaꞌ mə ziꞌ maa məywey fɨ shɨ yiku yuu ŋwə nɨzi.

1 Tesalonika 2:19

Nu ŋkɨə tɨ́ kaꞌ yia ŋaytə shɔ vɨsɨ tɨta ŋwaa-nsiŋ Yeso maa yighee njyə faŋ ŋwə ndɔ bəŋ jwi nə, taa luu kə? Nu ŋkɨə tɨ́ kaꞌ vɨ ndɔ bəŋsə yia shɔ, yia nùŋ fwi sia shɔ, lùu kə? Maa luu sheꞌ viŋ.

Reveleyshən 1:5

baa nə fɨ ghɔ Yeso Kristo faŋ ŋwə nə də̀ yinsəŋ Nwi ŋkee yiley, fì vɨsɨ maa məywey fɨ shɨ yiku, sɔꞌ vəfwàŋ fɨ shɨ nsi nɨzi. Ŋwə baa luu kàw nsiŋ, kù tɔ nsiŋ maa məbweysə nsiŋ fɨ taa vənu vəbwəvə vaŋ-nsiŋ,