1 Kɔrintian 15:2 - Vengo (Babungo)

² Luu sheꞌ buꞌ yigi yɔ́ faŋ Nwi bwèysə viŋ, faŋ viŋ nùŋsə yigi yɔ́ sheꞌ faŋ mə nə nàysə tɨ́ viŋ nə. Toꞌ kee lùu nɨniŋ me, buu viŋ nùŋ fwi siŋ maa Kristo sheꞌ dayday.

1 Kɔrintian 15:2 ပူးပေါင်းရင်းမြစ်များ

Lukas 8:13

Say ŋgɨə faŋ ŋə fìŋkə taa yighɔsə nə, lùu yaa nu vɨɨ mbɨə faŋ vəŋ zɔ̀ nu Nwi, bìŋ nə məŋaytə, luu nə, kee kìi ghay me. Vəŋ biŋ sheꞌ maa wee-fɨ-yighee nee, ŋɨꞌ taa kɨ ŋii vəŋ, vəŋ nyɨŋkə fɨ maa məbiŋ vəŋ ghɔ́.

Akts 2:47

bəŋsə Nwi. Vɨɨ vənshə ŋaytə maa vəŋ. Nwi baa kùꞌsə nwaa vəŋ shi shi nə vɨɨ faŋ Nwi bwèysə vəŋ nɨzi.

Akts 8:13

Nshɨ-tɔ Saymon nə bìŋ nu Kristo nɨzi, baa luu fì muu mə Nwi, kɨ nii bèꞌsə Filip, yè vənu və shuu yɔŋvə faŋ Filip fɨꞌsə nə, shuu wi yɔŋ ghee nshə.

Roma 1:16

Tɔ kaŋ kee dɨdɨɨ maa ntɔŋ yijəə Nwi yɔ́ me, buꞌ laa lùu nu wutə Nwi, faŋ ŋkə kɔ məbwey vəlwaŋ tɨ́ vɨɨ mbɨə faŋ vəŋ nùŋ fwisə vəŋ maa Kristo, zì fɨ maa vɨɨ Jus, gə kɔ tɨ́ vɨɨ tɔmə day.

Roma 11:22

Bàw a kɨɨ nə gəŋsə Nwi, baa nə fwi yishəsə yi nɨzi. Nwi shə maa vɨɨ faŋ vəŋ gù, saylə tɨ́ ghɔ, faŋ a gòꞌsə taa nu məsaylə kɔ́. Luu nə, a kee gòꞌsə shɔ me, buu ŋwə shia ghɔ, mèꞌ nɨzi.

1 Kɔrintian 1:18

Vɨɨ mbɨə faŋ vəŋ toꞌ fɨ maa jɨɨ yiku, ndɨ yigi yɔ́ kɔ̀ŋ yiku Yeso fuu fəŋkɔꞌ fə ŋkɨꞌsə yaa yigisə vəmfaw. Gə̀ fɨ maa nsiŋ, faŋ Nwi bwèysə nsiŋ nə, nsiŋ kɔꞌ kɨɨ laa wutə Nwi lùu shɔ.

1 Kɔrintian 1:21

Maa yighee njyə faŋ Nwi nə də̀ yitɔfə yi tɨ́ vɨɨ fɨ taa mbi nyə̀, vəŋ nə kee bee kɨ̀ɨ nə Nwi fɨ taa tɔ-ley vəŋ me. Nɨniŋ, fwi Nwi nə bàw maa məbweysə vɨɨ mbɨə faŋ vəŋ nùŋ fwisə vəŋ maa Yeso Kristo buꞌ faŋ vəŋ zɔ̀ nu Nwi kɔ́, faŋ ŋkə lùu yaa yigisə vəmfaw nə.

1 Kɔrintian 11:2

Mə bəŋsə viŋ dɨdɨꞌ, buꞌ laa viŋ lumə yigisə nyaa yinshə, baa bèꞌsə vənu mbɨə faŋ mə nə dèesə viŋ shɔ nə.

1 Kɔrintian 15:14

Ŋkə nə maa luu laa Yeso nə ywèy fɨ shɨ yiku me, buu ŋkə də̀ laa yigisə Nwi faŋ yia fɨꞌtə tɨ́ viŋ, lùu nu dayday. Məbiŋ wiŋ nɨzi, faŋ viŋ nùŋ fwi siŋ maa Kristo nə, lùu nu dayday nɨzi.

2 Kɔrintian 2:15

Nɨniŋ, yia luu fa jəə tɨ́ Nwi fɨ yiba jɨŋ Yeso Kristo taa ŋwaa vɨɨ mbɨə faŋ Nwi bwèysə vəŋ, nə taa ŋwaa vɨɨ mbɨə faŋ vəŋ ndɔ ndi. Ŋkə lùu yaa vəkɔ faŋ vɨ twàŋ tɨ́ Nwi, mbə luŋsə vəjəə.

2 Kɔrintian 6:1

Faŋ yia gaŋtə maa faꞌ Nwi nə, yia tɨsə viŋ laa viŋ ndɨɨnə laa gəŋsə Nwi, faŋ Nwi kèe gəŋ saŋ-nsiŋ nə, kee gù nu dayday tɨ́ viŋ me.

Galatia 3:4

Viŋ duꞌtə viŋ ye faŋ Nwi faꞌ vənu vəyaŋ taa ŋwaa viŋ. Viŋ ndi vənu vɔ́ yaa vənu vədayday mu? Mə kee bɨꞌtə laa mbə lùu dayday me.

Efesɔs 2:8

Nwi nə bweysə viŋ buꞌ gəŋsə Nwi, faŋ viŋ nùŋ fwi siŋ maa Kristo. Kee bee gaŋtə viŋ gàŋtə yiŋwaa yiŋ me; nə key sheꞌ Nwi kèy viŋ shɔ.

Kɔlɔsii 1:23

buꞌ faŋ viŋ kɨ tɨtweꞌ bìŋ Nwi, nùŋ fwi siŋ sheꞌ maa nu Nwi, tɨ̀ŋnə weꞌ, tə̀ sɨ sheꞌ maa vənu mbɨə faŋ viŋ zɔ̀ fɨ taa nu Nwi. Luu sheꞌ nu Nwi kɔ́ faŋ vɨ fɨꞌtə tɨ́ vɨɨ vənshə, ŋkə saynə shɨ nsi kənshə. Mə Pɔɔl nə gù wuu faꞌ nu Nwi kɔ́, laa mə kɨ fɨꞌtə nu Nwi kɔ́ tɨ́ vɨɨ.

2 Tesalonika 2:15

Nɨniŋ mɔɔ, vaŋ-nshwi via, viŋ kɨ tweꞌ, jìa vənu mbɨə faŋ yia nə nàysə tɨ́ viŋ nə shuu wia, nə mbɨə faŋ yia nə nyɔ̀ꞌ tɨ́ viŋ taa ŋwaꞌlə wia nə.

2 Timoti 1:9

Ŋwə nə bwèysə nsiŋ, shoꞌ nsiŋ maa vɨɨ ley vi, kee kɨ tii nsiŋ buꞌ vənu vəjəəvə vaŋ-nsiŋ me. Ŋwə nə tìi nsiŋ luu buꞌ faŋ nshɨ-tɔ wi nə kɔ̀ꞌnə taa fwi ŋwə shù fɨ maa vənzi və mbi, laa ŋwə ndɔ kee gəŋ saŋ-nsiŋ, faŋ ŋwə ndɔ tɔŋ Yeso Kristo tɨ́ nsiŋ nə.

Hibru 10:23

Bàw nsiŋ tɨŋnə weꞌ, kɨ kɨꞌ məbwey vəlwaŋ, faŋ nsiŋ tə̀ sɨ shɔ nə. Bàw nsiŋ baa bìŋ vənu vɔ́ ntee, buꞌ laa Nwi, faŋ ŋwə nə kɔ̀ꞌnə nu kɔ́ tɨ́ nsiŋ nə, luu wuu yinsəŋ.

Hibru 2:1

Faŋ ŋkə lùu nɨniŋ nə, bàw nsiŋ ywiitə yigi njyə faŋ nsiŋ nə zɔ̀ nə, tɨ́ kaꞌ nsiŋ kee ndì jɨɨ me, buꞌ faŋ nsiŋ kee nùŋ tɔ shɔ nə me.

Hibru 3:14

Viŋ kɨ lumə laa nsiŋ lùu nə fa kəmuꞌ, nsiŋ vɨ Kristo, faŋ nsiŋ taa kɨ nuŋsə vənu mbɨə faŋ nsiŋ nə bìŋ yighee vɨsɨ nə, gə kɔ maa vəndwə.

Hibru 3:6

Jwi maa Kristo, ŋwə lùu ŋkee Wee Nwi faŋ ŋwə shiinə njiinə ŋii. Ŋii yi yɔ́ lùu nsiŋ. Nsiŋ lùu vɨɨ ŋiinə vi, faŋ nsiŋ tə̀ sɨ maa məbwey vəlwaŋ, faŋ nsiŋ kɨꞌ ŋwə nə fwi yimuꞌ nə, tweꞌ shɔ, zìꞌ maa vəndwə nə məŋaytə.

Hibru 4:14

Nsiŋ tɨŋ sheꞌ maa nu ŋkɨə faŋ nsiŋ bìŋ yikəꞌ vɨɨ nə, buꞌ laa wuu kwalə məfeꞌ Nwi lùu shɔ, faŋ ŋwə tɨ̀ŋ tɔ nsiŋ. Wuu kwalə məfeꞌ Nwi ghɔ́ lùu Yeso, wee Nwi, faŋ ŋwə nə koꞌ gə̀ yɨ Nwi yizɔ.

Jeyms 2:14

Vaŋ-nshwi vaŋ, wə kɨ luu gi laa yi bìŋ Nwi, kee kɨ yɨsə nu ŋkɨə faŋ Nwi kəə me, buu kaꞌ ŋkə taa gaŋtə ŋwə nə kə? Kaꞌ məbiŋ wi ghɔ́ bweysə ŋwə kɨkə?

Jeyms 2:17

Luu sheꞌ nɨndɨŋ maa məbiŋ Nwi. Wə kɨ luu bìŋ nu Nwi, kee kɨ yɨsə nu ŋkɨə faŋ Nwi kəə me, buu məbiŋ wi ghɔ́ lùu nu yɔŋ.

Jeyms 2:26

Maa ŋwaa wə faŋ zwitə ki kee lùu shɔ me lùu ŋku wə. Sheꞌ nee, wə faŋ ŋwə bìŋ nu Nwi, kee kɨ yɨsə nu ŋkɨə faŋ Nwi kəə me, buu nu məbiŋ ki lùu ŋku nu nɨzi.