1 Kɔrintian 15:10 - Vengo (Babungo)

¹⁰ Luu nə, ŋwə kee gəŋ saŋ, tù mənɔŋ-bwaŋnə tɔ mə, yɨ laa mə gu wə ntɨə faŋ mə lùu ndwə. Mənɔŋ-bwaŋnə wi nə gəŋ si, faŋ Nwi nə kɔ̀ shee nə, kee ndì dayday me. Ŋkə yɨsə laa mə ndɨ wutə kaŋ kənshə, fàꞌ tɨ́ Nwi shɔ̀ɔ vəŋ vənshə. Nə kee lùu wutə kaŋ faŋ mə ndɨ̀, kɨ faꞌ ŋgɨɨ-mə me. Nə luu sheꞌ gəŋsə Nwi nə wutə ki faŋ ŋkə lùu ghɔ mə.

1 Kɔrintian 15:10 ပူးပေါင်းရင်းမြစ်များ

Matiu 10:20

Nɨniŋ, ndɔ kee kɨ gisə viŋ me; ndɔ kɨ gisə Zwitə tɨta Nwi, Tii wiŋ, faŋ ŋkə lùu taa fwisə viŋ.

Matiu 25:16

Wə ntɨə faŋ ŋwə nə fì vəmalia tee nə, ndɔ yighee muꞌ, ndɔ̀ gə̀ maa məbeꞌlə ka ghɔ́, sèy vəmalia tɔ yi tee.

Roma 11:1

Ŋkə də̀ laa Nwi mèꞌ vɨɨ Isirayl, faŋ lùu ŋgwisə vɨɨ vi nə mu? Bey, kee lùu nɨniŋ me. Maa mə lùu wuu Isirayl nɨzi, fɨ taa ŋiꞌ ŋii Abraham fɨ ŋii nə Benyamin.

Roma 12:3

Nɨniŋ, mə buꞌ ghɔ tɨ́ viŋ tɔ tɔ laa, kɨ wə kɨ bɨꞌtə laa mfɨꞌ nu yi bàw shɔ̀ɔ faŋ mfɨꞌ fwi yi lùu me. Mə gì tɨ́ viŋ nɨniŋ buꞌ mənɔŋ-bwaŋnə Nwi faŋ Nwi nə kèy mə shɔ nə. Bàw wə kɨ fɨꞌ nu ki nə yitɔfə fɨ maa mfɨꞌ məbiŋ wi faŋ Nwi kɔ̀ tɨ́ ŋwə, ŋwə nùŋ fwi yi maa Kristo nə.

1 Kɔrintian 15:11

Faŋ mə fɨꞌtə yigisə Nwi tɨ́ viŋ, tɨꞌnə me wə dɨday fɨꞌtə tɨ́ viŋ, ŋkwiinə kee lùu shɔ me. Yia vənshə fɨꞌtə sheꞌ nu Kristo tɨ́ viŋ maa jɨɨ yimuꞌ. Viŋ nə nùŋ fwi siŋ sheꞌ maa nu Kristo kɔ́.

1 Kɔrintian 15:2

Luu sheꞌ buꞌ yigi yɔ́ faŋ Nwi bwèysə viŋ, faŋ viŋ nùŋsə yigi yɔ́ sheꞌ faŋ mə nə nàysə tɨ́ viŋ nə. Toꞌ kee lùu nɨniŋ me, buu viŋ nùŋ fwi siŋ maa Kristo sheꞌ dayday.

1 Kɔrintian 3:10

Yighee vɨsɨ, faŋ mə nə fɔŋ jwì yɨ viŋ nə, Nwi nə kɔ̀ tɔ ley shee, tɨ́ kaꞌ mə bɔ̀ŋ shɨ ŋii Nwi kɔ́ yaa wuu məfianə ndɔꞌ jəə. Wə dɨday kɨ nii tey kɨ bɔŋ vəlɨtə və ŋii vɔ́. Bàw wə tɨ̀ me wə faŋ ŋwə bɔ̀ŋ ŋii yɔ́, ndɨ yighee, kɨ bɔŋ maa jɨɨ yijəə.

1 Kɔrintian 3:6

Yia lùu yaa vɨɨ faꞌ taa biisə. Mə bia vətɔ, Apɔlɔs tutə muu shɔ. Luu nə, luu sheꞌ Nwi faŋ ŋwə yɨsə laa vətɔ vɔ́ fuu kɨ ta.

1 Kɔrintian 4:7

Sii nàysə ndə laa a shɔ̀ɔ vɨɨ mɔ́ꞌ? A kìi fa ghɔ ghɔ faŋ ŋkə kee ndɔ̀ fɨ ghɔ Nwi yimu? Faŋ kɔ̀ Nwi kɔ̀ vətɔ vənshə tɨ́ ghɔ nə, sii yɨ̀ kə a koꞌsə ŋwaa maa vətɔ vɔ́, yaa wə faŋ ŋwə nə fàꞌ nu nə ŋkiinə wutə.

2 Kɔrintian 12:11

Mə gisə yaa mfaw, luu nə, yɨ̀ viŋ laa mə kɨ yɨ nɨniŋ. Nə luu nu kiŋ maa məbəŋsə mə, buꞌ laa vɨɨ mbɨə faŋ viŋ tii nə vɨɨ ntɔŋ Kristo vəkwalə nə, kee bee shɔ̀ɔ mə me, faŋ mə kɔlə lùu wuu dayday.

2 Kɔrintian 3:5

Ŋkə kee lùu laa yia kùꞌnə, tɨ́ kaꞌ yia gì laa nu mɔ́ꞌ ndɔ̀ fɨ ghɔ yia me. Məkuꞌnə wia ndɔ fɨ ghɔ Nwi,

2 Kɔrintian 6:1

Faŋ yia gaŋtə maa faꞌ Nwi nə, yia tɨsə viŋ laa viŋ ndɨɨnə laa gəŋsə Nwi, faŋ Nwi kèe gəŋ saŋ-nsiŋ nə, kee gù nu dayday tɨ́ viŋ me.

Galatia 2:8

Vəŋ nə ye laa Nwi, faŋ ŋwə nə kɔ̀ wutə tɨ́ Pita, laa Pita luu wuu ntɔŋ wi tɨ́ vɨɨ Jus, kɔ̀ wutə shee maa faꞌ ŋwaa nɨzi, laa mə luu wuu ntɔŋ wi tɨ́ vɨɨ məshɨ mə mbi məmɔ́ꞌ faŋ vɨ kee sɨ̀ɨtə vəŋ nə me.

Filipi 2:13

Viŋ toꞌ nɨniŋ, buu lùu nshɨ-tɔ Nwi faŋ ŋwə faꞌ taa ŋwaa viŋ, yɨsə laa viŋ kaw maa mətoꞌ nɨniŋ. Ŋwə baa luu kɔ wutə tɨ́ viŋ maa mətoꞌ nɨniŋ. Too Nwi bàw maa məfaꞌ nɨniŋ taa ŋwaa vɨɨ.

Filipi 4:13

Yaa kɨ weꞌsə Kristo weꞌsə mə. Ŋwə kɔ wutə shee, tɨ́ kaꞌ mə yɨ̀sə vənu vənshə.

1 Tesalonika 5:12

Vaŋ-nshwi via, yia buꞌ ghɔ tɨ́ viŋ laa viŋ kɨɨ nə nu vɨɨ mbɨə faŋ vəŋ sàŋ yiŋwaa yivəŋ maa vəfaꞌ buꞌ viŋ. Vəŋ duꞌ tɔ viŋ maa yizii tɨta Yeso, tɨsə viŋ.

1 Timoti 4:10

Lùu nu ŋkɨə faŋ nsiŋ saŋ yiŋwaa nyaa-nsiŋ shɔ, baa tuŋ yighaw buꞌ nu kɔ́, buꞌ laa nsiŋ nùŋ fwi saŋ-nsiŋ maa Nwi, faŋ lùu Nwi faŋ ŋwə goꞌsə yighee muꞌ, baa lùu mbweysə vɨɨ vənshə, bweysə vɨɨ mbɨə faŋ vəŋ nùŋ fwisə vəŋ maa Kristo nə.