1 Kɔrintian 15:1 - Vengo (Babungo)

¹ Vaŋ-nshwi vaŋ, bàw mə baa lùmə ŋiꞌ nu Kristo tɨ́ viŋ, faŋ mə nə fɔŋ fɨ̀ꞌtə tɨ́ viŋ. Viŋ nə bìŋ yigisə Nwi yɔ́, wèꞌ shɔ.

1 Kɔrintian 15:1 ပူးပေါင်းရင်းမြစ်များ

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 12:48

Luu nə, wə ntɨə faŋ ŋwə twèy mə, kee biŋ nu ŋkɨə faŋ mə gisə me, buu wuu məkwaŋ ŋwə taa nsɔꞌ shɔ. Lùu yigisə nyaa faŋ mə nə gì, faŋ nyə ndɔ kwaŋ ŋwə taa nsɔꞌ maa vəshi vəndwə.

Akts 11:1

Vɨɨ ntɔŋ Yeso ghɔ vɨ vɨɨ məbiŋ nu Yeso fɨ shɨ Judia, zɔ laa vɨɨ tɔmə day bìŋ nu Nwi nɨzi.

Akts 2:41

Vɨɨ mbɨə faŋ vəŋ nə bìŋ yigi yɔ́, fi muu mə Nwi. Nɨniŋ, vɨɨ yaa ŋkaŋsə sətia kùꞌsə maa nwaa vəŋ sheꞌ maa shi kɔ́.

Roma 11:20

Lùu nɨniŋ. Luu nə, vɨ nə bɨ̀ꞌtə vəŋ buꞌ faŋ vəŋ kee nùŋ fwi vəŋ maa Kristo me. Vɨ yə̀ənə ghɔ shɔ, buꞌ faŋ a nə nùŋ fwi yə maa ŋwə. Nɨniŋ, kɨ buꞌ dɨŋ me, kɨ fɨfee.

Roma 2:16

Nu kɔ́ ndɔ fuu ntee maa shi ŋkɨə faŋ Nwi ndɔ shoꞌtə vənu və vɨɨ faŋ vəŋ nə ndɨə. Mfɨꞌ yi ndɔ luu ntɔŋ yijəə Nwi buꞌ Yeso Kristo, faŋ mə fɨꞌtə tɨ́ vɨɨ nə.

Roma 5:2

Tɨta Yeso Kristo nə kɔ̀ jɨɨ tɨ́ nsiŋ maa məshɔɔ fɨ fuŋ, ŋìi mənɔŋ-bwaŋnə Nwi, faŋ nsiŋ nùŋ fwi saŋ-nsiŋ maa ŋwə nə. Nɨniŋ, nsiŋ ŋìi mənɔŋ-bwaŋnə Nwi ghɔ́, kɨ ŋaytə, baa mwa, buꞌ faŋ nsiŋ kɨꞌ nu yikwalə Nwi, faŋ ŋkə bàw shɨlə nə.

1 Kɔrintian 16:13

Viŋ kɨ kɨɨ buꞌ viŋ gu nu me! Viŋ nuŋ fwi siŋ maa Yeso Kristo, wèꞌ shɔ. Viŋ kii fwisə weꞌsə, tɨ̀ŋnə weꞌ.

1 Kɔrintian 3:6

Yia lùu yaa vɨɨ faꞌ taa biisə. Mə bia vətɔ, Apɔlɔs tutə muu shɔ. Luu nə, luu sheꞌ Nwi faŋ ŋwə yɨsə laa vətɔ vɔ́ fuu kɨ ta.

1 Kɔrintian 4:15

Vɨɨ kɔlə luu ŋkee vəyaŋ faŋ vəŋ shiinə viŋ kɔ̀ŋ nu Kristo, vətɨɨ viŋ kee lùu vəyaŋ me. Wə lùu shɔ sheꞌ muꞌ faŋ ŋwə nə bì viŋ, viŋ gu vɨɨ Kristo nə. Lùu mə faŋ mə nə fɔŋ jwì nàysə nu Yeso Kristo tɨ́ viŋ, tɨ́ kaꞌ viŋ vɨ Yeso Kristo fàynə gù fa kəmuꞌ nə.

2 Kɔrintian 1:24

Kɨ ŋkə kee lùu laa yia kɨ sɔꞌ nsɔꞌ tɔ viŋ buꞌ məbiŋ wiŋ, faŋ viŋ nùŋsə fwi siŋ maa Kristo me. Yia bee kii lùu vɨɨ məgaŋtə viŋ laa viŋ kii məŋaytə, buꞌ laa viŋ duꞌtə viŋ nuŋsə fwi siŋ maa Kristo, gòꞌsə shɔ.

1 Tesalonika 1:6

Viŋ nə zwètə nshinə yia baa nə nshinə tɨta Yeso, buꞌ faŋ viŋ nə zɔ̀ nu Nwi, bìŋ nə məŋaytə, faŋ vɨ nə kɔlə kɔ ŋɨꞌ tɨ́ viŋ ŋkee yiyaŋ. Nə yɨsə Zwitə Ley Nwi laa viŋ nə bìŋ nə məŋaytə nə.

1 Tesalonika 2:13

Nɨniŋ, yia bwaŋ Nwi buꞌ viŋ ghee nshə. Yighee njyə faŋ yia nə jwì nə yigisə Nwi tɨ́ viŋ nə, viŋ zɔ, nùŋ fwi siŋ shɔ, kee ndì yigisə yɔ́ yaa yigisə wə mənsaw me, ndì lùu yaa yigisə Nwi, faŋ nyə lùu nɨniŋ yinsəŋ. Nə luu nɨniŋ buꞌ laa Nwi nə faꞌ taa ŋwaa viŋ, faŋ viŋ nə nùŋ fwi siŋ maa ŋwə nə.

1 Tesalonika 4:1

Vaŋ-nshwi vaŋ, yia fàynə vənu vɔ́ laa viŋ kɨ toꞌ ghuu yitoꞌ kiŋ, ŋkə kuꞌnə tɨ́ Nwi. Maa viŋ nə duꞌtə viŋ zɔ fɨ ghɔ yia, faŋ ŋkə kùꞌnə maa mətoꞌ vɨsɨ Nwi; viŋ baa luu tòꞌ nɨniŋ. Nɨniŋ, yia buꞌ ghɔ tɨ́ viŋ, tɨsə viŋ maa yizii tɨta Yeso, laa viŋ kɨ toꞌ nɨniŋ, gə̀ vɨsɨ vɨsɨ.

2 Tesalonika 3:6

Vaŋ-nshwi via, yia naysə tɨ́ viŋ maa yizii tɨta Yeso Kristo laa, viŋ buꞌsə fɨ ghɔ wə tɨ̀ me wə taa ŋwaa viŋ faŋ ŋwə kee kàw faꞌ me, kee kɨ toꞌ fɨ taa ntɨ njyə faŋ yia nə kɔ̀ tɨ́ viŋ nə me.

1 Pita 5:12

Mə nyɔꞌ vaŋ-vənu və̀ tɨ́ viŋ, yia Silvanɔs, faŋ mə kɨ̀ɨ nə ŋwə yaa wuu yinsəŋ, baa lùu wuu məbiŋ Nwi. Mə tɨsə viŋ shɔ, baa gìsə tɨ́ viŋ ntee laa luu ŋkee nu Nwi yinsəŋ nə, faŋ Nwi gaŋtə viŋ shɔ, viŋ weꞌ shɔ.