1 Kɔrintian 14:6 - Vengo (Babungo)

⁶ Vaŋ-nshwi vaŋ, maa yighee njyə faŋ mə taa jwi yɨ viŋ, kɨ ghaŋ laa mə gisə sheꞌ maa təghaŋ nɨŋkwiŋ nɨŋkwiŋ, buu mə taa gaŋtə viŋ kɨkə? Kaꞌ mə gaŋtə viŋ sheꞌ faŋ mə deesə nu Nwi tɨ́ viŋ ŋkee kəley, naysə nu ŋkɨə faŋ Nwi də̀ shee tɨ́ viŋ, baa fɨ̀ꞌtə nu tɔ-ley tɨ́ viŋ faŋ Nwi kɔ̀ shee.

1 Kɔrintian 14:6 ပူးပေါင်းရင်းမြစ်များ

Matiu 11:25

Kɨ lùu sheꞌ maa yighee yɔ́, Yeso tey kɨ shɔꞌtə Nwi laa, «Mə kɨ bəŋsə ghɔ, tɨta Nwi, faŋ a sɔꞌ yizɔ ghɔ nsi, buꞌ laa a ndɨ̀ə ntɔŋ yijəə yə fɨ ghɔ vɨɨ tɔ ley nə vəŋkaŋ-sɨ, bee kii kɔ̀ tɨ́ vɨɨ nshi.

Matiu 16:17

Yeso bəŋsə tɨ́ ŋwə laa, «Mənɔŋ-bwaŋnə tɔ ghɔ mɔɔ, Saymon, wee Jona, buꞌ laa nə kee twèlə mbɨꞌtə wə mənsaw twèlə nu kɔ́ tɨ́ ghɔ me, nə twèlə sheꞌ Tii ŋwaa faŋ ŋwə lùu yizɔ.

Matiu 16:26

Kɨ luu wə ndi mbi yinshə yaa njii, ndìsə məbwey wi, ŋkə taa gaŋtə ŋwə nə kə? Sii kaꞌ wə kɔ̀ kə maa məbaa kìi məbwey wi?

Akts 2:42

Vəŋ kɨ nii yiduꞌ, kɨ zɔ nu ŋkɨə faŋ vɨɨ ntɔŋ Yeso deesə tɨ́ vəŋ, baa luu biŋ, ndɔ zɨ fazɨ Mbɔŋ, ndɔ shɔꞌtə Nwi.

Roma 15:14

Vaŋ-nshwi vaŋ, mə kɔꞌ kɨɨ fɨ taa fwi mə laa, nu jəə lwàŋ taa fwisə viŋ nɨzi. Viŋ kɔꞌ kɨɨ nə vənu və Kristo vənshə ŋkee vəley, kɨɨ maa mətɨsə yiŋwaa yiŋ.

Roma 16:17

Vaŋ-nshwi vaŋ, mə tɨsə viŋ laa, viŋ kɨ tɔfə maa vɨɨ mbɨə faŋ vəŋ jwi nə ŋgaasə, yɨsə vɨɨ gu maa nu Kristo, faŋ viŋ nə zwètə nə. Viŋ nyɨŋ fɨ yɨ vəŋ,

Roma 6:17

Mə bwaŋ Nwi buꞌ laa viŋ kee baa lùu vəbuꞌ tɨ́ nu bwə me. Viŋ nə luu vəbuꞌ tɨ́ nu bwə, luu nə, ndwə viŋ nuŋ fwi siŋ maa nu ŋkɨə faŋ vɨ nə dèesə viŋ shɔ nə, zɔnə nu kɔ́ nə fwi yimuꞌ.

1 Kɔrintian 10:33

Nshɨ-tɔ ŋwaa kəə laa mə kɨ bawsə fwisə vɨɨ vənshə maa vənu vənshə faŋ mə yɨsə. Mə kee bɨꞌtə sheꞌ nu faŋ ŋkə taa gaŋtə mə nɨnɔŋ me; mə bɨꞌtə nu faŋ ŋkə taa gaŋtə vɨɨ vəyaŋ, tɨ́ kaꞌ mə ndɨ vəŋ, jwì nə vəŋ tɨ́ Nwi, tɨ́ vɨ kɔ Nwi bwèysə vəŋ.

1 Kɔrintian 14:1

Nɨniŋ, bàw viŋ kɨ kəə jɨɨsə laa ŋkawnə luu taa ŋwaa viŋ. Luu nə, viŋ buꞌ ghɔ tɨ́ Nwi nɨzi, laa ŋwə kɔ vəkɔ və Zwitə Nwi tɨ́ viŋ. Nu ŋkɨə faŋ ŋkə lùu kəkwalə taa ŋwaa vəkɔ vɔ́, lùu laa Zwitə Nwi kɔ wutə tɨ́ viŋ maa məfɨꞌtə yigisə shuu Nwi.

1 Kɔrintian 14:7

Maa shwenə, viŋ ye vətɔ faŋ vɨ yaa kɨ buꞌ maa nyaysə, yaa ndaw nə ndəə-ntɨ, kɨ luu nyay yɔ́ kee fùu yijəə me, buu kaꞌ wə kɨ̀ɨ nə ŋiꞌ nyay yɔ́ kɨkə?

2 Kɔrintian 11:6

Mə kɔlə lùu bwə maa məgi, kee bə̀ə tɔ ley maa məkɨɨ nə nu Nwi me, faŋ yia duꞌtə yia yɨsə ŋkə ley tɨ́ viŋ maa vənu vənshə maa jɨɨsə sənshə.

2 Kɔrintian 12:1

Mə taa kɨ koꞌsə ŋwaa, faŋ ŋkə kɔlə kee lùu nu tɨ́ kaꞌ wə sèy fɨ fuŋ me, mə kəə gi kɔ̀ŋ vənu faŋ Mɔꞌmbi nə yɨ̀sə mbə fuu sɨ mə.

2 Kɔrintian 12:7

Luu nə, Nwi yɨsə laa kɨ mə koꞌsə ŋwaa me, buꞌ vənu və shuu yɔŋvə faŋ mə nə ye nə. Vɨ sɔ̀ nyaw maa mbasə ŋwaa ŋwaa, faŋ luu ŋkee nshiiŋii Satan, faŋ vɨ nə kɔ laa ŋwə saŋ mə, laa mə kee baa kɨ koꞌsə ŋwaa me.

Efesɔs 1:17

Mə shɔꞌtə Nwi, tɨɨ tɨta ŋwaa-nsiŋ Yeso Kristo, ŋkee tɨta Nwi faŋ vənu vi bàw shɨlə nə, laa ŋwə kɔ Zwitə ki tɨ́ viŋ. Ŋkə kɨ kɔ viŋ nə yitɔfə, baa twelə ŋiꞌ nu ki tɨ́ viŋ, viŋ kɨɨ nə ŋwə.

Efesɔs 3:4

Viŋ taa kɨ tii vəshəŋ və ŋwaꞌlə vɔ́, buu viŋ taa ye faŋ mə kɔꞌ kɨɨ nə ŋiꞌ nu Kristo kɔ́, faŋ ŋkə nə ndènə maa yighee vɨsɨ nə,

Filipi 3:15

Gə fɨ maa nsiŋ vənshə faŋ nsiŋ lùu vɨɨ taa taa nu Nwi nə, bàw nsiŋ kɨ kwaꞌtə nu kɔ́ fɨ taa fwisə nsiŋ. Mbɨꞌtə yiŋ kɨ yɨ lùu nɨŋkwiŋ maa nu mɔ́ꞌ, buu Nwi taa də tɨ́ viŋ yiley.

2 Timoti 2:14

Kɨ lumə tɨ́ vɨɨ, baa tɨsə vəŋ nə wutə yikəꞌ Nwi, laa kɨ vəŋ kɨ mɔꞌlə yigi me, buꞌ laa kaꞌ nyə kee gàŋtə wə nə nu me, bee kii ndisə nu Nwi fɨ taa fwisə vɨɨ faŋ vəŋ zɔ̀.

2 Timoti 3:10

Gə fɨ maa ghɔ, a nə ndì ghuu yitoꞌ kaŋ maa nu ŋkɨə faŋ mə nə dèesə nə, baa luu bèꞌsə mə fɨ maa nshinə nyaa, baa nə faŋ mə kəə jɨɨsə maa məgə vɨsɨ vɨsɨ, nùŋ fwi nyaa maa Kristo, jìa fwi, dùꞌ bwaŋnə, kàw vɨɨ, jia fwi nyaa faŋ vɨ kɔ ŋɨꞌ tɨ́ mə.

2 Timoti 3:16

Vəŋwaꞌlə vənshə faŋ Nwi nə yɨ̀sə vɨɨ nyɔꞌ fɨ maa Zwitə ki bàw, baa gàŋtə vɨɨ, deesə nu Nwi tɨ́ vəŋ, ŋaꞌsə sɨ vəŋ maa ŋiꞌ nu vəŋ, tɨ́ kaꞌ vəŋ kwìinə fwisə vəŋ, mèꞌtə nu bwə vəŋ. Mbə baa bɔ̀ŋsə vəŋ maa yitɔfə vəŋ maa məkɨɨ nə nu ŋkɨə faŋ ŋkə lùu kəloomə.

2 Timoti 4:2

baa nə laa a kɨ fɨꞌtə nu Nwi, jiatə vɨɨ shɔ, faŋ ŋkə taa baw tɨ́ vəŋ, tɨꞌnə me kee baw me, kɨ ŋaꞌsə sɨ vəŋ maa ŋiꞌ nu vəŋ, naysə tɨ́ vəŋ faŋ Nwi ndɔ kwaŋ vəŋ taa nsɔꞌ. Bàw a tɨsə vəŋ, kɨ jia fwi yə, kee bwà maa mətɨsə vəŋ me. Twelə ŋiꞌ nu Nwi tɨ́ vəŋ kənshə.

Taytəs 3:8

Yigi yɔ́ lùu nu yinsəŋ. Mə kəə laa a gi vənu vɔ́ ŋkee nə wutə, laa vɨɨ mbɨə faŋ vəŋ nùŋ fwisə vəŋ maa Nwi, tə̀ sɨ maa məyɨsə vənu vəjəəvə. Kɨ luu vəŋ yɨ̀ nɨniŋ, buu luu ŋkee nu jəə. Ŋkə baa gàŋtə vɨɨ nɨzi.

Hibru 13:9

Kɨ viŋ biŋ laa yigisə yifinə faŋ vɨɨ deesə viŋ shɔ nɨŋkwiŋ nɨŋkwiŋ, yɨsə viŋ ndi jɨɨ Nwi me. Yaa kɨ yɨsə nu jəə faŋ ŋkə ndɔ fɨ ghɔ Nwi, yɨsə fwi wə weꞌ. Ntɨsə nsɨə faŋ nsə gì kɔ̀ŋ nu fazɨ, nsə kee kii ŋgaŋtə me; nsə kee gaŋtə vɨɨ mbɨə faŋ vəŋ beꞌsə nsə me.

2 Pita 1:5

Nɨniŋ, mə gì tɨ́ viŋ, faŋ viŋ bìŋ Yeso Kristo nə, laa viŋ kəweꞌ, shi nshinə yiŋ faŋ nyə bàw shɨ̀lə. Faŋ viŋ shi nə nshinə yijəə yɔ́ nə, viŋ kɨ toꞌ nə yitɔfə nɨzi.

2 Pita 3:18

Viŋ tɨŋnə sheꞌ taa shəŋ jəə kɔ́, weꞌ shɔ, tɨ́ kɨ kaꞌ tɨta ŋwaa-nsiŋ Yeso Kristo, faŋ lùu wuu məbweysə ŋwaa-nsiŋ, tu mənɔŋ-bwaŋnə tɔ viŋ. Viŋ baa kɨɨ nə ŋwə jəə. Nsiŋ kɨ bəŋsə ŋwə, faŋ ŋwə kìi feenə wi ghee nshə.

2 Jɔn 1:9

Wə tɨ̀ me wə faŋ ŋwə dèe ki, kee tɨŋ sheꞌ maa nu ŋkɨə faŋ Kristo nə dèesə me, buu ghɔ Nwi kee baa lùu fɔ nu me. Gə fɨ maa wə ntɨə faŋ ŋwə tɨŋ sheꞌ maa nu ŋkɨə faŋ Kristo nə dèesə tɨ́ ŋwə nə, tɨta Nwi ghɔ ŋwiŋ wi lùu yɨ kəŋ wə ghɔ́.